Ուիքիփետիա

Harry Potter and The Cursed Child


Harry Potter and The Cursed Child-ը երկու բաժին ունեցող թատերագրութիւն մըն է, գրուած՝ Ճաք Թրոնի կողմէ, բայց անոր ծագումը հիմնուած է Հէրի Փոթըրի վիպաշարին վրայ, գրուած՝ Ճոան Ռոուլինկ եւ Ճոն Թիֆֆանիի կողմէ[1]: Թատերագիրին տեսակցութիւնները սկսան 7 Յունիս, 2016 թուականին Լոնտոնի մէջ[2], իսկ անոր պաշտօնական բացումը եղաւ 30 Յուլիս, 2016 թուականին: Թատերագրութատերագրութիւնըթիւնը[3], հրատարակուեցաւ յաջորդ օրը՝ 31 Յուլիս, 2016 թուականին եւ եղաւ 8-րդ գիրքը Հէրի Փոթըր վիպաշարին մէջ[4]: Պատմութիւնը կը շարունակուի 19 տարի վերջ, Harry Potter and The Deathly Hallows-ի դէպքերէն ետք ու կը խօսի Հէրի Փոթըրին (որ կ'աշխատի կախարդութեան նախարարութեան մէջ) ու անոր զաւակին՝ Ալպըս Սեւերըս Փոթըրին մասին:

Harry Potter and The Cursed Child
Հեղինակ Ճաք Թրոն, Ճոան Ռոուլինկ եւ Ճոն Թիֆֆանի
Երկիր Անգլիա
Լեզու Անգլերէն
Շարք Հէրի Փոթըրի վիպաշար
Հերթական թիւ 8-րդ գիրքը (թատերագրութիւնթատերագրութիւնը)
Հրատարակուած 31 Յուլիս, 2016
Հրատարակող Pottermore
Գիրքի տեսակ թատերախաղ, երեւակայութիւն, արկածային գրականութիւն եւ երիտասարդական վիպակ:

Նախադրութիւն

Խմբագրել

Թատրոնին համացոյցը լոյս տեսաւ 23 Հոկտեմբեր, 2015 թուականին, Pottermore հրատարակչութեան կողմէ[5]:

Միշտ դժուար եղած է կատարել Հէրի Փոթըրին դերը: Հիմա այդ ճնշումը աւելի զօրաւոր է, մանաւանդ երբ որ Հէրին կ'աշխատի կախարդութեան նախարարութեան մէջ, ամուսին է եւ հայր է 3 զաւակներու: Երբ Հէրին կը վիճի իր անցեալին հետ, իր զաւակը՝ Ալպըսը կը տառապի ու ծանրաբեռնուի իր ընտանիքի կտակին ճնշումին համար: Թէ Հէրին եւ թէ Ալպըսը կը սորվին անցեալի եւ ներկայի անմխիթար իրականութիւնը: Երբեմն, խաւարը կը մօտենայ անակնկալ տեղերէ:

Ծրագիրը

Խմբագրել

Առաջին բաժին

Խմբագրել

Առաջին արար

Խմբագրել

19 տարի Voldemort-ի մահէն ետք, Հէրի Փոթըրը առաջնորդն է կախարդական օրէնքներու գործադրութեան բաժնին, կախարդութեան նախարարութեան մէջ եւ ունի 3 զաւակներ Ճիննի Ուիզլիի հետ, որոնք են՝ Ճէյմզ Սիրիուս Փոթըր, Ալպըս Սեւերըս Փոթըր եւ Լիլի Լունա Փոթըր: Հըրմայոնի Կրէյնճըրը կախարդական աշխարհի նախարարն է եւ ունի 2 զաւակ Ռոն Ուիզլիի հետ (որ կը կառավարէ իր եղբայրներուն՝ Ֆրետին եւ Ճորճին ծիծաղի գործատունը), որոնք են՝ Ռոզ Կրէյնճըր Ուիզլի եւ Հիուկօ Կրէյնճըր Ուիզլի:

Քինկզ Քրոս կայարանին մէջ, Ալպըսը եւ Ռոզը կը մտնեն Hogwarts-ի շոգեկառքը որպէսզի յաճախեն իրենց առաջին ուսումնական տարին Hogwarts-ի մէջ։ Ռոզին յուսախաբութեան եւ հակառակ Հէրիին եւ Ռոնին առաջին հանդիպումին Harry Potter and The Philosopher's Stone-ի մէջ, Ալպըսը կ'ընկերակցի Սքորփիուս Մալֆոյին, որ Տրաքօ Մալֆոյին զաւակն էր՝ Հէրիին մանկութեան մրցակիցը: Երկուքը՝ Հէրին եւ Սքորփիուսը կը զետեղուին Slytherin տան մէջ, իսկ Ռոզը` Gryffindor: Առաջին երեք տարիներուն ընթացքին Hogwarts-ի մէջ, Ալպըսը դժուարութիւն կը գտնէ ըլլալու նշանաւոր Հէրի Փոթըրի զաւակը, որ զետեղուած է Slytherin: Ան կը ծանրաբեռնուի բոլորին կողմէ, որովհետեւ ան պէտք է ըլլայ իր հօր նման զօրաւոր եւ խելացի, բայց Ալպըս կը տառապի իր դասերուն մէջ ու չկրնար իր հօր նման անեծքներ կատարել եւ գրեթէ բոլորը կը յուսախաբուին Ալպըս Սեւերըսէն որ պէտք էր ըլլար իր հօր, Dumbledore-ին եւ Սնէյփին նման քաջ եւ իմաստուն: Այս պատճառով Ալպըսին յարաբերութիւնը իր հօր հետ կը տկարանայ: Իսկ Սքորփիուսը կը տառապի իր մօր, Ասթորիայի մահուան պատճառով եւ բամբասանքներ ստեղծուած են անոր հանդէպ թէ Սքորփիուսը գաղտնօրէն Voldemort-ի զաւակն է եւ այս մէկը պատահած է 'ժամանակը դարձնող' գործիքով, որպէսզի Մալֆոյ ընտանիքը փրկէ իրենց զտարիւն ու մաքուր կախարդական արիւնը, բայց այս բոլորը բամբասանք է: Սքորփիուս նաեւ կը սիրահարուի Ռոզին հետ, որ աշխատասէր աշակերտուհի մըն էր եւ կը խաղար Quidditch, Gryffindor խումբին կողմէ: Երրորդ տարին Hogwarts-ի մէջ, Ալպըսի եւ Ռոզի յարաբերութիւնն ալ կը տկարանայ ու անոնք առաջուայ պէս մօտիկ ընկերներ չեն ըլլար:

Յաջորդ ամառը, կախարդութեան նախարարութիւնը ապօրէն ժամանակ դարձնող գործիք մը կը գտնէ հին Death Eater-է մը: Այս լուրը տարածուելով, գիշեր մը Հէրիին կ'այցելէ Սետրիք Տիկորիի հայրը՝ Ամոս Տիկորի: Ալպըսը գաղտնօրէն մտիկ կ'ընէ անոնց խօսակցութիւնը, ու Ամոս Տիկորին Հէրիէն կը խնդրէ ժամանակի գործիքը գործած է եւ ազատ է իր զաւակը՝ Սետրիքը: Հէրին կը մերժէ այս խնդրանքը որովհետեւ ժամանակին հետ խաղալը լաւ արդիւնք չտար:

Հէրին ետքը իր մանկութեան ծածկոյթը կը նուիրէ Ալպըսին, որ միակ առարկան է մնացած Հէրիին մօրէն՝ Լիլիէն: Ալպըսը կը մերժէ նուէրը, որ վիճաբանութիւն կը ստեղծէ իրենց միջեւ եւ անոր հետեւանքովսիրոյ դեղաջուրը սխալմամբ կը թափուի ծածկոյթին վրայ։ Երկուքը զայրացած՝ չեն խօսիր իրար հետ:

Իրենց 4-րդ տարին դէպի Hogwarts, շոգեկառքին մէջ Ալպըսը Սքորփիուսին կը պատմէ Սետրիքի հօր եւ ժամանակի գործիքին մասին: Անոնք կ'որոշեն փախչիլ շոգեկառքէն, գտնել ժամանակի գործիքը եւ ճշդել Հէրիին սխալը ու վերադարձնել Սետրիքը: Անոնք կը ցատկեն Hogwarts-ի շոգեկառքէն ու կը հանդիպին Ամոսին ու անոր 'զարմիկին' Տելֆիին: Այդ ժամանակին ընթասքին, Հէրին կը սկսի վատ երազներ ունենալ Voldemort-ին մասին, ու կ'արթննայ իր վէրքին ցաւէն որ 19 տարի է չէր նեղացուցած Հէրիին: Ինքը եւ Հըրմայոնին ժողով մը կը կատարեն կախարդութեան նախարարութեան աշխատողներուն հետ Death Eater-ներուն եւ Voldemort-ի վերադարձութեան վտանգներուն մասին, բայց անոնցմէ ոչ մէկը կը հաւատայ որ սպառնալիք եւ մտահոգիչ բան մը կայ, Voldemort-ը 19 տարի առաջ մահացած էր:

Մի քանի ժամ յետոյ, Ճիննին Հէրիին կը տեղեկացնէ թէ Ալպըսը, Սքորփիուսին հետ փախչած է: Ճիննին կ'եզրակացնէ որ Ալպըսը փախչեցաւ իր վիճաբանութեան պատճառով Հէրիին հետ, իսկ Տրաքոն կը զայրանայ Հէրիէն եւ Ճիննիէն որ իրենց զաւակը Սքորփիուսին ալ այս ընտանիքի տագնապին մէջ առած է: Տելֆին կ'որոշէ օտնել Ալպըսին եւ Սքորփիուսին եւ անոնց կ'ապահովէ կախարդական խոտը որ իրենց կարողութիւնը կ'ուտայ Հէրիին, Ռոնին եւ Հըրմայոնիին կերպարը առնելու, որպէսզի կախարդութեան նախարարութիւնը մտնեն եւ գտնեն ժամանակի գործիքը Հըրմայոնիին գրասենեակէն: Ալպըսը կ'ըլլայ Ռոնը, Սքորփիուսը՝ Հէրին իսկ Տելֆին՝ Հըրմայոնին:

Քիչ մը դժուարութիւններէ ետք, անոնք կը յաջողին ու ժամանակի գործիքը կը գտնեն Հըրմայոնիին գրասենեակէն որ պաշտպանուած էր տարբեր անեծքներով:

Երկրորդ Արար

Խմբագրել

Ալպըսը կ'եզրակացնէ թէ միակ ձեւը Սետրիքին փրկելու համար, անոր արգիլել որ յաղթէ Triwizard-ի խաղերը` դէպք մը որ տեղի ունեցած է Հէրի Փոթըրի վիպաշարի 4-րդ գիրքին մէջ (Harry Potter and The Goblet of Fire): Տղաքը կ'որոշեն թէ Տելֆին պէտք է ետ մնայ որովհետեւ անոր տարիքը մեծ է ծպտուելու որպէս Hogwarts-ի աշակերտուհի: Ալպըսը եւ Սքորփիուսը կը ծպտուին որպէս Durmstrang կախարդական դպրոցի աշակերտներ եւ ժամանակի գործիքով կը ճամբորդեն 23 տարի ետ, Triwizard խաղերուն առաջին բաժինին որպէսզի արգիլեն Սետրիքին յաղթէ: Բայց անոնք կը գիտնան թէ ժամանակի գործիքը անոնց կ'արտօնէ միայն 5 վայրկեան մնալ անցեալին մէջ եւ անոնք չեն կրնար հակաշռել իրենց վերադարձը ու այս պատճառով Ալպըսը կը վիրաւորուի:

Նոյն ժամանակին, բոլոր մեծերը կը փնտռեն Ալպըսին եւ Սքորփիուսին: Հէրին ուրիշ երազ մը կը տեսնէ որ ցոյց կ'ուտայ թէ իրենց պզտիկները կը գտնուին արգիլուած անտառին մէջ։ Երբ հոն կ'երթան փնտռելու, Պէյն անունով ձիագուլ մը Հէրիին կը զգուշացնէ թէ վատ սղոխ մը կայ Ալպըսին շուրջ: Հէրին, Ռոնը եւ Ճիննին կը գտնեն Ալպըսին եւ Սքորփիուսին երբ անոնք կը վերադառնան անցեալէն, ու Ալպըսին կը տանին դպրոցի հիւանդանոցը: Երբ Հէրին կ'այցելէ Ալպըսը հիւանդանոցին մէջ ան կը պահանջէ որ Ալպըսը իր յարաբերութիւնները կոտրէ Սքորփիուսին հետ կարծելով թէ Սքորփիուսն էր այդ վատ սղոխը: Ան նաեւ կը ստիպէ դպրոցի տնօրէնուհիին՝ Միրվենա Մաքկոնակալին որ Հէրիին հօր եւ իր 3 ընկերներուն ստեղծած կախարդական քարտէսը (Marauder's Map) գործած է եւ Ալպըսին ու Սքորփիուսին անջատ պահէ:

Այս բոլորէն զատ, Ալպըսը կը նկատէ թէ իրականութիւնը, այսինքն ներկան՝ փոխուած է: Ան հիմա Gryffindor տան կը պատկանի, Ռոնը ամուսնացած է Փատմա Փաթիլին հետ եւ ունին զաւակ մը՝ Փանճու (Ռոզը գոյութիւն չ'ունի) եւ Հըրմայոնին մթութեան դէմ պաշտպանութեան ուսուցչուհին է: Կը յայտնուի թէ Ալպըսը եւ Սքորփիուսը կասկած ստեղծած են Հըրմայոնիին Durmstrang-ի աշակերտներուն հանդէպ եւ այս պատճառով ան Վիքթոր Քրամին հետ չէ գացած խնճոյքին՝ այլ Ռոնին հետ որպէս ընկերներ ու ասոր հետեւանքով Ռոնը նախանձ չզգաց ու չսիրահարուեցաւ Հըրմայոնիին հետ:

Ալպըսը կ'անտեսէ Սքորփիուսին, բայց Տելֆին կը յայտնուի դպրոց ու Սքորփիուսին կը համոզէ որ խօսակցի Ալպըսին հետ: Այսպէս ընելով, երկուքը կ'որոշեն որ կրկին վերադառնան անցեալ ու փորձեն փրկել Սետրիքը որովհետեւ առաջին անգամ չյաջողեցան եւ որպէսզի Ռոզը վերադարձնեն, ու այս պատճառով Սքորփիուսը կը համաձայնի:

Անոնք ժամանակի գործիքով կրկին կը վերադառնան 23 տարի առաջ Triwizard խաղերուն երկրորդ բաժինին որ տեղի կ'ունենար լիճին մէջ։ Անոնք անցեալ անգամուայ պէս կը փորձեն արգիլել Սետրիքը յաղթելէ:

Ներկային մէջ, Տրաքոն եւ Հէրին կը վիճաբանին իրենց զաւակներուն մասին որուն հետեւանքը կ'ըլլայ մի քանի անեծքներ կատարել իրարու վրայ։ Ճիննին եւ Տրաքոն կը համաձայնին թէ որքան Հէրիին մօտիկ ընկերները՝ Ռոնը եւ Հըրմայոնին, կարեւորէին անոր, նոյնպէս ալ Ալպըսը եւ Սքորփիուսը: Տրաքօն նաեւ կը խոստովանի թէ ան միշտ նախանձած է Հէրիէն իր ընկերներուն համար: Հէրին վերջապէս կ'անդրադառնայ թէ ան որքան անջատած է Ալպըսին: Բոլորը կը վերադառնան Hogwarts ու Հէրին ներողութիւն կը խնդրէ Մաքկոնակալէն: Ետքը անոնք կը փորձեն գտնել Ալպըսը եւ Սքորփիուսը, վերջապէս նկատելով որ անոնք գողցած են ժամանակի գործիքը եւ հիմա կը գտնուին անցեալին մէջ:

Երբ Սքորփիուս կը վերադառնայ ներկային՝ ան կը նկատէ որ Ալպըսը իր հետը չէ: Այս փոխագարգ աշխարհին մէջ, Voldemort-ը յաղթած է եւ դեռ գոյութիւն ունի: Տոլորես Ամպրիճն է դպրոցի տնօրէնուհին, Իսկ Հէրի Փոթըրը եւ իր դաշնակիցները սպաննուած են, այսինքն Ալպըսը գոյութիւն չ'ունի:

Երկրորդ բաժին

Խմբագրել

Երրորդ արար

Խմբագրել

Սքորփիուս կը գիտնայ որ Սետրիք Տիկկորիին արգիլել յաղթելէ, իրեն մղեց որ միանայ Death Eater-ներուն եւ սպանէ Նեւիլ Լոնկպաթըմին: Այս պատճառով Նեւիլ չկարողանալ Սպաննել Նակինի օձին որ Horcrux-ներէն մէկն է եւ Voldemort կ'ապրի: Voldemort-ը հիմա կը թագաւորէ ամբողջ կախարդութեան աշխարհը: Սքորփիուսն ալ կ'իյմանայ որ ինք հիմա շատ սիրուած եւ յարգուած աշակերտ մըն է, ու իր հայրը Տրաքոն՝ կախարդական օրէնքներու գործունէութեան առաջնորդն է կախարդութեան նախարարութեան մէջ, Հէրի Փոթըրին պաշտօնին տեղ: Նաեւ, զօրաւոր կախարդ մը որ կը կոչուի Աոկուրէյ, Voldemort-ին ամէնէն մօտիկ օգնականն է:

Սքորփիուսը Սնէյփին վստահութիւնը կը շահի որ դեռ ողջ էր ու Hogwarts-ի մէջ կը դասաւանդէր: Միաժամանակ Սքորփիուս գիտէր որ ան գաղտնի անդամ մըն է Dumbledore-ի բանակին մէջ։ Սնէյփը անոր կը տանի այս բանակին գաղտնի կեդրոնը, ուր կը պաշտպանուէին Հըրմայոնին եւ Ռոնը: Սքորփիուսը անոնց կը պատմէ բոլոր պատահածը եւ անոնք իվերջոյ կը հաւատան Սքորփիուսին եւ կ'որոշեն հետեւիլ անոր ծրագրին, նոյնիսկ Սնէյփը՝ գիտնալով որ ինքը այս միւս աշխարհին մէջ գոյութիւն պիտի չ'ունենայ որովհետեւ Voldemort-ը իրեն կը սպաննէ, բայց ան պատրաստ է այս զոհողութիւնը կատարելու որպէսզի փրկէ կախարդութեան աշխարհը Voldemort-էն: Ծրագիրը այդ էր որ Սքորփիուս կրկին պիտի վերադառնայ անցեալ եւ պիտի փորձէ ինքնիր անեծքներուն դէմ դնել որ ուղղուածէին Սետրիքին որպէզի ան յաղթէ Triwizard խաղերը եւ մահանայ ու կախարդութեան աշխարհը փրկուի: Բոլորը մէկ իրենց գաղտնի կեդրոնէն դուրս կ'ելլեն եւ Dementor-ները կը նկատեն Հըրմայոնիին, Ռոնին եւ Սնէյփին ու կը պատրաստուին անոնց սպաննելու: Նախքան մեռնին, Ռոնը եւ Հըրմայոնին՝ նոյնիսկ որ չէին ամուսնացած իրենց սէրը կը յայտնեն իրարու եւ Սնէյփը հպարտ կը զգայ որ Ալպըս Սեւերըս Փոթըրը կոչուած է իր անունով ու այսպիսով երեքը կը սպաննուին Dementor-ներուն կողմէ:

Ներկային մէջ, Ալպըսը կը վերադառնայ եւ կը նկատեն թէ ամէն ինչ իր բնական վիճակին մէջ է: Ալպըսը եւ Սքորփիուսը Մաքկոնակալին գրասենեակին մէջ անոր կը բացատրեն ամէն ինչ եւ ան կը հասկնայ անոնց նպատակը բայց կը զգուծացնէ որ պէտք չէ ժամանակին հետ խաղալ: Ետքը Սքորփիուսը Ալպըսին կ'ըսէ թէ ան սուտ խօսեցաւ Մաքկոնակալին եւ ժամանակի գործիքը դեռ իր քովն է որովհետեւ ան չվստահեցաւ կախարդութեան նախարարութեան աշխատողներուն: Տղաքը կ'որոշեն որ վերջնական ժամանակի գործիքը քանդեն. Ալպըսը նաեւ կը հրաւիրէ Տելֆիին որովհետեւ ան կը սիրէ Տելֆիին: Ետքը Տելֆին անոնց կ'ըսէ իր գաղտնի ծրագիրը: Ան պատանդ կը բռնէ Ալպըսին եւ Սքորփիուսին, ու կը կոտրէ անոնց կախարդական փայտիկները: Դպրոցական աշակերտ մը կը տեսնէ Տելֆիին ու իր կատարած չարագործութիւնը, իսկ Տելֆին չտատամսիր անոր սպաննելու:

Տելֆին անոնց կը ստիպէ ժամանակի գործիքը գործածել եւ վերադառնալ Triwizard խաղերուն վերջին բաժինին: Սքորփիուսը եւ Ալպըսը կը փորձեն ուշացնել Տելֆիին որովհետեւ գիտեն որ ժամանակի գործիքը իրենց միայն 5 վայրկեան կ'արտօնէ անցեալին մէջ։ Անոնք սխալմամբ կը հանդիպին Սետրիքին որ կը կարծէ թէ իրենք երեքը ուրիշ ընդդիմութիւն մըն է խաղին մէջ։ Սետրիքը կ'ազատէ Ալպըսին եւ Սքորփիուսին ու կը վիրաւորէ Տելֆիին որ անոնց կը չարչարէր: Բայց Տելֆին վերջին անգամ ըլլալով կը գործածէ ժամանակի գործիքը, ու Սքորփիուսին եւ Ալպըսին կը հասցնէ անցեալին մէջ տեղ մը ու ան կ'երթայ գործիքը քանդելով:

Չորրորդ արար

Խմբագրել

Ներկային մէջ, Հէրին եւ բոլորը կը գիտնան թէ իրենց զաւակները վերջին անգամ տեսնուեցան Տելֆիին հետ, ու Ամոս Տիկկորիին կը հարցնեն Տելֆիին մասին: Անոնք կը գիտնան թէ Տելֆին Ամոսին զարմուհին չէ եւ սուտ խօսած էր: Բոլորը կը սկսին ամբողջ սենեակը խուզարկել ու կը հանդիպին մարգարէութեան մը որ եթէ կատարուի՝ Voldemort-ը կրնայ վերադառնալ, եւ անոնք կը գիտնան Տելֆիին իսկական ինքնութիւնը՝ որն է Voldemort-ի զաւակը: Սակայն անոնք չեն գիտեր Տելֆին ժամանակին մէջ ուր կը գտնուի:

Սքորփիուսը եւ Ալպըսը կը սկսին նկատելու թէ անոնք կը գտնուին 30 Հոկտեմբեր, 1981 թուականը՝ այդ օրը որ Voldemort սպաննեց Հէրիին ծնողքը: Շուտով կը գիտնան Տելֆիին ծրարգիրը որ ան իր ձեռքով պիտի սպաննէ Հէրիին, որպէսզի Voldemort-ին կատարած անեծքը Հէրիին վրայ չվերացայտէ ու Voldemort չտկարանայ:

Անոնք կը մտածեն խելացի ձեւ մը իրենց ծնողներուն լուր տալու համար եւ այդ վայրկեանին Ալպըսը կը տեսնէ իր հայրը՝ Հէրին եւ իր մեծմայրը՝ Լիլին: Ան նաեւ կը նկատէ ծածկոյթ մը Հէրիին փաթթուած ու այդ նոյն ծածկոյթն է որ Հէրին նուիրեց Ալպըսին: Ան շուտով ծածկոյթը կը խլէ առանց Լիլին նկատելու եւ կը մտած է կախարդական քիմիական սէրի դեղաջուրին մասին որ թափած էր ծածկոյթին վրայ եւ կը մտած է ուրիշ քիմիական բաներ աւելցնելով իր ձեռքի ծածկոյթին, նամակ մը հասցնել իր հօր որ իրենք կախուած են 30 Հոկտեմբեր, 1981 թուականին մէջ եւ պէտք ունին օգնութեան:

Ալպըսին եւ Սքորփիուսին ծրագիրը կը յաջողի ու Հէրին, Ռոնը, Հըրմայոնին, Ճիննին եւ Տրաքոն կը հաւաքուին որպէսզի տղոց փրկեն: Այդ ժամանակ՝ Տրաքոն կը յայտարարէ թէ իր քով կը գտնուի թանկարժէք ժամանակի գործիք մը մնացած Death Eater-ներէ: Բոլորը մէկ կ'երթան 30 Հոկտեմբեր, 1981 թուականին ու կը գտնեն Սքորփիուսին եւ Ալպըսին եւ ծառի մը ետեւ մնալով՝ կը սպասեն Տելֆիին: Սպասելէ ետք, անոնք կը նկատեն թէ Տելֆիին նպատակը Հէրիին սպաննելը չէ՛, այլ արգիլել Voldemort-ին որ մօտենայ Փոթըր ընտանիքին եւ այսպիսով շարունակուի իր չարագործութիւնը ոչ մէկ վնասով: Անոնք կ'որոշեն որ Հէրին ծպտուի որպէս Voldemort-ը եւ խաբէ Տելֆիին, որովհետեւ Հէրին եղած է միակը որ տեսած է Voldemort-ի միտքը, գիտէ օձի լեզուն եւ հասկցած է անոր ցաւը իր վէրքին միջոցով: Այսպիսով, Տելֆին կը խաբուի ու տեսնելով Voldemort-ը, կը յայտնուի եւ անոր կը բացատրէ թէ ինք իր եւ Պելաթրիքս Լէսթրէյնճի զաւակն է եկած ապագայէն որպէսզի անոր զգուշացնէ: Այսպէս կը խօսին ու Voldemort-ի կերպարը կը սկսի անհետանալ եւ Տելֆին կը նկատէ որ ինք խաբուած է եւ այդ Հէրի Փոթըրն է, ոչ իր հայրը: Անոնք կը կռուին եւ շուտով Հէրիին կը միանայ իրեն ընկերները եւ բոլորը մէկ կը բռնեն Տելֆիին: Երբ իսկական Voldemort-ը կը յայտնուի, Տելֆին կը փորձէ կանչել անոր որպէսզի զգուշացնէ, սակայն Տրաքոն եւ Հըրմայոնին անոր ժամանակի գորիքով կ'ուղղարկեն ներկային: Բոլորը կը մնան անցեալին մէջ եւ Հէրին մէկ անգամ եւս կը տեսնէ ինչպէս Voldemort սպաննեց իր ծնողքը, անոնք նաեւ կը տեսնեն Հակրիտը՝ որ կ'առնէ մէկ տարեկան Հէրիին այդ քանդուած տունին մէջէն եւ կը հասցնէ Տըրսլիներուն, որ բացումն է Harry Potter and The Philosopher's Stone-ին: Այս բոլորէն ետք՝ անոնք կը վերադառնան ներկայ եւ Hogwarts-ին մէջ Սքորփիուսը իր յարաբերութիւնը կը զօրացնէ Ռոզին հետ, իսկ Ալպըսը Հէրիին հետ միասին կ'այցելէ գերեզմանատուն մը, ետքը նկատելով որ Սետրիք Տիկկորիին գերեզմանն է, որ Հէրին միշտ կ'այցելէ որպէսզի ներողութիւն խնդրէ Սետրիքէն:

թատերագրութիւնը կը վերջանայ Հէրիին խօսքով որ կ'ըսէ՝ «Կը կարծեմ այս օրը լաւ օր մը պիտի ըլլայ:» եւ Ալպըսին պատասխանով՝ «Ես ալ նոյնպէս կը կարծեմ:»

Յետամաս

Խմբագրել

Դեկտեմբեր 2013 թուականին, յայտարարուեցաւ թէ Հէրի Փոթըրի մասին թատրոններ պիտի կատարուին[6], եւ անոնք պիտի սկսին 2016 թուականին Harry Potter and The Cursed Child թատերագիրին հիման վրայ[7]: Ճոան Ռոուլինկին կողմէ, Հէրի Փոթըրի 7 գիրքերը եւ անոր 8 ֆիլմերը շատ մեծ շահ ստեղծեցին (մօտ £4.4 պիլիոն) բոլոր աշխարհին շուրջ[8]: Նաեւ հիմնուեցաւ Հէրի Փոթըրի զբօսավայրեր՝ օրինակ՝ Հէրի Փոթըրի կախարդական աշխարհը[9]: Նաեւ կան շրջապտոյտեր Հէրի Փոթըրի ֆիլմերու շրջավայրին մէջ[10], ուր բոլորը կրնան այցելել Hogwarts-ը կամ կայարանը, նոյնիսկ Hogsmead-ը եւ Հէրի Փոթըրի կախարդական խանութները ու գնել իրենց նախասիրած կախարդական փայտիկները կամ ապրանքները: Յայտարարութեան ժամանակ, Ճոան բացատրեց թէ թատրոնը նաեւ պիտի խօսի Հէրիին չպատմուած մանկութեան մասին որպէս որբ[11]: Յաջորդ Մայիսին Ռոուլինկը արդէն իսկ սկսաւ հաստատել իր խումբը այս ծրագրին համար[12]:

26 Յունիս, 2016 թուականին ծրագիրը կոչուեցաւ՝ Harry Potter and The Cursed Child[13]: Նաեւ յայտարարուեցաւ թէ անոր համաշխարհային բացումը պիտի կատարուի 2016-ի կիսուն՝ Լոնտոնի սրահներէն մէկուն մէջ[14]: Յայտարարութիւնը նշեց 18 տարի ամէնէն առաջին (Harry Potter and The Philosopher's Stone) գիրքին[15], որ հրատարակուած էր 26 Յունիս, 1997 թուականին[16]:

Նոյնիսկ որ մի քանի մարդիկ թատերագիրին տեղ ուզեցին Harry Potter and The Cursed Child-ը ըլլայ վէպ, կամ թատրոնի տեղ ըլլայ ֆիլմ, Ճոանը այս մէկը հակաճառեց ըսելով որ թատերագրութիւնը ամէնէն լաւ ընտրութիւնն է[17]: Ճոան ունկդիրքներուն ըսաւ թէ թատրոնը պիտի ունենայ բոլորովին նոր պատմութիւն մը[18]: 24 Սեպտեմբեր, 2016 թուականին Ռոուլինկ յայտարարեց որ թատրոնը պիտի ունենայ երկու բաժին[19]: Եւ թատրոնի երկու բաժինները շարունակական ձեւով նոյն օրուան ընթացքին պիտի կատարուին[20][21]:

23 Հոկտեմբերին հստակ կը դառնայ թէ թատերագրութիւնը նշանակուած է վերջին Հէրի Փոթըրի վէպէն 19 տարի ետք, որն էր՝ Harry Potter and The Deathly Hallows[22]: Ու անոր բացումը պիտի ըլլար Յուլիս, 2016 թուականին, Լոնտոնի սրահին մէջ[23]: Թատերագիրը կը պատմէ Հէրիին, որ ներկայիս առաջնորդն է կախարդական օրէնքներու գործունէութեան կախարդութեան նախարարութեան մէջ, եւ իր զաւակին՝ Ալպըս Սեւերըս Փոթըրին մասին[24]: 22 Յուլիսէն սկսեալ պատմութեան մասին աւելի տեղեկութիւն ստացանք որովհետեւ մարդոց թիւը որ ներկայ եղան թատրոններուն բարձրացաւ[25]:

Արտադրութիւն

Խմբագրել

Harry Potter and the Cursed Child-ը, երկու բաժին ունեցող թատրոնը, գրուած էր Անգլիացի թատերագրին՝ Ճաք Թրոնին կողմէ, հիմնուած Ճոան Ռոուլինկի եւ Ճոն Թիֆֆանիի սկզբնական Հէրի Փոթըրի վիպաշարի պատմութեան վրայ։ Մի քանի կայքէջներ ոչ միայն Ճաքին, այլ նաեւ Ճոանին եւ Ճոնին ալ նշեցին թատերագիրները այս թատերագրութեան[26]: Սակայն 26 Յուլիս, 2016 թուականին, թատերագրութեան պաշտօնական կայքէջը[27] (եւ ուրիշ կայքէջներ, օրինակ՝ BBC)[28] յայտարարեցին թէ Ճաք Թրոնն է միակ գրողը:

Harry Potter and The Cursed Child-ը արտադրուած է Ճոն Թիֆֆանիին կողմէ[29][30], տողերը գրուած են Սթիւըն Հոկեթթի կողմէ[31], արուեստը կատարուած է Քրիսթին Ճոնզ կողմէ[32], զգեստերը որոշուած են Քաթրինա Լինտսէյին կողմէ[33], լուսավառութիւնը կառավարուած է Նէյլ Ոսթընին կողմէ[34], երաժշտութիւնը կատարուած է Իմոկէն Հիփի կողմէ[35] եւ ձայնային կարեւորութիւնները կատարուած է Կարեթ Ֆրային կողմէ[36]: Նաեւ, յատուկ դիտաւորութիւնները կատարուած է Ճերեմի Չերնիքի կողմէ[37], կախարդական երեւոյթները՝ Ճէյմի Հարիսոնի կողմէ իսկ երաժշտութեան վերահսկողութիւնը՝ Մարթին Լուիի կողմէ[38]:

Թատրոնին պաշտօնական բացումը տեղի ունեցաւ 30 Յուլիսին[39], եւ որոշուած էր որ շարունակուի մինչեւ 18 Սեպտեմբեր, 2016[40]: Համացանցի վրայ տոմսակները վաճառումի պատրաստ եղան 28 Հոկտեմբեր, 2015 թուականէն սկսեալ[41]: Միայն 8 ժամուայ ընթացքին մօտաւոր 175,000 տոմսակներ արդէն ծախուեցան համաշխարհային բացումին համար[42] with the play's booking period extended to January 2017.[43]: Բացումին, տոմսակներու գինը կը սկսէր £30-է եւ կը հասնէր մինչեւ £310-ի[44]: Մի քանի գործակալութիւններ ծախուած տոմսակները կը փորձէին կրկին վաճառել £3,000-ի[42] եւ այս պատճառով արտադրողները արգիլեցին այս մէկը ու այդ տոմսակները որ կրկին վաճառուած էին, իրենց արժէքը կորսնցուցին[45]: Յուլիս, 2016 թուականին թատերասրահը սկսաւ տոմսակներու վիճակահանութիւն կատարել ամէն Ուրբաթ օրերը, ժամը 1-ին: Անոնք 40 ամէնէն լաւ տեղերը վաճառութեան կը պատրաստեն աժան գիներով, օրինակ՝ $20[46]:

Թատրոնի օրէնքները հանդիսատեսին կը պարտադրեն որ ըլլայ 12 տարեկան եւ վէր[47]: 20 Դեկտեմբեր, 2015 թուականին, յայտարարուեցաւ թէ Ճէյմի Փարքրը պիտի կատարէ Հէրի Փոթըրի դերը, Նոմա Տումեզուենին՝ Հըրմայոնի Կրէյնճրին դերը եւ Փօլ Թրոնլին՝ Ռոն Ուիզլիին դերը[48][49][50]: Նոման ըլլալով սեւամորթ, բամբասանքներ տարածուեցան եւ Ճոանը յայտարարեց թէ ան գիրքերուն մէջ երբեք չէր նշած Հըրմայոնիին մորթին գոյնը[51][52]: Նաեւ կարեւոր դերեր՝ Փոփփի Միլլեր որպէս Ճիննի Ուիզլի եւ Սամ Քլեմեթ որպէս Ալպըս Սեւերըս Փոթըր[53]: Ընդհանուր թատրոնը կը բաղկանայ 42 դերասաններէ[54][55]:

Դերասանները եւ իրենց դերերը

Խմբագրել

Թատերագրութեան արտադրութիւնը

Խմբագրել

Թատրոնին երկու բաժինները հրատարակուեցան որպէս թատերագրութիւն մը որ իր մէջը կը պարունակէ առաջին եւ երկրորդ բաժինները.[56][57]:

Առաջին տպագրութիւնը, (որ կոչուած էր «յատուկ փորձարութեան տպագրութիւն») որոշուեցաւ որ հրատարակուի 31 Յուլիս, 2016 թուականին[58], որ վիպաշարին մէջ՝ Հէրի Փոթըրին ծննդեան օրն է (ինչպէս նաեւ Ճոան Ռոուլինկին)[59]: Թատերագրութեան սրբագրութիւնները եւ վերաքննութիւնները սկսան երբ առաջին օրինակը տպագրուեցաւ, եւ բարելաւուած օրինակը պիտի հրատարակուի 2017 թուականին[60]: Ըստ CNN-ին, այս թատերագրութիւնը 2016 թուականին ամէնէն շատ ապսպրուած գիրքն էր[61]:

Քննադատական ընդունելութիւն

Խմբագրել

Սկզբնական քննադատութիւնները դրական էին: Օրինակ, BBC-ին յօդուածը կոչուած էր՝ «Harry Potter and The Cursed Child» թատերագրութիւնը կը ստանայ 5 աստղանի դրական քննադատութիւններ:[62]: Հրատարակչական տնակներէն որ 5 աստղ պարգեւեցին թատերագրութեան՝ The Independent, The Evening Standard, The Stage եւ WhatsOnStage.com[63][64][65][66]: The Telegraph-ը նաեւ պարգեւեց 5 աստղ, բայց ըսաւ թէ սխալներ կան: The Guardian-ին խմբագրողը՝ Մայքըլ Պիլինկթընը պարգեւեց 4 աստղեր[67][68]:

Բոլորը նաեւ սիրեցին Պոյլին՝ (որ խաղցաւ Սքորփիուս Մալֆոյին դերը), ըսելով թէ իրեն կատարողութիւնը ամէնէն յատուկն էր[66][69]: Եւ Պոյլին դերը դարձած էր ժողովուրդին նախասիրածը[64][70]:

Նաեւ Harry Potter and The Cursed Child թատերագրութիւնը 2016 թուականի գիրքի մրցաշխարքի նշանակուած էր[71][72][73]:

Վաճառում

Խմբագրել

Ամերիկայի Միացեալ Նահանգներուն եւ Քանատային մէջ, թատերագրութիւնը վաճառուեցաւ աւելի քան 2 միլիոն օրինակով միայն երկու օրուայ ընթացքին[74]: Իսկ Միացեալ Թագաւորութեաւն մէջ առաջին շաբթուայ ընթացքին վաճառուեցաւ 847,885 օրինակ:

Ծանօթագրութիւններ

Խմբագրել
  1. ↑ «Harry Potter and the Cursed Child»։ Harry Potter The Play։ harrypottertheplaylondon.com։ 2016։ արտագրուած է՝ 26 July 2016 
  2. ↑ «'Harry Potter and the Cursed Child' Begins Previews in London, as Magic Continues»։ The New York Times։ 7 June 2016։ արտագրուած է՝ 29 June 2016 
  3. ↑ Grice Elizabeth (21 July 2016)։ «Harry Potter and the Cursed Child exclusive cast interview: 'Being a wizard is the best job ever'»։ The Telegraph (London, UK)։ արտագրուած է՝ 21 July 2016 
  4. ↑ «Pottermore – How to pre-order Cursed Child Parts I & II»։ Pottermore։ արխիւացուած է բնօրինակէն-էն՝ 8 June 2016-ին։ արտագրուած է՝ 24 May 2016 
  5. ↑ «About The Show»։ Harrypottertheplay.com։ 23 October 2015։ արխիւացուած է բնօրինակէն-էն՝ 25 October 2015-ին։ արտագրուած է՝ 23 October 2015 
  6. ↑ «J.K. Rowling's "Harry Potter" in Development for West End Stage Premiere»։ Playbill։ 19 December 2013։ արտագրուած է՝ 27 June 2015 
  7. ↑ «Harry Potter turned into stage play»։ The Guardian։ 20 December 2013։ արտագրուած է՝ 27 June 2015 
  8. ↑ «Harry Potter To Make West End Theatre Debut»։ Sky (United Kingdom)։ 26 June 2015։ արտագրուած է՝ 27 June 2015 
  9. ↑ «Universal hopes Harry Potter's magic will last»։ Orlando Sentinel։ 17 June 2010։ արխիւացուած է բնօրինակէն-էն՝ 19 October 2014-ին։ արտագրուած է՝ 27 June 2015 
  10. ↑ Williams Holly (18 March 2015)։ «The Railway Children stage show and Harry Potter studio celebrate the golden age of steam»։ The Independent (London)։ արտագրուած է՝ 27 June 2015 
  11. ↑ Battersby Matilda (26 June 2015)։ «JK Rowling confirms new Harry Potter story for the theatre»։ The Independent (London)։ արտագրուած է՝ 27 June 2015 
  12. ↑ «JK Rowling to collaborate on Harry Potter play for West End»։ The Guardian։ 9 May 2014։ արտագրուած է՝ 27 June 2015 
  13. ↑ «Harry Potter and the Cursed Child, a new play by JK Rowling, will hit the West End in 2016»։ The Daily Telegraph (London)։ 26 June 2015։ արտագրուած է՝ 27 June 2015 
  14. ↑ «JK Rowling reveals new Harry Potter theatre show»։ The Scotsman։ Edinburgh Evening News։ 26 June 2015։ արտագրուած է՝ 27 June 2015 
  15. ↑ «Harry Potter and the Cursed Child to open in 2016»։ bbc.co.uk/news (BBC News)։ 26 June 2015։ արտագրուած է՝ 27 June 2015 
  16. ↑ «Harry Potter and the Philosopher's Stone»։ bloomsbury.com։ արխիւացուած է բնօրինակէն-էն՝ 26 June 2015-ին։ արտագրուած է՝ 27 June 2015 
  17. ↑ «Harry Potter and the Cursed Child play to debut in London in 2016»։ The Sydney Morning Herald։ 26 June 2015։ արտագրուած է՝ 9 August 2015 
  18. ↑ «'Harry Potter and the Cursed Child': Everything you need to know»։ mashable.com։ 27 June 2015։ արտագրուած է՝ 9 August 2015 
  19. ↑ «JK Rowling reveals new Harry Potter play will be two-part epic»։ The Independent։ 25 September 2015։ արտագրուած է՝ 16 October 2015 
  20. ↑ «First peek at Harry Potter and the Cursed Child play»։ bbc.co.uk/newsbeat։ BBC Newsbeat։ 23 October 2015։ արտագրուած է՝ 23 October 2015 
  21. ↑ «Harry Potter and the Cursed Child play to be split in two»։ The Guardian։ 25 September 2015։ արտագրուած է՝ 16 October 2015 
  22. ↑ «In New Play, Harry Potter Is a Father»։ The New York Times։ 23 October 2015։ արտագրուած է՝ 23 October 2015 
  23. ↑ «ere's How You Can See 'Harry Potter and the Cursed Child' Without Robbing Gringotts»։ MTV։ 23 October 2015։ արխիւացուած է բնօրինակէն-էն՝ 24 December 2015-ին։ արտագրուած է՝ 30 October 2015 
  24. ↑ «Grown-up Harry must juggle working at the Ministry of Magic with being a father to three children, including his youngest Albus.»։ Sky (United Kingdom)։ 23 October 2015։ արտագրուած է՝ 23 October 2015 
  25. ↑ Lawson Mark (21 July 2016)։ «Harry Potter and the Cursed Child - 'It's extraordinary the story still isn’t out'»։ The Guardian (London, UK)։ արտագրուած է՝ 22 July 2016 
  26. ↑ «EXPLORE THE STORY - Harry Potter and the Cursed Child»։ Pottermore։ J.K. Rowling's Wizarding World։ 2016։ արտագրուած է՝ 22 July 2016 
  27. ↑ «Harry Potter and the Cursed Child»։ harrypottertheplaylondon.com։ արտագրուած է՝ 26 July 2016 
  28. ↑ «Harry Potter and the Cursed Child gets five star reviews»։ 26 July 2016։ արտագրուած է՝ 26 July 2016։ «The play, written by Jack Thorne, is set 19 years after the seventh and final book in the series by JK Rowling.» 
  29. ↑ «About The Show»։ Harry Potter The Play։ Palace Theatre։ արխիւացուած է բնօրինակէն-էն՝ 19 April 2017-ին։ արտագրուած է՝ 22 July 2016 
  30. ↑ «Harry Potter Coming Back, This Time on Stage in New Play»։ The New York Times։ 26 June 2015։ արտագրուած է՝ 27 June 2015 
  31. ↑ «World Premiere of Harry Potter and the Cursed Child Sets London Premiere»։ Playbill։ 26 June 2015։ արտագրուած է՝ 27 June 2015 
  32. ↑ «'Harry Potter and the Cursed Child' Play Planned for 2016»։ Rolling Stone։ 26 June 2015։ արտագրուած է՝ 27 June 2015 
  33. ↑ Barraclough Leo (26 June 2015)։ «Harry Potter Play to Open in London Next Year»։ Variety։ արտագրուած է՝ 27 June 2015 
  34. ↑ «'Harry Potter and the Cursed Child' To Open in London's West End Summer 2016»։ deadline.com։ 26 June 2015։ արտագրուած է՝ 27 June 2015 
  35. ↑ «JK Rowling reveals new Harry Potter stage play»։ The Scotsman։ 26 June 2015։ արտագրուած է՝ 27 June 2015 
  36. ↑ «Harry Potter and the Cursed Child play to open in London in 2016, JK Rowling confirms»։ Digital Spy։ 26 June 2015։ արտագրուած է՝ 27 June 2015 
  37. ↑ «Harry Potter stage play to premiere in the West End next summer»։ The Stage։ 26 June 2015։ արտագրուած է՝ 27 June 2015 
  38. ↑ «HARRY POTTER AND THE CURSED CHILD TO BE PRESENTED IN TWO PARTS»։ soniafriedman.com։ 25 September 2015։ արխիւացուած է բնօրինակէն-էն՝ 20 October 2021-ին։ արտագրուած է՝ 16 October 2015 
  39. ↑ «How to get tickets to Harry Potter and the Cursed Child»։ whatsonstage.com։ 23 October 2015։ արտագրուած է՝ 23 October 2015 
  40. ↑ «Harry Potter and the Cursed Child ticket sale: Over 175,000 tickets sell in just eight hours»։ The Independent։ 29 October 2015։ արտագրուած է՝ 29 October 2015 
  41. ↑ «Harry Potter and the Cursed Child: West End play focuses on Harry's youngest son»։ The Guardian։ 23 October 2015։ արտագրուած է՝ 23 October 2015 
  42. ↑ 42,0 42,1 «Harry Potter and the Cursed Child run extended to April 2017 as touted tickets go on sale for £3,000»։ The Daily Telegraph։ 29 October 2015։ արտագրուած է՝ 30 October 2015 
  43. ↑ «More than 175,000 tickets for 'Harry Potter and the Cursed Child' on London's West End were snapped up in eight hours.»։ The Hollywood Reporter։ 29 October 2015։ արտագրուած է՝ 29 October 2015 
  44. ↑ «How to get tickets to Harry Potter and the Cursed Child»։ whatsonstage.com։ 23 October 2015։ արտագրուած է՝ 30 October 2015 
  45. ↑ «Harry Potter Stage Show Producers Warn Scalpers That Resold Tix Will Not Fly»։ Playbill։ 29 October 2015։ արտագրուած է՝ 14 February 2016 
  46. ↑ «The Friday Forty»։ Palace Theatre։ Palace Theatre։ արխիւացուած է բնօրինակէն-էն՝ 9 April 2017-ին։ արտագրուած է՝ 22 July 2016 
  47. ↑ «Your Questions Answered»։ harrypottertheplay.com։ արխիւացուած է բնօրինակէն-էն՝ 19 April 2017-ին։ արտագրուած է՝ 29 October 2015 
  48. ↑ «Harry Potter and the Cursed Child announces lead cast»։ bbc.co.uk/news։ BBC News։ 21 December 2015։ արտագրուած է՝ 21 December 2015 
  49. ↑ Hooton Christopher (21 December 2015)։ «JK Rowling shuts down anyone with a problem about Hermione being black on Twitter: 'Frizzy hair is canon'»։ The Independent։ արտագրուած է՝ 21 December 2015։ «Responding to (a small pocket of) negative discussion of the casting, she tweeted: "Canon: brown eyes, frizzy hair and very clever. White skin was never specified. Rowling loves black Hermione." UPDATE: Hold up, maybe the logic isn't quite so airtight.» 
  50. ↑ «In 'Harry Potter and the Cursed Child,' a Black Actress Will Play Hermione»։ The New York Times։ 21 December 2015։ արտագրուած է՝ 21 December 2015 
  51. ↑ Maltby Kate։ «There's nothing confusing about a black actress playing Hermione Granger – Spectator Blogs»։ Spectator Blogs (en-US)։ արխիւացուած է բնօրինակէն-էն՝ 22 December 2015-ին։ արտագրուած է՝ 23 December 2015։ «JK Rowling tweeted this morning that she'd never specified Hermione's skin colour in the books» 
  52. ↑ Lua error in package.lua at line 80: module 'Module:TwitterSnowflake' not found.
  53. ↑ «Harry Potter and the Cursed Child cast photos released»։ bbc.co.uk/news։ BBC News։ 31 May 2016։ արտագրուած է՝ 31 May 2016 
  54. ↑ «42-Member Multicultural Cast Revealed for Harry Potter and the Cursed Child»։ Playbill։ 26 February 2016։ արտագրուած է՝ 7 March 2016 
  55. ↑ «Full casting announced for Harry Potter and the Cursed Child»։ whatsonstage.com։ 26 February 2016։ արտագրուած է՝ 7 March 2016 
  56. ↑ «Harry Potter and the Cursed Child to be eighth book»։ bbc.co.uk/news։ BBC News։ 10 February 2016։ արտագրուած է՝ 10 February 2016 
  57. ↑ «How to pre-order the Harry Potter and the Cursed Child Parts I & II script book»։ Pottermore։ J.K. Rowling's Wizarding World։ 2016։ արխիւացուած է բնօրինակէն-էն՝ 8 June 2016-ին։ արտագրուած է՝ 22 July 2016 
  58. ↑ «Harry Potter and the Cursed Child Will Be Published in Book Form»։ Time։ 10 February 2016։ արտագրուած է՝ 10 February 2016 
  59. ↑ «New Harry Potter book coming out in July: the play script»։ The Guardian։ 10 February 2016։ արտագրուած է՝ 10 February 2016 
  60. ↑ «Exciting publishing programme from J.K. Rowling's Wizarding World»։ pottermore.com։ 10 February 2016։ արտագրուած է՝ 10 February 2016 
  61. ↑ Fashingbauer Cooper Gael (21 July 2016)։ «Harry Potter script the most preordered book of 2016»։ CNN։ CBS Interactive Inc.։ արտագրուած է՝ 22 July 2016 
  62. ↑ «Harry Potter and the Cursed Child gets five star reviews»։ 26 July 2016։ արտագրուած է՝ 26 July 2016։ «The play, written by Jack Thorne, is set 19 years after the seventh and final book in the series by JK Rowling.» 
  63. ↑ «Harry Potter and the Cursed Child review: Tailor made for the theatre»։ 25 July 2016։ արտագրուած է՝ 31 July 2016 
  64. ↑ 64,0 64,1 «Harry Potter and the Cursed Child: A magical experience»։ 26 July 2016։ արտագրուած է՝ 31 July 2016 
  65. ↑ «Harry Potter and the Cursed Child review at Palace Theatre»։ արտագրուած է՝ 31 July 2016 
  66. ↑ 66,0 66,1 «Review: Harry Potter and the Cursed Child (Palace Theatre)»։ արտագրուած է՝ 31 July 2016 
  67. ↑ «Harry Potter and the Cursed Child is a magical show with a strong emotional core - review»։ արտագրուած է՝ 31 July 2016 
  68. ↑ Billington Michael (26 July 2016)։ «Harry Potter and the Cursed Child review – duel of dark and light carried off with dazzling assurance»։ արտագրուած է՝ 31 July 2016 
  69. ↑ Maltby Kate (25 July 2016)։ «‘Harry Potter and the Cursed Child, Parts One and Two’ Review: The Spell of Friendship»։ արտագրուած է՝ 31 July 2016 – via Wall Street Journal 
  70. ↑ Trueman Matt (25 July 2016)։ «West End Review: ‘Harry Potter and the Cursed Child’»։ արտագրուած է՝ 31 July 2016 
  71. ↑ https://www.amazon.com/Harry-Potter-Cursed-Child-Production/dp/1338099132/
  72. ↑ https://twitter.com/hcawards2016/status/759306950337236992
  73. ↑ http://www.moscowbooks.ru/news/view.asp?id=7711
  74. ↑ 8/3/2016, "'Harry Potter and the Cursed Child' Script Book Sells Over 2 Million Copies in 2 Days" (http://www.hollywoodreporter.com/news/harry-potter-cursed-child-script-916817). The Hollywood Reporter. Accessed 4 August 2016.
Վերցուած է «https://hyw.wikipedia.org/w/index.php?title=Harry_Potter_and_The_Cursed_Child&oldid=235877» էջէն