Սուրէն Դանիէլեան

Սուրէն Դանիէլեան (9 Օգոստոս 1948(1948-08-09), Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն), հայ գրականագէտ, բանասիրական գիտութիւններու տոկթոր, փրոֆեսոր։ Հայաստանի գրողներու միութեան անդամ (1996)։

Սուրէն Դանիէլեան
Ծնած է	9 Օգոստոս 1948(1948-08-09) (76 տարեկան)
Ծննդավայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Կոչում	փրոֆէսոր
Մասնագիտութիւն	գրականագէտ
Աշխատավայր	Գէորգեան Հոգեւոր Ճեմարան
Անդամութիւն	Հայաստանի Գրողներու Միութիւն

Կենսագրութիւն

Ուսանած է Երեւանի Խաչատուր Աբովեանի անուան հայկական պետական մանկավարժական ինստիտուտի բանասիրական ‎բաժանմունքը, այնուհետեւ՝ ասպիրանտուրայի եւ սկսած է դասախօսական աշխատանքը։ 1993-2001 թուականներու միջեւ հայ գրականութիւն դասաւանդած է Էջմիածինի Գէորգեան ճեմարանէն ներս։ 1995-ին հիմնադրած է «Սփիւռք» գիտաուսումնական կեդրոնը, կազմակերպած է արեւմտահայ լեզուի, գրականութեան, մեսրոպեան ուղղագրութեան՝ շուրջ երեք տասնեակի հասնող միամսեայ վերապատրաստութեան դասընթացքներ Սփիւռքի եւ հայրենիքի ուսուցիչներու համար։ 2013-էն Խաչատուր Աբովեանի անուան հայկական պետական մանկավարժական համալսարանի հայ նոր եւ նորագոյն գրականութեան եւ անոր դասաւանդման մեթոտիկայի ամպիոնի վարիչն է։ Հեղինակ է բազմաթիւ յօդուածներու. կազմած եւ հրատարակած է 50-էն աւելի ժողովածուներ՝ դասագիրքեր, ձեռնարկներ, պատմական, գիտական, գեղարուեստական հատորներ։

Պարգեւներ

• ՀՀ սփիւռքի նախարարութեան եւ ՀԳՄ համատեղ «Ուիլիամ Սարոյեան» մետալ, 2012
• ՀԳՄ «Գրական վաստակի համար» մետալ, 2007
• ՀԳՄ Միքայէլ Նալպանտեանի անուան մրցանակ, 1994

Երկեր

• Արեւմտահայ գրականութիւն. Տիտանիկ թէ՞ շարունակականութիւն, Եր., 2014,
• Միջուկի տրոհումը. սփիւռքահայ գրականութեան պատմութիւն, գիրք Ա, Եր., 2011,
• Բանաստեղծութեան ազատագրումը. Զարեհ Խրախունի, Ս. Էջմիածին, 1999,
• Ներաշխարհի գեղարուեստական քննութիւն. Ռոպէր Հատտէճեան, Իսթանպուլ, 1996,
• Սփիւռքահայ վէպը. ժանրը, աւանդոյթները, պատմութեան փիլիսոփայութիւնը, Անթիլիաս, 1992։