Եդուարդ Տարօնեան
Եդուարդ Տարօնեան (1896, Բաղէշ, Պիթլիսի վիլայէթ, Օսմանեան Կայսրութիւն - 26 Հոկտեմբեր 1967, Պէյրութ, Լիբանան), գրագէտ, հանրային կրթական մշակ։ ՀՅԴ-ի անդամ։
| Եդուարդ Տարօնեան | |
|---|---|
| Ծնած է | 1896 |
| Ծննդավայր | Բաղէշ, Պիթլիսի վիլայէթ, Օսմանեան Կայսրութիւն |
| Մահացած է | 26 Հոկտեմբեր 1967 |
| Մահուան վայր | Պէյրութ, Լիբանան |
Կեանք եւ գործունէութիւն
ԽմբագրելԾնած է Բաղէշ նահանգի Ղուլթիկ գիւղը: Նախնական կրթութիւնը ստացած է իր ծննդավայրին մէջ: Երկրորդական ուսումը՝ Պոլիս:
1915-ին մեկնած է Ժընեւ: 1919-ին աւարտած է Ժընեւի «Institute J. J. Rousseau» մանկավարժական համալսարանը:
Ժընեւի մէջ, ուսանողութեան տարիներուն, մտած է Հ․Յ․Դաշնակցութեան շարքերը:
Վարած է ուսուցչական պաշտօններ` Պոլիս եւ Ժընեւ: 1930-էն ետք հաստատուած է Պէյրութ:
Վարած պաշտօններ
ԽմբագրելՆախ ուսուցիչ՝ «Նշան Փալանճեան» ճեմարանի մէջ: 1935-1936 տնօրէն` Հալէպի Հայկազեան վարժարանի: Պաշտօնավարած է նաեւ Պէյրութի իտալական եւ վիեննական Մխիթարեաններու վարժարաններուն մէջ:
1942-1957 վարած է Ս. Նշան ազգային վարժարանի տնօրէնութիւնը[1]:
1957-ին իբրեւ մնայուն ուսուցիչ` պաշտօնի կոչուած է Անթիլիասի դպրեվանքը։
Գրութիւններ եւ հրատարակութիւններ
ԽմբագրելՈւնի հանրային բնոյթ կրող գրութիւններ, գրական բովանդակութեամբ յօդուածներ: Հրատարակած է քանի մը պրոշիւրներ:
1952-ին լոյս ընծայած է «Մակապատում» պատանիներու սահմանուած պատմուածքներու հատորը: 1959-ին՝ «Համասփիւռ» պատմուածքներու հատորը:
Ունի նաեւ անտիպ թարգմանութիւններ` ֆրանսերէնէ անգլերէնէ եւ իտալերէնէ[2]:
Տարօնեան մահացած է 26 Հոկտեմբեր 1967-ին։
Ծանօթագրութիւններ
Խմբագրել- ↑ «Ազգ. Ս. Խանամիրեան քոլեճ»։ Armenian Prelacy of Lebanon (en-US)։ 2016-02-26։ արտագրուած է՝ 2022-02-20
- ↑ «50 Տարի Առաջ (26 Հոկտեմբեր 1967)»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2017-10-26։ արտագրուած է՝ 2022-02-20