Սինանեաններ

Սինանեաններ - հայ երաժիշտներու ընտանիք Կոստանդնուպոլսոյ մէջ։ Գոյութիւն ունեցած է Սինանեաններու ընտանիքէ բաղկացած քառեակ։

Ներկայացուցիչներ

• Գրիգոր Սինանեան (1836-1914) - 16-17 տարեկանէն սկսած է ջութակ նուագել։ Երաժշտական կրթութիւնը ընթացած է ինքնակրթութեամբ։ Գեղագիտական ճիշդ դիրքորոշումը՝ ազգային ժողովրդական լաւագոյն յատկանիշներու միաւորումը եւրոպական երաժշտական արուեստի զարգացման սկզբունքներուն հետ զինք հասցուցած են իր ժամանակի առաջաւոր մասնագիտական երաժիշտի աստիճանին։ Կոստանդնուպոլսոյ մէջ առաջին եւրոպական տիպի երաժշտական դպրոցներէն մէկուն հիմնադիրն է, ուր կէս դար շարունակ երաժշտական կրթութիւն ստացած են բազմաթիւ դաշնակահարներ, լարային ու փողային գործիքներ նուագողներ։ Ան առաջին հայկական սիմֆոնիկ նուագախումբի (Սինանեան նուագախումբ) ստեղծողն է։
• Վերոնիկա Գրիգոր Սինանեան - դաշնակահար։
• Թագուհի Գրիգոր Սինանեան - դաշնակահար։
• Անտոն Գրիգոր Սինանեան - ջութակահար։
• Յովսէփ Գրիգորի Սինանեան - թաւջութակահար։
• Յարութիւն Գրիգոր Սինանեան (1872-1939)- ջութակահար, դաշնակահար, երգեհոնահար, երգահան, խմբավար, երաժշտական-հասարակական գործիչ։ Իր հօր սկզբնաւորած գործի եռանդուն շարունակողն էր։ Սինանեան նուագախումբի յաջորդ ղեկավարն ու խմբավարը։ Ան Տիգրան Չուխաճեանի աշակերտն էր ու անոր ստեղծագործական սկզբունքներու շարունակողը։ Որպէս ջութակահար հանդէս եկած է, ոչ միայն Թուրքիոյ մէջ, այլեւ Եգիպտոսի, Անգլիոյ եւ Ֆրանսայի մէջ։
• Գէորգ Անտոն Սինանեան - 29 Սեպտեմբեր 1903 - 1 Յունուար 1987Նիւ Եորք ջութակահար, սորված է հօր՝ Անտոնի եւ հօրեղբօր՝ Յարութիւնի մօտ։ 1928 թուականին առաջին մրցանակով աւարտած է Փարիզի ազգային երաժշտանոցը: Իբրեւ ջութակահար համերգներով հանդէս եկած է Ֆրանսայի,Պելճիքայի, Մերձաւոր Արեւելքի երկիրներուն մէջ, ապա հաստատւուած է ԱՄՆ-ի մէջ։ Հեղինակ է ջութակի, վիոլայի, մեծ թաւջութակի համար գրուած փիեսներու (վարժութիւններ (etudes), երաժշտական տարբերակներ (variations), քմանուագներ (fantasia) եւ այլն):

Գոյութիւն ունեցած է Սինանեաններու ընտանիքէն բաղկացած քառեակ։

Տե՛ս նաեւ

Սինանեան նուագախումբ