Փաֆոսի Բիւզանդական Թանգարան
Փաֆոսի բիւզանդական թանգարան, Յունական ուղղափառ եկեղեցիէն նուիրուած Կիպրոսի Հանրապետութեան թանգարանին, ուր ներկայացած թանգարանային նմուշները յայտնաբերուած են Փաֆոս, Լիմասոլ եւ Կտիմա քաղաքներուն մէջ։ Թանգարանը կը գտնուի Կիպրոսի Փաֆոս քաղաքին մէջ։
Փաֆոսի Բիւզանդական Թանգարան | |
|---|---|
.JPG) | |
| Տեսակ | թանգարան |
| Երկիր |
 Կիպրոս |
| Տեղագրութիւն | Փաֆոս |
| Հիմնադրուած է | 1983 |
| 34°46′24″N 32°25′15″E / 34.7733°N 32.4208°E | |
| Կայքէջ | impaphou.org/mouseio_imp… |
 | |
 | |
Թանգարանին ստեղծումը
ԽմբագրելԹանգարանը հիմնադրուած է 1983-ին Կիպրոսի բիւզանդական եկեղեցւոյ մէջ եպիսկոպոս Խրիզոստոմ 2-ի աջակցութեամբ։ Թանգարանին ստեղծման գործին մէջ մեծ աւանդ ունեցած է նաեւ Կիպրոսի Հանրապետութեան Փաֆոս քաղաքին կառավարիչը։ Թանգարանին ստեղծման նպատակն է փրկել, պաշտպանել, խթանել եւ հետազօտել բիւզանդական եկեղեցւոյ եւ արուեստի անգին նմուշները։ Թանգարանին մէջ պահուած են Յունական եկեղեցիներու եւ վանքերու աւերուած ու քանդուած մասեր, որոնք նախապէս գտնուած են Փաֆոս քաղաքին մէջ։
Ցուցասրահ
ԽմբագրելԹանգարանին ցուցասրահը հնարաւորութիւն ընձեռած է, ծանօթանալու համար եկեղեցւոյ ժառանգութեան եւ պատմական զարգացման։ Հիմնական թանգարանին ցուցանմուշները Կիպրոսի տարածքին գտնուող սրբապատկերներն են (աւելի քան հարիւր), որոնք ստեղուած են ԺԲ.- ԺԹ. դարերուն։ Թանգարանին գոհարը Ս. Մարիամ Աստուածածինին դիմապատկերն է, որ յայտնաբերուած է Է.- Ը. դարերուն (եւ ըստ այլ աղբիւրներու Թ. դար) եւ կը համարուի Կիպրոսի հնագոյն թանգարաններէն մէկը։
Թանգարանը կը պարունակէ նաեւ որմանկարներ եւ աւերուած եկեղեցիներու մնացորդներ, որոնք փլուզուած են կլիմայական վատ պայմաններու հետեւանքով։ Ցուցասրահին մէջ կան նաեւ մեծ թիւով այնպիսի որմնանկարներ, որոնց մէկ մասը կը գտնուի ծայրահեղ վատ պայմաններու մէջ։ Պահպանուած որմնանկարները նուիրուած են հիմնականաբար Հուստինիանոս արքային: Այս որմնանկարները թուագրուած են ԺԶ. դարուն։
Ցուցանմուշներուն շարքերուն մէջ կը գտնուին նաեւ եկեղեցական սպասներ, ինչպէս նաեւ խաչեր (խորանի խաչեր)։ Ցուցասրահին նմուշները կը վկայեն այն մասին, որ Կիպրոսի միջնադարեան թագաւորութիւնը ունեցած է զարգացած մշակոյթ, եւ յատկապէս զարգացած ոսկերչութիւն։ Ցուցանմուշներուն մէջ կան նաեւ հին զգեստներ, թուագրուած ԺԸ. - ԺԹ. դարերուն։
Թանգարանին մէջ պահուած են կիպրական շարք մը ձեռագիրներ, որոնք ստեղծուած են 1467-էն ԺԹ. դար ինկած ժամանակաշրջանին։ Այդ ձեռագիրներուն մէջ կան կրօնական եւ ծիսական բնոյթի գիրքեր, որոնք ստեղծուած են Յունական եւ Օսմանեան քաղաքակրթութիւններու համադրութեամբ։ Ձեռագիրներուն մէջ գրուածները կը վկայեն Կիպրոսի գիւղատնտեսական ճիւղերու՝ յատկապէս այգեգործութեան մասին։
Աղբիւրներ
Խմբագրել- Jean-Paul Labourdette, Dominique Auzias Кипр: Путеводитель. — Petit Futé, 2002. — С. 110. — ISBN 978-5-86394-179-0
- Renos Lavithis Paphos. Land of Aphrodite. Tourist Guide for the South West of Cyprus. — New Barnet: Topline publications, 2008. — С. 56-57. — 224 с. — ISBN 0 948853 30 1
- Vesna Maric Cyprus. — Lonely Planet, 2009. — С. 130. — ISBN 978-1-74104-803-2