Ասի Ռահպանի
Ասի Ռահպանի (արաբերէն՝ عاصي الرحباني ) (3 Մայիս, 1923, Անթիլիաս, Լիբանան - 21 Յունիս 1986, Պէյրութ, Լիբանան), Լիբանանցի երգահան եւ երաժիշտ:
| Ասի Ռահպանի արաբերէն՝ عاصي الرحباني | |
|---|---|
 | |
| Ծնած է | 3 Մայիս 1923 |
| Ծննդավայր | Անթիլիաս, Մեծ Լիբանան, Սուրիոյ եւ Լիբանանի ֆրանսական մանտադ |
| Մահացած է | 21 Յունիս 1986 (63 տարեկանին) |
| Մահուան վայր | Պէյրութ, Լիբանան |
| Քաղաքացիութիւն |
.svg){kind=small} Մեծ Լիբանանի Պետություն Lebanese Republic under French mandate Լիբանան |
| Մասնագիտութիւն | երգահան, Երգահան |
| Ամուսին | Ֆէյրուզ |
| Երեխաներ | Զիատ Ռահպանի եւ Rima Rahbani? |
Իր եղբօր՝ Մանսուր Ռահպանիին հետ դարձած են Լիբանանի երաժշտութեան ռահվիրաներէն:
Ամուսնացած էր Լիբանանցի հռչակաւոր երգչուհի՝ Նուհատ Հատտատին հետ, որուն բեմական անունն է ֆէյրուզ:
Իր զաւակը՝ Զիատ Ռահպանի լիբանանցի հռչակաւոր երգահան եւ թատերագիր է:
Գործունէութիւն Խմբագրել
Վաղ Տարիներ Խմբագրել
Ասի Ռահպանիին երաժշտական գործունէութիւնը կը սկսի, երբ ան «Միջին Արեւելք» ձայնասփիւռի կայանին մէջ գործ կը գտնէ:
1951-ին, Նուհատ հատտատ (Ֆէյրուզ) «Միջին Արեւելք» ձայնասփիւռի երգչախումբին երգողներէն էր: Ան երաժշտութեան ղեկավարին՝ Հալիմ Ալ Ռումիին, ուշադրութիւնը կը գրաւէ:
Ասի կը յօրինէ Ֆէյրուզին առաջին երգը՝ "Itab" («Մեղադրանք»): Ալ Ռումի կը լսէ երգը եւ կ'ուզէ, որ Ասի ուրիշ երգեր ալ յօրինէ Ֆէյրուզին համար: Այս երեքը մօտաւորապէս 50 երգի վրայ միասին կ'աշխատին:
1956-ին Սուեզի Տագնապի տարիներուն, Ասի եղբայրները եւ Ֆէյրուզ ձայնասփիւռի կայանը կը ձգեն, որմէ ետք Ռահպանի եղբայրները եւ Ֆէյրուզ անձնական երաժշտութեան խումբ մը կը հիմնեն:
Ռահպանի երկու եղբայրները երգեր կը յօրինեն եւ երգի բառեր ալ կը գրեն[1]: Անոնք Ֆէյրուզին հետ Լիբանանի եւ Միջին Արեւելքի ամէնէն հռչակաւոր անձերը կը դառնան[2]:
1957-ին այս երեքը առաջին անգամ ըլլալով Պաալպէքի Միջազգային Փառատօնին կը մասնակցին:
Հռչակ Խմբագրել
1960-ին Ռահպանի եղբայրները Արաբական Աշխարհին ամէնէն հռչակաւոր երգիչներէն կը դառնան: Անոնք հարիւրաւոր թատերական գործեր եւ հեռատեսիլի ծրագիրներ կ'իրականացնեն:
Ասի եւ Ֆէյրուզ Լիբանանեան «Տարագրութիւնը» (Safar Barlek, 1967) եւ «Պահակին Աղջիկը» (Bint El-Hares , 1968) ժապաւէններուն մէջ դերեր կը ստանձնեն:
Լիբանանի Քաղաքացիական Պատերազմին Խմբագրել
Լիբանանի Քաղաքացիական պատերազմին, Ռահպանի եղբայրները քաղաքական բնոյթի գործեր կը մշակեն:
1977-ին անոնց երգերը մեծ ընդունելութիւն կը գտնեն թէ՛ Արեւմտեան (Իսլամական) եւ թէ Արեւելեան (Քրիստոնէական) Պէյրութի մէջ:
1978-ին անոնք կը շրջագային Եւրոպայի, ինչպէս նաեւ Արաբական Միացեալ Էմիրութիւններուն մէջ, ուր հանդէս կու գան զանազան համերգներով: Կը յօրինեն նաեւ կարգ մը լիբանանցի երգչուհիներու երգերը:
Անձնական Կեանք եւ Առողջութիւն Խմբագրել
Երաժշտական աշխարհէն հեռու, Ֆէյրուզ եւ Ասի ամուսնացած զոյգեր էին:
1953-ին Ասի Ռահպանի Ֆէյրուզին ձեռքը կը խնդրէ. մէկ տարի ետք, անոնք կ'ամուսնանան:
1970-ին Ասի մտային հիւանդութիւններ կ'ունենայ:
22 Սեպտեմբեր 1972-ին Ասի Ռահպանի ուղեղի արիւնահոսութիւն կ'ունենայ եւ «Ռըզըք» հիւանդանոց կը փոխադրուի: Ժողովուրդը հիւանդանոցին առջեւ կը հաւաքուի եւ մոմավառութիւն կ'ընէ: Երեք գործողութիւններէ ետք, արիւնահոսութիւնը կը դադրի:
1979-ին, Ֆէյրուզ եւ Ռահպանի եղբայրները կը համաձայնին վերջ տալ իրենց միատեղ աշխատանքին, ինչպէս նաեւ Ֆէյրուզ կը բաժնուի Ասի Ռահպանիէն եւ կը սկսի իր որդիին՝ Զիատ Ռահպանիին հետ աշխատիլ:
26 Յունիս 1986-ին Ասի Ռահպանի կը մահանայ մահաթմբիրի մէջ մնալէն ետք եւ կը թաղուի Պէյրութի մէջ:
Ծանօթագրութիւններ Խմբագրել
- ↑ Chouairi Rajaa (2006)։ The Sword Breaks The Song Continues, Literacy in the Rahbani brothers' work of art։ NY: [Hofstra University]։ էջ 86։ ISBN 978-1-109-86391-8
- ↑ Ալ Ռահպանի