Արշակ Վռամեան
Արշակ Վռամեան (բուն անունով՝ Օննիկ Դերձակեան, 1871[1], Կոստանդնուպոլիս, Օսմանեան Կայսրութիւն - 17 Ապրիլ 1915), հայ ազգային-ազատագրական շարժումի գործիչ, Հայ Յեղափոխական Դաշնակցութեան անդամ։
| Արշակ Վռամեան | |
|---|---|
 | |
| Ծննդեան անուն | Օննիկ Դերձակեան |
| Նաեւ յայտնի է իբրեւ | Արշակ Վռամեան |
| Ծնած է | 1871[1] |
| Ծննդավայր | Կոստանդնուպոլիս, Օսմանեան Կայսրութիւն |
| Մահացած է | 17 Ապրիլ 1915 |
| Քաղաքացիութիւն |
.svg){kind=small} Օսմանեան Կայսրութիւն |
| Մասնագիտութիւն | Յեղափոխական, քաղաքական գործիչ |
| Աշխատավայր |
Դրօշակ Հայրենիք |
| Վարած պաշտօններ | գլխաւոր խմբագիր[2] եւ Օսմանեան կայսրութեան պատգամաւորներու պալատի անդամ. |
| Կուսակցութիւն | Հայ Յեղափոխական Դաշնակցութիւն |
Կենսագրութիւն
ԽմբագրելՆախնական կրթութիւնը ստացած է Պոլսոյ Սուրէնեան վարժարանին մէջ, ապա 1889-ին Լեւոն Շանթին հետ մեկնած է Էջմիածին, ուր աւարտած է Գէորգեան Ճեմարանը։ Պոլիս վերադարձին, ռուսական նամակատան մը մէջ նպաստած է շոգենաւերու ուժանակի փոխադրութեան գործին։ Օկիմտա ծածկանունով աշխատակցած է Յովհաննէս Շահնազարի հրատարակած «Հայրենիք»-ին։
10 Օգոստոս 1896-ին մասնակցած է Պանք Օթոմանի գրաւման աշխատանքներուն։ Հետապնդման ենթարկուած է եւ, ամիս մը ռուսական հիւպատոսարանին մէջ պահուըտելէ ետք, ապահոված է պուլկարական անցագիր մը եւ անցած՝ Ֆիլիպէ, ուր զբաղած է հրապարակագրութեամբ։ 1898-ին մեկնած է Ժընեւ, ուր ստանձնած է Հ. Յ. Դաշնակցութեան Արեւմտեան Բիւրոյի գործավարութիւնը եւ միաժամանակ աշխատակցած՝ «Դրօշակ»-ին։ Անցնելով Ամերիկա, գործօն կերպով մասնակցած է շրջանին մէջ Դաշնակցութեան կազմակերպական կառոյցի ստեղծման աշխատանքներուն, խմբագրելով Պոսթըն-ի «Հայրենիք»-ը։
1907-ին վերադարձած է Կովկաս եւ Սահմանադրութեան հռչակման ատեն, հանրային գործերու պատասխանատուութեամբ կ՛երթայ Վան ու ապա կը վերադառնայ Պոլիս, աշխատակցելով «Ազատամարտ»-ին։ 1908-ին, երիտթուրքերու յեղաշրջումէն ետք, ընտրուած է Օսմանեան Խորհրդարանի երեսփոխան։ 4 Ապրիլ 1915-ին զոհ գացած է դաւադրութեան մը Վանի մէջ։
Ծանօթագրութիւններ
ԽմբագրելԱղբիւրներ
Խմբագրել- Թէոդիկ, Յուշարձան ապրիլ տասնմէկ, Կ․ Պոլիս, 1919, «Արզուման» հրատարակչատուն Archived 2020-07-04 at the Wayback Machine.