Էմմանուիլ Քարալիս

Էմմանուիլ Քարալիս; յուն․՝ Εμμανουήλ Καραλής
	Էմմանուիլ Քարալիս, 2018-ին
Ծնած է	20 Հոկտեմբեր, 1999
Ծննդավայր	Աթէնք
Քաղաքացիութիւն	Յունաստան
Ազգութիւն	յոյն
Ուսումնավայր	Յունաստանի Ամերիկեան Քոլեճ
Մասնագիտութիւն	Ձողացատկի մարզիկ

Էմմանուիլ Քարալիս (յուն․՝ Εμμανουήλ Καραλής, Աթէնք 20 Հոկտեմբեր 1999), ձողացատկի յոյն մարզիկ, յունազգի ախոյեան եւ Փարիզի մէջ կայացած 2024-ի Ողիմպիական խաղերու արծաթեայ մետալակիր (5,90 մ․)։ Եւրոպական եւ համաշխարհային գետնի վրայ ձողացատկի բամիցս մետալակիր։

Էմմանուիլ ծնած է Աթէնք։ Հայրը ազգութեամբ յոյն է, իսկ մայրը՝ Ուկանտայէն է։ 2021-էն մաս կը կազմէ Բիրէայի Օլիմպիաքոս ակումբի դասական մարզախաղերու կազմին։ Եղած է 18-էն վար (U18) եւրոպայի եւ Համաշխարհային ախոյեան։

2016-ին, Թիֆլիսին մէջ կայացած 18 տարեկանէն վար Եւրոպական դասական մարզախաղերու ընթացքին, առաջին կը հանդիսանայ ցատկելով 5,45 մ․։ 2019-ին, Պուլկարիոյ մէջ (Բրավեց) կայացած Պալքանեան դասական մարզախաղերուն ընթացքին 5,66 մ․ կը ցատկէ եւ ոսկեայ մետալին կ՛արժանանայ։

2021-ի Սերպիոյ (Սմենտերեվօ) Պալքանեան դասական մարզախաղերուն ընթացքին ոնկեայ մետալակիր կը դառնայ 5,70 մ․ ցատկելով։ Նոյն տարին, 23 տարեկանէն վար Եւրոպական ախոյեանութեան ընթացքին (Թալին, Էսթոնիա) արծաթեայ մետալին կ՛արժանանայ (5,65 մ․), իսկ Թոքիոյի Ողիմպիական խաղերուն 4րդ դիրքը կը գրաւէ (5,80 մ․)։

Համայունական դասական մարզախաղերու ախոյեանութեան (12 Փետրուար 2023) ընթացքին կ՛արձանագրէ 5,86 մ․ ձողացատկի համայունական ցուցանիշը։ Իսկ 20 Յունիս 2024-ին, Լեհաստանի Պիտկոսծ (Bydgoszcz) քաղաքին մէջ կայացած մարզախաղերուն ընթացքին կը ցատկէ 5,91 մ․։

Մարտ 2024-ին, Սկովտիոյ Կլասքոու քաղաքին մէջ կայացած գոց մարզադաշտի Համաշխարհային ախոյեանութեան ընթացքին կ՛արժանանայ պղինձէ մետալին (5,85 մ․)։ Յունիս 2024-ին, Հռոմի մէջ կայացած Եւրոպական դասական մարզախաղերուն ընթացքին կը դառնայ Եւրոպայի արծաթեայ ախոյեան (2րդ դիրք)։

5 Օգոստոս 2024-ին, Փարիզի Ողիմպիական խաղերուն ընթացքին, 5,90 մ․ ցատկելով կը գրաւէ 3րդ դիրքը (պզինձեայ մետալակիր) եւ կ՛արժանանայ իր Ողիմպիական առաջին միտալին։

^[2] ^[3] ^[4] ^[5] ^[6] ^[7] ^[8] ^[9] ^[10] ^[11] ^[12]

Ծանօթագրութիւններ

[[https://olympics.com/en/paris-2024/athlete/emmanouil-karalis_1961218_https://olympics.com/en/paris-2024/athlete/emmanouil-karalis_1961218]<span_class="wef_low_priority_links"></span><div_style="display:none"></div>-1] ttps://olympics.com/en/paris-2024/athlete/emmanouil-karalis_1961218

[2] Փարիզի Ողիմպիական խաղեր․ Էմմանուիլ Քարալիս(անգլերէն)

[3] www.sport24.gr- Էմմանուիլ Քարալիս Օլիմպիաքոսի մարզիկ, 1-6-2018(յունարէն)

[4] 37րդ Համայունական դասական մարզախաղերու ախոյեանութիւն, Էմմանուիլ Քարալիս ախոյեան, 5,86 մ․(յունարէն)

[5] «Էմմանուիլ Քարալիս(անգլերէն)»։ արխիւացուած է բնօրինակէն-էն՝ 2020-06-25-ին։ արտագրուած է՝ 2024-08-06

[6] rotothema․ Էմմանուիլ Քարալիս ոսկեայ մետալակիր Թիֆլիսի խաղերուն, 18-7-2016(յունարէն)

[7] Քարալիս ախոյեան 5,70 Սմետերովոյի մէջ եւ կ՛ուղղուի դէպի Թոքիօ, 27-6-2021(յունարէն)

[8] Քարալիս 2րդ Լեհաստանի եւրոպական խաղերուն(յունարէն)

[9] Քարալիս, Կլասքոուի մէջ մետալակիր, 2024(յունարէն)

[10] ympics․ Էմմանուիլ Քարալիս(անգլերէն)

[11] Էմմանուիլ Քարալիս․ 4րդ Թոքիոյի Ողիմպիականին(յունարէն)

[12] Ողիմպիական խաղեր․ պղինձէ մետալակիր Քարալիս, 5,90 մ․, Ոսկեայ մետալակիր Տուբլանտիս 6,25 մ․․(յունարէն)

[1]

[2]

[3]

[4]

[5]

[6]

[7]

[8]

[9]

[10]

[11]

[12]