Գարա Տէրվիշ

Գարա Տէրվիշ (Յակոբ Գենջեան), 7 Յունիս 1872 - 16 Դեկտեմբեր 1932, Բանաստեղծ, արձակագիր:

Կենսագրութիւն

Ծնած է Ստավրոպոլ: 1893-ին աւարտած է Նոր Նախիջեւանի թեմական դպրոցը:Եղած է գրագիր եւ ուսուցիչ:Գրած է բանաստեղծութիւններ, պատմուածքներ,վիպակներ:1910-ական թուականներուն տարուած է ապագայապաշտութեամբ(futurism), փորձած է այդ ուղղութիւնը արմատաւորել հայ քնարերգութեան մէջ:«Երուանդ Գոշ» (1911) վիպակին մէջ համատեղած է լուսաւորականութիւնն ու քրիստոնէութիւնը, տուրք տալով ժամանակի անհատապաշտական ու յուսահատական տրամադրութիւններուն: Գրողին «Կեանքի ջութակը»(1917)վիպակին մէջ կը գերիշխեն բնապաշտական տեսարանները:«Օրերից առաջ» (1928) երկը փորձ է` իմաստաւորելու նախայեղափոխական մտաւորականութեան կեանքը: Թարգմանութիւններ ըրած է Ուոլթ Ուիթմենէն:Հայերենէ ռուսերէնի թարգմանած է Ալեքսանդր Շիրվանզադէի, Լեւոն Շանթի, Աւետիս Ահարոնեանի առանձին ստեղծագործութիւնները: Մահացած է Թիֆլիս, 16 Դեկտեմբեր 1932-ին:

«Կեանքի ջութակը» վիպակին մէջ նշուող գլխաւոր միտքերէն

«Ես ֆութուրիստ եմ- հպարտ ու գոռոզ կուռքերու փշրողն եմ, հաստատուն պատուանդանների գլորողը, նուիրական արձաններու ջարդող վանդալը: Ես խելառ սիրահար եմ- բոցավառ համբոյրներ եմ դրոշմում գեղեցկուհու կուրծքին եւ կատաղի թեւերով սեղմում բուռն, փոթորկոտ եւ տարփալից գրկումս: Ես ամէն ինչ եմ եւ ոչինչ եմ: Ես Գարա-Տէրվիշն եմ»: