Գար Կոզիկեան

Գար Կոզիկեան (Եսալէմ) (17 Ոգոստոս 1878-1915)

Գար Կոզիկեան
Ծնած է 1878
Ծննդավայր Բալու, Էլազըղի մարզ, Թուրքիա
Մահացած է 1915
Ազգութիւն հայ
Ուսումնավայր Եփրատ Գոլէճ
Մասնագիտութիւն քաղաքական գործիչ

Ծնած է Բալու 17 Ոգոստոս 1878-ին եւ ուսումը կը ստանայ Չարսանճագ ու Խարբերդ: 1896-ին Ռուսփա անցնելով՝ կ'աշխատի գործարաններու մէջ եւ կը զգայ բանւոր դասակարգին կրած տանջանքները, որոնք Սոցիալ. Դեմոկրատ գաղափարին կը մղեն զինք: 1901-ին իբրեւ հնչակեան գործիչ կը ձերբակալուի եւ երկու տարուան բանտարկութենէ մը վերջ Ժընէվ կ'անցնի ուր Ե. Պալեանի հետ կը հրատարակէ Բանւոր ընկերվ. հանդէսը: 1905-ին երբ Ռուս յեղ. շարժումը Բեթերսպուրկի գործաւորներուն կողմէ ծաւալ կը ստանար, անունը փոխելով կ'անցնի Թիֆլիզ եւ յաջորդաբար կը վարէ խմբագրութիւնը Կեանքի, Ձայնի եւ Գործի, բոլորն ալ խափանուած: Կ'աշխատակցի արտասահման հրատարակուող «Սօցիալիսթ»ի եւ Տ. Զաւէնի «Երկրի Ձայն»ին՝ զանազան ծածկանուններով: Սահմանադրութենէն վերջ Պօլիս կու գայ ու կը սկսի գրել «Մանզումէ»ի: Քիչ յետոյ Գրաշարաց Միութիւնը կը հիմնէ եւ լոյս կ'ընծայէ Նոր Կեանք շաբաթաթերթը Հ. Նազարեանցի հետ, նաեւ Ապագայ բանւորական հանդէսը: Հեղինակ Թող Քակդերը խօսին գրքոյկին: Կ'ամուսնանայ եւ ուսուցչութեան պաշտօնով ընտանեօք կ'անցնի Տրապիզոն ուր կը մնայ մինչեւ 1915 եւ տեղահանութեան ընթացքին՝ ճամբան կնոջը Ռոզիի հետ կամովին գետամոյն:

ԱղբիւրներԽմբագրել

  • Յուշարձան Ապրիլ Տասնըմէկի, Կ.Պոլիս 1919, էջ 74, յօդուած 351