Տիգրան Մարտիրոսեան
Տիգրան Գէորգ Մարտիրոսեան (9 Յունիս 1988, Կիւմրի), Հայ ծանրամարտիկ։ Հայաստանի սպորտի (այսինքն՝ մարզանք - անգլ.՝ sport) վաստակաւոր վարպետ (2009)։ Հայաստանի բազմակի, Եւրոպայի եռակի[1], աշխարհի երիտասարդական եւ տարեցներու առաջնութիւններու ախոյեան (անգլ՝ champion), ողիմպիական խաղերու պրոնզէ մետալակիր։
| Տիգրան Մարտիրոսեան | |
|---|---|
| Ծնած է | 3 Մարտ 1983 (41 տարեկան) |
| Ծննդավայր | Լենինական, Հայաստանի Խորհրդային Ընկերվարական Հանրապետութիւն, Խորհրդային Միութիւն |
| Քաղաքացիութիւն |
 Հայաստան |
| Մասնագիտութիւն | ծանրամարտիկ |
Կենսագրութիւն
ԽմբագրելՏիգրան Գէորգ Մարտիրոսեան ծնած է Գիւմրի 9 Յունիս 1988-ին։ Հայրը ծանրամարտիկ Գէորգ Մարտիրոսեանն է, մայրը՝ Սեդա Եախանեճեան։ Հայրը ծագումով Կարսէն է, մայրը՝ Սեբաստիայէն։ Ունի մէկ աւագ եւ մէկ կրտսեր եղբայր, նաեւ աւագ քոյր, որ մեռած է 9 տարեկանին։ Աղջկայ մահէն մէկ տարի ետք քրոջ ծննդեան օրը նոյն ժամուն ծնած է Տիգրանը (1988, Յունիս 9, ժամը 8։20)[2]։
Տիգրանին հայրը իր երկու առաջնիկներուն համար մէկական խնձորենի տնկած էր։ Աղջկայ անժամանակ մահէն ետք անոր անունով կոչուած ծառը չորցած էր։ Սակայն մէկ տարի ետք, երբ Տիգրան ծնած է, ծառը կարծես հրաշքով ծաղկած է[2]։
Տիգրանի մեծ եղբայրը՝ Հայկը, դարձած է արհեստավարժ ծանրամարտիկ, սակայն հօր մահէն ետք ընտանեկան խնդիրներու պատճառով ձգած է մարզանքը։ Տիգրան ծանրամարտով սկսած է զբաղիլ 11 տարեկանէն։ 13 տարեկանին ան արդէն Հայաստանի ծանրամարտի ախոյեան էր[2]։