Մեսրոպ Վրդ. Ճանաշեան

Մեսրոպ Վրդ. Ճանաշեան
Mesrob vartabed Janashian.jpg
Ծնած է 11 Յունուար, 1908
Ծննդավայր Անքարա
Մահացած է 13 Ապրիլ, 1974
Մասնագիտութիւն Մխիթարեան Միաբանութեան քահանայ

ԿենսագրութիւնԽմբագրել

Հայր Մեսրոպ Վարդապետ Ճանաշեան ծնած է 11 Յունուար, 1908-ին, Անքարա: Ան վախճանած է Ապրիլ 13, 1974-ին: Մխիթարեան Միաբանութեան քահանայ, Ուսումնապետ:

Հայր Մեսրոպ Վարդապետ Ճանաշեան, աւազանի անունով Պետրոս, ծնած է Անքարա, 11 Յունուար, 1908-ին: Հոկտեմբեր 1919-ին կ՛անցնի Վենետիկ, եւ նոյն թուականի Նոյեմբերին կը հագնի վանական աշակերտի սքեմը:

Քսան տարեկան հասակին կ՛անդամակցի Մխիթարեան Միաբանութեան: Իմաստասիրութեան ու Աստուածաբանութեան գծով համալսարանական իր ուսումը Հռոմի մէջ աւարտելէ ետք, 1934-ին կը ստանայ քահանայական ձեռնադրութիւն:

1937-1939 թուականներուն կը հետեւի Սորպոնի համեմատական գրականութեան դասընթացքներուն:

1939-1942 թուականներուն կը վարէ Մուրատ Ռափայէլեան-ի ուսումնապետի, եւ ապա՝ 1950-1952 տարիներուն, տեսուչի պաշտօնը:

Հայր Մեսրոպ Վարդապետ Ճանաշեան կը մահուան Ապրիլ 13, 1974-ին:

Խմբագրական աշխատանք , հիմնադիր եւ տպարանի տեսչութիւնԽմբագրել

Երկար տարիներ՝ 1942-1952, 1953-1956 եւ 1970-1973 կը վարէ «Բազմավէպ»-ի խմբագրութիւնը, իսկ 1959-1969՝ տպարանի տեսչութիւնը: Կը հիմնէ «Հայ Ընտանիք»-ը, որուն խմբագրութիւնն ալ կը վարէ 1970-1973 թուականներուն:

Հրատարակչական եւ գրականագիտական ու պատմաբանասիրական աշխատութիւններԽմբագրել

Ամբողջ կեանք մը նուիրուած կրթական, խմբագրական ու հրատարակչական աշխատանքներու, որոնց առընթեր Հայր Մեսրոպ Վրդ. Ճանաշեան հաւատարմօրէն կը ծառայէ հայ գիր ու բանին, գեղարուեստական գրականութեան ու թարգմանչական աշխատանքներու հետ միատեղ ստորագրելով գրականագիտական ու պատմաբանասիրական աշխատասիրութիւններ:

ՀրատարակութիւններԽմբագրել

«Բազմավէպ»-ի, «Գեղունի»-ի եւ «Հայ Ընտանիք»-ի մէջ հրատարակած իր բազմաթիւ ուսումնասիրութիւններէն անկախ, առանձին հատորներով լոյս կ՛ընծայէ. ՊԱՏՄՈՒԹԻՒՆ ԱՐԴԻ ՀԱՅ ԳՐԱԿԱՆՈՒԹԵԱՆ, Ա. Հատոր, 1701-1900, Վենետիկ, Ս. Ղազար, 1953, ՀԱՅ ԳՐԱԿԱՆՈՒԹԵԱՆ ՆՈՐ ՇՐՋԱՆԻ ՀԱՄԱՌՕՏ ՊԱՏՄՈՒԹԻՒՆ 1701-1920, Վենետիկ, Ս. Ղազար, 1973: Սայեաթ-Նովա, Վենետիկ, Ս. Ղազար, 1964: ԴԱՒԻԹ ԿԻՒՐԱՊԱՂԱՏ, Վենետիկ, Ս. Ղազար, 1976, եւ այլն. Մատենագիտական ամբողջական ցանկին համար տես՝ «Բազմավէպ», 1974, Թիւ 1-2, էջ 32-47:

Արտաքին յղումներԽմբագրել

http://www.bazmavep.com/hy «Բազմավէպ» հայագիտական հանդէսը հիմնուած 1843-ին, պաշ­տօնաթերթն է Մխիթարեան Միաբանութեան եւ լոյս կ՚ըն­ծա­յուի Սուրբ Ղազարի Հայկա­կան Ճեմարանի կողմէ:

ԱղբիւրներԽմբագրել

Հայկազեան Հայագիտական Հանդէս , Հատոր Ե., Պէյրութ, 1974, էջ 287