Լեւոն Ազարեան

Լեւոն Ռուբէնի Ազարեան, արուեստաբան, արուեստագիտութեան թեկնածու (1959)։

Լեւոն Ազարեան
Ծնած է	18 Սեպտեմբեր 1918(1918-09-18)
Ծննդեան վայր	Գաւառ, Նոր Բայազետի գավառ, Հայաստանի Առաջին Հանրապետութիւն
Մահացած է	5 Յունուար 1981(1981-01-05) (62 տարեկանին)
Մահուան վայր	Երեւան, Հայաստանի Խորհրդային Ընկերվարական Հանրապետութիւն, Խորհրդային Միութիւն
Քաղաքացիութիւն	Խորհրդային Միութիւն
Գործատու	Հ․Հ․ ԳԱԱ Արուեստի համալսարան
Կրթութիւն	Երեւանի Պետական Համալսարան

Կենսագրութիւն

1945-ին աւարտած է Երեւանի պետական համալսարանի բանասիրութեան բաժանմունքը։

Աշխատած է Երեւանի պետական թատրոնին մէջ։

1945-1953 թուականներուն զբաղած է մանկավարժական գործունէութեամբ։

1959-էն՝ ՀՀ ԳԱԱ Արուեստի հիմնարկին գիտաշխատող։

Լեւոն Ազարեանին գործերը կը վերաբերին յատկապէս կիլիկեան մանրանկարչութեան զարգացման: Ցոյց կու տայ, թէ ինչպէ՛ս բուն Հայաստանի գեղարուեստական աւանդութիւններու եւ Բիւզանդիոնի եւ մասամբ նաեւ Արեւմուտքի արուեստին հիման վրայ կը ձեւաւորուի անոր ոճը, որ աչքի կը զարնէ իր նրբութեամբ եւ նրբագեղութեամբ: Գիտնականը կը փորձէ դասաւորել մանրանկարիչներու դպրոցները` զանոնք դասակարգելով ըստ այն ժամանակուան գրչութեան հիմնական կեդրոններուն` Դրազարկ, Սկեւր եւ Հռոմկլայ:

«Կիլիկիայի ԺԲ. – ԺԳ. դարերի մանրանկարչութիւնը» գիրքը հայկական մանրանկարչութեան այդ ժամանակաշրջանը լուսաբանելու առաջին փորձն է Հայաստանի մէջ: Հոն Ազարեան առանձին գլուխ մը յատկացուցած է մանրանկարչութեան ծանօթ վարպետ Թորոս Ռոսլինին: Վերլուծելով անոր ստեղծագործութիւնները` հեղինակը այն եզրակացութեան կը յանգի, որ ասոնք ոճի տեսակէտէն կը տարբերին անանուն այն գործերէն, որոնք աւանդաբար կը վերագրուին Ռոսլինի: Ան կ'ենթադրէ, թէ այդ անանուն գլուխ գործոցներուն ետեւ պահուըտած են Ռոսլինի ժամանակակից նկարիչներուն անունները, որոնք վարպետութեամբ եւ ինքնատիպութեամբ համազօր են անոր արուեստին:

Մատենագրութիւն

• S. Der-Nersessian, L. Azarian, Khachkars Armeniens. "Revue des études arméniennes". 1973-1974, t, X.
• S. Der-Nersessian, գրախոսական։ "Revue des études arméniennes". 1665, t, II.