Արա Գալայճեան
Արա Գալայճեան (28 Ապրիլ 1938, Երուսաղէմ, Միացեալ Թագաւորութիւն - 26 Փետրուար 2012, Ուոլթեմ, Միտըլսէքս Գաւառ, Մասսաչուսէթս, Ամերիկայի Միացեալ Նահանգներ[1]), հայ խմբագիր, գրող։
| Արա Գալայճեան | |
|---|---|
| Ծնած է | 28 Ապրիլ 1938 |
| Ծննդավայր | Երուսաղէմ, Միացեալ Թագաւորութիւն |
| Մահացած է | 26 Փետրուար 2012 (73 տարեկանին) |
| Մահուան վայր | Ուոլթեմ, Միտըլսէքս Գաւառ, Մասսաչուսէթս, Ամերիկայի Միացեալ Նահանգներ |
| Մասնագիտութիւն | Խմբագիր, գրագէտ |
Կեանք եւ գործունէութիւն
ԽմբագրելԾնած է Երուսաղէմ։ Զբաղած է ուսուցչութեամբ։ Եղած է Եղիշէ պատրիարք Տէրտէրեանի անձնական քարտուղարը, ինչպէս նաեւ պատրիարքարանի պաշտօնաթերթ «Սիոն»ի գլխաւոր խմբագիրը:
Յօդուածներ տպագրած է հայկական տարբեր թերթերու մէջ: 1967-ին կազմած եւ հրատարակած է «Մշոյ Վանքի Ձեռագրերը» եզակի աշխատութիւնը, ինչպէս նաեւ Պետրոս Դուրեանի երկու՝ «Տաղք» (բանաստեղծութիւններու) ու «Նամականի» (նամակներու) հատորները եւ Արփիար Արփիարեանի ամբողջական գործերու առաջին հատորը:
Միացեալ Նահանգներ տեղափոխուած է իր կնոջ հետ եւ հաստատուած է Պոսթըն, ուր ստանձնած է «Պայքար» շաբաթաթերթի, հետագային՝ 1987-1997 «Արմինիըն Միրըր-Սփեքթէյթըր» շաբաթաթերթի գլխաւոր խմբագիրի պաշտօնները:
Ժամանակ մը հայերէն դասաւանդած է նաեւ Մասաչուսեցի համալսարանին մէջ: 2000-ին լոյս տեսած է անոր «Օրը օրին» յօդուածներու եւ խորհրդածութիւններու ժողովածուն[2]:
Ծանօթագրութիւններ
Խմբագրել- ↑ «Ara Kalaydjian (1938-2012) - Find a Grave...»։ www.findagrave.com (անգլերէն)։ արտագրուած է՝ 2023-08-21
- ↑ «Ոչ Եւս է «Միրըր Սփեքթէյթըր»ի Նախկին Խմբագիր Արա Գալայճեան»։ Asbarez - Armenian (en-US)։ 2012-03-01։ արտագրուած է՝ 2023-08-21