Արսէն Սայեան
Արսէն Սայեան (10 Յունուար 1928, Հալէպ, Սուրիա - 5 Հոկտեմբեր 2018, Վերճինիա, Ամերիկայի Միացեալ Նահանգներ[1]), հայ երաժիշտ եւ խմբավար։
| Արսէն Սայեան | |
|---|---|
| Ծնած է | 10 Յունուար 1928 |
| Ծննդավայր | Հալէպ, Սուրիա |
| Մահացած է | 5 Հոկտեմբեր 2018 (90 տարեկանին) |
| Մահուան վայր | Վերճինիա, Ամերիկայի Միացեալ Նահանգներ |
| Մասնագիտութիւն | երաժիշտ, խմբավար |
Կենսագրական գիծեր
ԽմբագրելԾնած է Հալէպ։ Ուսումը ստանալէ ետք Հալէպի Մխիթարեան վարժարանին մէջ Սայեան շարունակած է մասնագիտանալ Մեծի Տանն Կիլիկիոյ Անթիլիասի կաթողիկոսարանին մէջ:
1949-ին շրջանաւարտ` ան վերադարձած է Հալէպ եւ որպէս ուսուցիչ պաշտօնավարած` Կիւլպէնկեան, Հայկազեան, Զաւարեան ազգային վարժարաններուն եւ Քարէն Եփփէ ճեմարանին մէջ` դասաւանդելով հայոց լեզու, պատմութիւն եւ երաժշտութիւն:
Երջանկայիշատակ Զարեհ Ա. կաթողիկոսի` Բերիոյ թեմի առաջնորդութեան շրջանին, ան ստանձնած է առաջնորդանիստ մայր եկեղեցւոյ արական երգչախումբի դպրապետութիւնը: Համերգային գործունէութիւնը ծաւալելով` 1950-ին ան կազմած է «Շողական» երգչախումբը, որ ղեկավարած է մինչեւ 1957 թուական:
Միացեալ Նահանգներ հաստատուելէն ետք մայեսթրօ Սայեանը գործած է յատկապէս Ֆիլատելֆիոյ մէջ` «Քնար» երգչախումբը կազմելով:
Ան գործած է նաեւ Նիւ Եորքի, Նիւ Ճըրզիի, Ուաշինկթընի մէջ:
Սայեան՝ 1969-1995, «Ամերիկայի Ձայն»-ի հայկական բաժանմունքի խմբագիրը եղած է:
Սայեան հետեւողական յօդուածներ յղած է «Հայրենիք»-ին` նիւթ ունենալով հայ դասական եւ կրօնական երաժշտութիւնը[2]:
Պարգեւներ
Խմբագրել1980-ին ստացած է «Մեսրոպ Մաշտոց» շքանշանը` Մեծի Տանն Կիլիկիոյ Խորէն Ա. կաթողիկոսի ձեռամբ:
Ծանօթագրութիւններ
Խմբագրել- ↑ «Passing of Maestro Arsen Sayan»։ St Mary Church (անգլերէն)։ արտագրուած է՝ 2023-06-14
- ↑ «Ոչ Եւս Է Մայեսթրօ Արսէն Սայեանը – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2023-06-14