Վարդան Բախշեան
Վարդան Բախշեան (1 Մայիս 1965, Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն - 16 Դեկտեմբեր 1991), հայ ազատամարտիկ։
| Վարդան Բախշեան | |
|---|---|
| Ծնած է | 1 Մայիս 1965 |
| Ծննդավայր | Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Մահացած է | 16 Դեկտեմբեր 1991 (26 տարեկանին) |
Կենսագրական գիծեր
ԽմբագրելԾնած է Երեւան: Միջնակարգ կրթութիւնը ստացած է Արմաւիր քաղաքի թիւ 2 միջնակարգ (այժմ` Վարդան Բախշեանի անուան) դպրոցին մէջ[1]։
1989-ին աւարտած է Երեւանի Պետական Համալսարանի պատմութեան բաժանմունքը[2] եւ ընդունուած է ասպիրանտուրա: Ուսանողութեան տարիներուն ան աշխատած է համալսարանին քարտէսագրութեան տարրալուծարանին մէջ:
Գործունէութիւն
Խմբագրել1988-ի կէսերուն մասնակցած է «Հայ Ուսանողութեան Դաշինք» կազմակերպութեան ստեղծման աշխատանքներուն:
Վարդանի անմիջական մասնակցութեամբ տպագրուած է Հայաստանի առաջին անկախ թերթերէն մէկը՝ «Դաշինք»ը:
1989-ին անդամագրուած է Հայաստանի Ազգային Անկախութեան կուսակցութեան։
1990-ին միացած է Հ.Յ.Դաշնակցութեան շարքերուն եւ մասնակցած է Բերդաձորի Պաշտպանութեան:
1990-ին Հայաստանի մէջ եղած է սկաուտութեան վերահիմնադիրը[1]։
1991-ին Աթէնքի մէջ ընտրուած է Հ.Մ.Ը.Մ.ի կեդրոնական վարչութեան անդամ:
Նահատակուած է 16 Դեկտեմբեր 1991-ին, Հասանաբատի ինքնապաշտպանութեան կռիւներուն: Եռաբլուր կը գտնուի անոր գերեզմանը[2]։
|
Ես մեկնում եմ կռիւ՝ մեռնելու կամ յաղթելու, բայց՝ յաղթելու։ - Վարդան Բախշեան
|
|
Ծանօթագրութիւններ
Խմբագրել- ↑ 1,0 1,1 «Վարդան Բախշեան - Ալիք օրաթերթ»։ alikonline.ir (hy-am)։ արխիւացուած է բնօրինակէն-էն՝ 2023-04-12-ին։ արտագրուած է՝ 2023-04-12
- ↑ 2,0 2,1 «Եռաբլուրի Մէջ Յարգեցին Հերոսներուն Յիշատակը – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2023-04-12