Ուիքիփետիա:Ամսուան Իրադարձութիւնները/12-2023
- Հայաստանի Պարի պետական անսամպլը կը թեւակոխէ իր հիմնադրութեան 65-ամեակը։ Այս յոբելեանը կը բնորոշուի Երեւանի Օփերայի համալիրէն ներս նախատեսուած փառաշուք ձեռնարկով, որ տեղի պիտի ունենայ 8 Դեկտեմբերին։
- Լիզպոնի «Գալուստ Կիւլպէնկեան» հիմնարկութեան նախաձեռնութեամբ սկիզբ առած «Զարմանազան» ծրագիրը կը շարունակուի։ 2024 թուականին «Զարմանազան» արեւմտահայերէնով ամառային ճամբարը տեղի պիտի ունենայ թէ՛ Ֆրանսայի, թէ՛ Ամերիկայի Միացեալ Նահանգներու մէջ։
- «Ակօս»ի հիմնադիր, նահատակ լրագրող Հրանդ Տինքի ոճրագործը՝ Օկիւն Սամաստ պիտի դատուի քրէական ատեանի մէջ։
- Մխիթարեան միաբանութեան հրատարակչատունը լոյս ընծայած է Ներսէս Շնորհալիի «Հաւատով խոստովանիմ» աղօթքի 50 լեզուներով թարգմանուած հատորը: