Արաբական Ծով

Արաբական ծով (արաբերէն՝ بحر العرب‎), Հնդկական Ովկիանոսի հիւսիսային մասին մէջ գտնուող ծով։ Արեւմուտքի մէջ կը սահմանակցի Արաբական թերակղզիին, իսկ արեւելքէն՝ Հնդկաստան թերակղզիին։

Արաբական Ծով արաբերէն՝ بحر العرب‎ պարս․՝ دریای عرب ուրտու՝ بحیرہ عرب հինտի՝ अरब सागर անգլերէն՝ Arabian Sea
{{{Նկարագրութիւն}}}
դասաւորում	16°N 64°E / 16; 64
Երկիր	Սոմալիա Ճիպութի Եմեն Օման Իրան Փաքիստան Հնդկաստան Մալտիւներ
Տեղագրութիւն	Հնդկական Ովկիանոս
Ընդհանուր մակերեսը	3.832 հազար քմ²
Ամենամեծ խորութիւնը	4.652 մ
Թափուող գետերը	Ինտոս
'

Ընդհանուր մակերեսը՝ 3.832 հազար քմ² է։ Առաւելագոյն լայնութիւնը՝ 2.400 քմ.։ Առաւելագոյն խորութիւնը՝ 4.652 մ.։ Թափող նշանաւոր գետը՝ Ինտոսն է։ Նշանաւոր ծոցերն են՝ Ատէնի ծոցը արեւմուտքի մէջ, որ Կարմիր ծովուն կը միանայ Պապ էլ-Մանտեպի նեղուցով, եւ Օմանի ծոցը՝ հիւսիս-արեւմուտքի մէջ։

Արաբական ծովու ափերուն կը գտնուին՝ Սոմալին, Ճիպութին, Եմէնը, Օմանը, Իրանը, Փաքիստանը, Հնդկաստանը եւ Մալտիւեան կղզիները։ Նշանաւոր քաղաքներն են՝ Քարաչին, Ատէնը, Մասքաթը, Մումպայը եւ այլն։

Սահմաններու Նկարագրութիւնը

Միջազգային ջրագրական կազմակերպութիւնը հաստատած է Արաբական ծովու սահմաններու հետեւեալ նկարագրութիւնը:

Արեւմուտքէն՝ Ատէնի ծոցի արեւելեան սահմանը։ Հիւսիսէն՝ Արաբական թերակղզիի արեւելեան կէտէն ՝ Ռաս ալ-Հատէն մինչեւ Ռաս Ճիւանի՝ Փաքիստանի ափերուն։ Հարաւէն՝ Ատտուի քորալեան կղզիէն (Մալտիւեան կղզիներ) մինչեւ Ափրիկէի արեւելեան հրուանդանը՝ Ռաս Հաֆունը։ Արեւելքէն՝ Լաքատիւի ծովու արեւմտեան սահմանը։

Անուանումը

Արաբական ծովը եւրոպացի եւ արաբ ծովագնացներուն յայտնի եղած է տարբեր անուանումներով՝ Էրիթրէայի ծով, Կանաչ ծով, Հնդկական ծով, Պարսկական ծով, Օսմանեան ծով։

Պատկերասրահ

• 
• 
• 
• 

Մեդիա ֆայլեր

Ուիքիպահեստ նախագիծի Արաբական Ծով ստորոգութեան մէջ կրնաք գտնել յաւելեալ պատկերազարդում այս նիւթի վերաբերեալ։