Աւանց
Աւանց, Արեւմտեան Հայաստանի գիւղերէն, որ կը գտնուի Վան վիլայէթի Վան գաւառակին մէջ: Գիւղը կը գտնուի Վանայ լիճի ափին, բարձր սարահարթի վրայ: Կը հանդիսանար Վանայ լիճի ամէնէն յայտնի նաւահանգիստը։
| Գիւղ | |
|---|---|
| Աւանց | |
| Երկիր |
 Թուրքիա |
Բնակչութիւն
Խմբագրել1850-ական թուականներուն Աւանցն ունեցած է արդէն 300 տուն՝ աւելի քան 2000 հայ բնակիչներով, իսկ աւելի ուշ՝ շուրջ 500 տուն հայ բնակչութեամբ:
1915 թուականին Աւանց գիւղի բնակիչները աշխոյժ մասնակցութիւն ունեցած են Վանի հերոսական ինքնապաշտպանութեան:
Աւանց աւերուած է ցեղասպանութեան տարիներուն։ Բնակիչներէն շատեր զոհուած են գաղթի ճանապարհին, սակայն փրկուածներուն մէկ մասը կրօնափոխ եղած է չլքելով հայրենի բնօրրանը, միւս մասն ալ ապաստան գտած է Արեւելեան Հայաստան։
Կրթութիւն եւ գրչութիւն
ԽմբագրելԳիւղը միջին դարերուն եղած է գրչութեան կեդրոն, ուր գրուած են բազմաթիւ ձեռագիր մատեաններ: 19-րդ դարու սկիզբը գիւղին մէջ գործած է վարժարան։
Տնտեսութիւն
ԽմբագրելԲնակչութիւնը գլխաւորաբար զբաղած է այգեգործութեամբ, երկրագործութեամբ, օճառագործութեամբ, ձկնորսութեամբ, նաւաշինութեամբ ու նաւավարութեամբ։
Պատմամշակութային կառոյցներ
ԽմբագրելՄինչեւ 1810 թուականը գիւղը ունեցած է՝ Սուրբ Յովհաննէս Կարապետ եւ Սուրբ Յարութիւն եկեղեցիները: Սուրբ Յարութիւն եկեղեցին ժողովուրդին կողմէ ընդունուած էր անուանել նաեւ Սուրբ Աստուածածին:
Գիւղին համար աղէտաբեր եղած են լիճի՝ 1810 թուականի կէսերուն տեղի ունեցած ուժեղ ալեկոծութիւնները, որուն արդիւնքով ջրակուլ եղած է ողջ գիւղը եւ եկեղեցիներէն մէկը: Աւանցը կրկին վերաշինուած է աւելի բարձր դիրք ունեցող սարահարթի վրայ[1]։
Ծանօթագրութիւններ
Խմբագրել- ↑ «Ճանչնանք Արեւմտեան Հայաստանը. Աւանց գիւղ»։ Western Armenia TV (wa-WA)։ 2022-12-10։ արտագրուած է՝ 2023-04-04
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ 
|