Ներքին Քաղաք (Վիեննա)

Ներքին Քաղաք
Բնակավայր
	Ներքին Քաղաք
	գերմաներէն՝ Innere Stadt
	Զինանշան
Երկիր	Աւստրիա
	Markus Figl?
Տարածութիւն	3,01 քմ²
ԲԾՄ	192 մեթր
Բնակչութիւն	16 047 մարդ (1 Յունուար 2020)
Փոստային ցուցանիշ	1010
Պաշտօնական կայքէջ	wien.gv.at/bezirke/inner…

Ներքին քաղաքը, կամ Վիեննայի Առաջին Թաղամասը (գերմ. Innere Stadt, Erste Bezirk), Վիեննայի պատմական ամենէ հին բաժինն է: 1850-ի քաղաքի ընդարձակումէն առաջ, Վիեննա քաղաքը կը բաղկանար միայն այս մասէն:

«Առաջին թաղամասը» տեսչութեան, պաշտօնատեղի եւ զբօսաշրջիկութեան կենդրոն է, որուն պատճառով ան 110.000 աշխատաւորներով Վիեննայի ամենէ զբաղ մասն է:

Աշխարհագրութիւն

Ներքին քաղաքը կը գտնուի Վիեննայի մէջտեղը: Անոր սահմանները՝

հիւսիս-արեւելք՝ 2-րդ թաղ. Լէօբօլտշթաթ
հարաւ-արեւելք՝ 3-րդ թաղ. Լանտշթրասէ
հարաւ՝ 4-րդ թաղ. Վիտըն
արեւմուտք՝ 6-րդ Մարիահիլֆ, 7-րդ Նօիպաու, 8-րդ Յօզէֆշթաթ
հիւսիս՝ 9-րդ Ալզերկրունտ

Անոր տարածութիւնը 2,869 քմ. ք. է:^[3]

Ժողովրդագրութիւն

Բնակչութեան զարգացում

Երբ Վիեննա Աւստրօ-Հունգարական կայսրութեան մայրաքաղաքն էր, առաջին թաղամասին մէջ բնակչութիւնը հետզհետէ կը շատանար, սակայն երբ Վիեննա մէծցաւ եւ միայն Ներքին Քաղաքը Վիեննան չեղաւ, բնակչութեան թիւը սկսաւ հետզհետէ պակսիլ: 1880-ին թիւը հասեր էր 73.000, իսկ 2020-ին՝ 16.047^[4]: Այսօրուայ պատճառներէն մէկը բնակչութեան այս ցած թիւին տուներու սղութիւնն է:

Բնակչութեան տարիք

Ներքին Քաղաքի բնակչութեան տարիքի միջինը Վիեննայի ամենէ բարցրն է: 2020-ին միջինը 47,5 տարեկան էր, մինչ այդ Վիեննայի ընդհանուրը՝ 41 տարեկան:^[4]

Բնակչութեան ծագում

Առաջին թաղամասի բնակչութիւնը մեծամասնութեամբ Աւստրիացի է (10434, 65%): 17,3% (2775 ) կու գան Եւրոպական Միութեան երկիրներէն, իսկ մնացած 17,6% (2838) այլ երկիրներէ:^[4]

Քաղաքականութիւն

Պատմութիւն

1946-էն ի վեր, Ներքին Քաղաքի թաղապետը միշտ «Աւստրիոյ Ժողովրդական Կուսակցութիւնը» (ԱԺԿ; գերմ.՝ Österreichische Volkspartei, ÖVP) նշած է: 2020-ի ընտրութիւններէ ետք Մարքուս Ֆիկլ վերընտրուի առաջին թաղամասի թաղապետ:

2020-ի թաղամասերու ներկայացուցիչական ընտրութիւն

Ներքին Քաղաքի արդիւնքները՝

Աւստրիոյ Ժողովրդական Կուսակցութիւն՝ 40.5%, 17 նիստ
Աւստրիոյ Սոցիալ-Դեմոկրատական Կուսակցութիւն՝ 23%, 10 նիստ
Կանանչները՝ 17.4%, 7 նիստ
Նոր Աւստրիան եւ Ազատական Ատեան՝ 11.1%, 4 նիստ
Աւստրիոյ Ազատութիւն Կուսակցութիւն՝ 4.9%, 2 նիստ
Այլ՝ 3.2%^[5]

Մշակոյթ

Երաժշտութիւն

Վիեննա մինջեւ այսօր կը համարուի երաժշտական կեդրոն: Հրչակաւոր երաժիշտներ, ինչպես Մոցարդ, Պէթհովըն եւ Հայտըն աշխատած կամ ապրած են Վիեննայի մէջ: Ներքին քաղաքը կը գտնուին երաժշտութեան համար կարեւոր վայրեր, ինչպէս՝ Մոցարդի տունը, Մուզիքֆըրայնը (Վիեննայի Երաժշտական Միութեան սրահ), Քոնցերդհաուսը (Նուագասրահ), Ազգային Օփերան եւ «Երաժշտութեան տուն» թանգարանը:

Թանգարաններ

Ներքին քաղաքի մէջ կը գտնուին աւելի քան 60 թանգարաններ:^[6] Ալպերդինա թանգարանը Վիեննայի երկրորդ ամենէ շատ այցելուած թանգարանն է եւ ունի 65.000 գծագրութիւններ: Անոր համար ան կը համարուի աշխարհի ամենէ մեծ եւ կարեւոր գծագրութեան հաւաքածոներէն մէկը:

Այլ կարեւոր թանգարաններ՝