Սիքինոս (յուն․՝ Σίκινος ), Էգէական ծովու կղզի, Քիքլատես, Յունաստան։ Կը գտնուի Իոս եւ Ֆոլեղանտրոս կղզիներուն միջեւ։ Մաս կը կազմէ Թիրա Շրջանային Միաւորին։ Տեղացիները Սիքինիոթես կը կոչուին։ Գլխաւոր բնակավայրն է (մայրաքաղաք) Հորա* կամ Սիքինոս։ Բնակչութեան թիւն է 260։

Կղզի
Սիքինոս
Սիքինոս, Քիքլատես
Երկիր ՅունաստանԷգէական ծով, Քիքլատես,
Տարածութիւն 41,676 քմ²
ԲԾՄ 552 մեթր
Բնակչութիւն 260 մարդ, (2011) մարդ
Կը գտնուի ափին Էգէական Ծով
Ժամային գօտի UTC+2 եւ UTC+3։00
Փոստային ցուցանիշ 840 10
Պաշտօնական կայքէջ sikinos.gr
Սիքինոս, Հորա

Հորա․ յունական կղզիներու մայր գիւղին կամ քաղաքին տրուած անուն, որ կ՛ ընկերակցի տուեալ գիւղին կամ քաղաքին բուն անունին (մայրաքաղաքի իմաստ ունի)։

Աշխարհակագրական տեղեկութիւններ Խմբագրել

 
Սիքինոս․ Հորային եւ Էփիսքոփիին միջեւ

Տարածութիւնն է 41,676 քլ․², իսկ կղզիին ծովեզրն է 40 քլ․։ Սիքինոսին շուրջը կը գտնուին հետեւեալ կղզիները․ հիւսիս-արեւմուտք՝ Ավոլիատա, Այիոս Եորղոս եւ Քարտիոթիսա, իսկ հարաւ-արեւմուտք՝ Քալողերոս, որ իր կարգին շրջախատուած է փոքր ժայռակղզեակներով։ Բոլորը միասին կը կազմեն Սիքինոս քաղաքապետութիւնը, 42,507 քլ․² տարածութեամբ, իսկ բնակչութեան ընդհանուր թիւը 273 է։ Գլխաւոր լեռներն են՝ Թրուլոս 553 մ․, Այիոս Մամաս 549 մ․, Այիա Մարինա 450 մ․ եւ Ֆրուտի թու Մոնասթիրիու 350 մ․՝ ուր կը գտնուի նաեւ Հրիսոփիղի վանքը։ Կղզիին հարաւ-արեւելեան կողմը կը գտնուի Ալոփրոնիա ծոցը եւ նաւահանգիստը։

 
Էփիսքոփի եկեղեցին․ կողքին բիւզանդական շրջանէն՝ Այիա Անաս եկեղեցին

Տեղական արտադրութիւն Խմբագրել

Բնակիչները հողագործ, հովիւ, ձկնորս, մեղրագործ եւ պանրագործ են։ Կղզին կը յատկանշեն յատկապէս վարունգի եւ լուբիայի «ամպելոֆասուլօ» տեսակին արտադրութիւնները։ Արտադրուած ձէթը, քացախը եւ գինին կը գոհացնեն տեղական կարիքները։

Առասպել Խմբագրել

Ըստ յունական առասպելին, կղզին անունը առած է Լիմնոսի Թոանտաս թագաւորին տղուն՝ Սիքինոս, անունը։ Ըստ Փլինիոս եւ Ստեփան Բիւզանդացի պատմաբաններուն կղզիին հին անունը «Ինոի» Οινόη եղած է («ինոս»՝ οίνος=գինի)։

Պատկերասրահ Խմբագրել


[1] [2] [3] [4] [5] [6] [7][8]

Ծանօթագրութիւններ Խմբագրել