Յակոբ Միքայէլեան

Յակոբ Միքայէլեան ծնած է 30 Ապրիլ,1943-ին Հալէպ, Սուրիա: Արուեստագէտ, արձակագիր, ուսուցիչ, մանկավարժ : Իր հայրը գաղթած է Զեյթունէն: Յակոբ Միքայէլեան այժմ կ’ապրի Երեւան:


Hagop Mikayelian August 22 2017 Yerevan Armenia.jpg
Ծնած է 1943
Ծննդավայր Հալէպ
Կարողութիւն րուեստագէտ, արձակագիր, ուսուցիչ, մանկավարժ
Մասնագիտութիւն անգլերէն բանասիրութիւն
Աշխատավայր մանկավարժ, թատրոնի դերակատար

ԿենսագրութիւնԽմբագրել

Յակոբ Միքայելեան Ուսումը ստացած է Ազգային Հայկազեան եւ ՀԲԸՄ Լ. Նաճարեան-Գ. Կիւլպէնկեան Երկրդ.Վարժարաններուն մէջ։ 1970-ին վկայուած է Դամասկոսի Համալսարանի Անգլերէն Լեզուի Եւ Գրականութեան Բաժինէն, ապա հետեւած մանկավարժութեան եւ վկայուած Նիւ Ճըրզիի Համալսարանէն:

Ծաւալած է կրթամանկավարժական գործունէութիւն: 2002–2004՝ իբրեւ տնօրէն պաշտօնավարած է ՀԲԸՄ Լ.Ն.-Գ.Կ. Վարժարանին մէջ, 2004–2014՝ ստանձնած է նոյն վարժարանի Հայկական Բաժնի ընդհանուր պատասխանատուութիւնը, ծաւալելով նաեւ արտադասարանային գործունէութիւն: Ունեցած է տարատեսակ միութենական–հասարակական գործունէութիւն՝երկարամեայ թատերական վաստակ, վարչական գործունէութիւն, իսկ վերջին տարիներուն ստանձնած է ատենապետութիւնը ՀԲԸՄ Հալէպի Տեղական Մասնաճիւղին:

Դասաւանդած է Հայոց լեզու եւ գրականութիւն, ղեկավարած է առարկայական յանձնաժողովը: Դպրոցին մէջ ստեղծած է թատերախումբ, սակայն գլխաւոր ուշադրութիւնը սեւերելով «Պետրոս Ադամեան» թատերախումբին:

Յակոբ Միքայէլեան կ՛ըսէ՝ «Գաղթելով Զեյթունէն` հայրս կը կարծէր, թէ շուտով պիտի վերադառնար, այդ պատճառով ալ հայրս հիմնաւորապես չէր ուզեր ամրապնդուիլ Հալէպ, չէր ուզեր կալուածքներ ձեռք բերել: Հայի միամիտ հաւատքով կը սպասէր այն օրուան, երբ նորէն Զեյթունը մերը պիտի ըլլայ: Ապրեցաւ այդ սպասման ու հաւատքիի մէջ։ Ես ալ ներքին համոզմունք մը ունիմ, որ արդարութիւնը պիտի յաղթէ, որ օր մը, ինչպէս մեր ճանապարհին հանդիպած քիւրտը, թուրքերն ալ ներողութիւն պիտի խնդրեն, ըսելով, որ մեզ դաւաճանած են… : »

ԳրականութիւնԽմբագրել

Անուանի արձակագիր Յակոբ Միքայէլեան՝ հեղինակ է գրականութեան նուիրուած հետեւեալ հրատարակչական գործերը՝

Յակոբ Միքայէլեան կատարած է Վարդան Այգեկցիի Աղուէսագիրքին արաբերէն թարգմանութիւնը եւ հրատարակած զայն 1989-ին:

Ան հեղինակն է հետեւեալ պատմուածքներու հատորներուն՝

«Տիկնիկը» (1998),

«Քիթի Մը Օրագրէն» (2004),

«Բաց Պատուհան» (2006),

«Անաւարտ Համանուագ» (2007),

«Աշնանային Մենանուագ» (2012)

Սփիւռքահայ եւ հայրենի մամուլին հետ աշխատակցութիւններԽմբագրել

Անուանի արուեստագէտ, արձակագիր Յակոբ Միքայէլեան՝ հեղինակ է գրականութեան ու արուեստի տեսութեանը նուիրուած բազմաթիւ յօդուածներու :

Իր յօդուածները հաճախակիօրէն լոյս կը տեսնէ Հալէպի «Գանձասար» պաշտօնաթերթին եւ հայրենի ԱԶԳ ՕՐԱԹԵՐԹ մէջ ներկայացնելով զուգադիպող դէպքերու եւ կամ դէմքերու ինչպէս նաեւ դրուագներ հայ ժողովուրդի կեանքէն:

Թատերական գործունէութիւնԽմբագրել

Յակոբ Միքայէլեան Հալէպի «Պետրոս Ադամեան» թատերախումբի ատենապետը եղած է: Նկարահանուած է արաբական ֆիլմերուն մէջ, իսկ «Պետրոս Ադամեան» թատերախումբին մէջ մարմնաւորած է հարիւրէն աւելի կերպար:

«Պետրոս Ադամեան» թատերախումբԽմբագրել

  «Դժուար է ապահովել թատերախումբի կայուն գործունէութիւնը: Բոլոր դերասանները այստեղ կուգան աշխատանքէն յետոյ, երեկոյեան ժամը 9-ին մօտ: Ամէն օր կարելի չէ հաւաքուիլ, փորձեր ընել, սակայն բոլորին կը պահէ մեծ սերը: Թատերախումբը ունի իր կորիզը, սակայն կուգան նաեւ նորերը, յատկապես երիտասարդներ եւ պատանիներ: Տարեկան երկու-երեք նոր բեմադրութիւն կը ներկայացնենք, ուշադրութիւն կուտանք երեխաներուն, մէկ անգամ ալ տարուայ մէջ ընկերակցական ընդհանուր corporative երեկոյ կը կազմակերպենք… Այս տարի մեր կատարած ծախսերը դեռ չենք կարողացած հատուցել, սակայն կարեւորն այն է, որ թատրոնը կ՛ապրեցնէ մարդկանց, նպաստելով լեզուապահպանմանը:» [1]
- Յակոբ Միքայէլեան
 


  «Հայաստանցի բեմադրիչներու հետ կը համագործակցինք. մեր մօտ բեմադրութիւններ ներկայացուցած են Սամսոն Ստեփանեանը, Արտաշէս Յովհաննիսեանը, իսկ վերջին 18 տարիներուն մեր պատմութիւնը անխզելիօրէն կապուած է Նիկոլայ Ծատուրեանի անուան հետ, ով ամէն տարի կուգայ եւ բեմադրութիւններ կը ներկայացնէ այստեղ:»[1]
- Յակոբ Միքայելեան
 


  «Մենք մեր տեղացի բեմադրիչներն ալ ունինք` Գրիգոր Քելեշեան եւ Յակոբ Ճիննոզեան: Պէյրութէն մեր մօտ բեմադրութիւններ ներկայացուցած են Վաչէ եւ Լանա Ատրունիները, Ճիճի Մանուէլը: Ի դէպ, անոնք բոլորը Երեւանի գեղարուեստաթատերական հիմնարկի շրջանաւարտներ են: Իր գոյութեան յիսուն տարիներու ընթացքին մեր թատերախումբը 83 բեմադրութին ունեցած է , իսկ այս կը նշանակէ, որ մենք կը գործենք կանոնաւոր կերպով: Կ՛ուրախանամ, որ մեր հանդիսատէսները դառձած են յատկապէս երիտասարդները…» [1]
- Յակոբ Միքայելեան
 


ՊարգեւներԽմբագրել

Յակոբ Միքայէլեան արժանացած է ՀՀ Սփիւռքի Նախարարութեան «Պատուոյ Գիրի»ն:

ԱղբիւրներԽմբագրել

Հակոբ Միքայելյան. «Բոլոր հայերուն հայրենիքը մէկն է»

Արտաքին յղումներԽմբագրել

Սուրիան այն երկիրն է, ուր հայ համայնքը ամէնաշատ ազատութիւնը վայելած է Յակոբ Միքայելեան

Հալեպի իրավիճակի թիւ մէկ պատասխանատուն Թուրքիան է.Յակոբ Միքայէլեան

Հրատարակչական Հիմնադրամներ ԳԷՈՐԳ ՄԵԼԻՏԻՆԵՑԻ ԳՐԱԿԱՆ ՄՐՑԱՆԱԿ

ԾանօթագրութիւններԽմբագրել