Կայծ (թերթ, Թիֆլիս)

Կայծ;
Տեսակ	հանդէս
Լեզու	հայերէն
Խմբագիր	Ստեփան Շահումեան, Սուրէն Սպանդարեան, Սարգիս Կասեան
Հրատարակիչ	Ա. Երզնկեան
Երկիր	Թիֆլիս, Վրաստան

«Կայծ», բոլշեւիկեան տնտեսական, քաղաքական եւ հասարակական եռօրեայ ագիտացիոն թերթ։

Համարուած է հայերէն առաջին պոլշեւիկեան լեգալ պարբերականը։ Լոյս տեսած է 1906 թուականին (47 համար), Թիֆլիսի մէջ։ Խմբագիրներ՝ Ստեփան Շահումեան, Սուրէն Սպանդարեան, Սարգիս Կասեան։ Պաշտօնական խմբագիր-հրատարակիչը համարուած է Ա. Երզնկեանը։ Լուսաբանած է բանուորական շարժումները Հայաստանի եւ Ռուսաստանի մէջ, ընթերցողներուն պարզաբանած է ռուսական առաջին յեղափոխութեան խնդիրները։ Տպագրած է նիւթեր կուսակցական կազմակերպութիւններու գործունէութեան մասին։

«Կայծ»-ին աշխատակցած են Յ. Յակոբեանը, Մ. Միրաքեանը, Մ. Խանոյեանը, Ռ. Դաշտոյեանը, Ա. Կարինեանը, Ա. Խումարեանը, Ա. Մռաւեանը, Մ. Մելիքեանը եւ ուրիշներ։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։