Բացել գլխավոր ցանկը

Գէորգ Աճեմեան (23 Մայիս 1932(1932-05-23), Մանբիջ, Հալեպի մարզ27 Դեկտեմբեր 1998(1998-12-27), Լիոն), հայ գրող, հրապարակախօս եւ Հայաստանի Ազատագրութեան Հայ Գաղտնի Բանակի հիմնադիրներէն մին։

Գէորգ Աճեմեան
Kevork Ajemian's photo.jpg
Ծնած է 23 Մայիս 1932(1932-05-23)
Ծննդավայր Մանբիջ, Հալեպի մարզ, Սուրիա
Վախճանած է 27 Դեկտեմբեր 1998(1998-12-27) (66 տարեկանում)
Վախճանի վայրը Լիոն
Քաղաքացիութիւն Flag of Armenia.svg Հայաստան[1]
Ազգութիւն հայ
Մասնագիտութիւն լրագրող, գրագէտ

ԿենսագրութիւնԽմբագրել

Ծնած է Սուրիա, Եղեռնէն մազապուրծ եղած սասունցիներու ընտանիքի մը մէջ։ Նախակրթութիւնը ստանալէ ետք Հալէպի Հայկազեան եւ Կիւլպէնկեան վարժարաններուն մէջ, միջնակարգ եւ երկրորդական ուսման հետեւած է Հալէպի ամերիկեան «Ալեփփօ Գոլէճ»ի մէջ։ Մասնագիտական պատրաստութիւնը ստացած է Պէյրութի Ամերիկեան համալսարանին մէջ, 1958-ին վկայուելով իբրեւեւ պսակաւոր արուեստից։

Գրական վաստակԽմբագրել

Աշխատակցած է Միջին Արեւելքի առօրեայ թէ պարբերական մամուլին, ու Սիմոն Սիմոնեանէն ետք խմբագիր եղած է «Սփիւռք» շաբաթաթերթին։ Ան գրական իր արձակին, գրադատական թէ քննական տեսութիւններու, ինչպէս նաեւ հրապարակագրային բնոյթ ունեցող յօդուածներու մէջ անկախ դատումի եւ աննախապաշար արժեւորումի տրամադիր գրչի մարդն եղած է։

1956-1983-ին անջատ հատորներով հրատարակուած են իր պատմուածքներն ու վէպերը՝ «Անկարելի պատմութիւն»՝ 1956, «Օրերէն ետք»՝ 1958, «Անորոշութեամբ եւ մասամբ նորին»՝ 1959, «Անապահովութեան փողոցներ»՝ 1964, «Պիտի չարչարեմ բառերը»՝ 1967, «Ակամայ ծաղրածուն եւ այլ դերասաններ»՝ 1968, «Յաւերժական ճանապարհ»՝ 1975, «Ապագայի հետքերով»՝ 1982, «Յարդագողի ժառանգորդները»՝ 1983։ Քննադատական եւ գրական-վերլուծական իր տեսութիւնները երկու հատորներով հրատարակուած են 1962-ին եւ 1980-ին՝ «Տեսական-քննադատական փորձեր» անունին տակ։ Հրատարակած է հրապարակագրական երեք հատորներ՝ «Միակ լուծումը» (1972), «Քաղաքական իրապաշտութի՞ւն, թէ անձնատուութեան պատրաստութիւն» (1992), «Պիտի յիշե՞նք երբեւէ Արեւմտեան Հայաստանը» (1998)։ Լոյս ընծայած է նաեւ չորս հատոր անգլերէնով՝ "Symphony in Discord" (1962), "The Fallacy of Modern Politics" (1966), "A Time of Terror" (1997), "Ruling over the Ruins" (1998)։

Սփիւռքահայ գրականութեան նշանաւոր դեմքերէն է։

ԳրականութիւնԽմբագրել

  • «Պիտի Յիշենք Երբեւիցէ Արեւմտեան Հայաստանը», Պէյրութ, 1998
  • Rulling over the Ruins, USA, 1999
  • A Time for Terror, USA, 2000

ԱղբիւրներԽմբագրել

  • Դար Մը Գրականութիւն, Մինաս Թէօլէօլեան, Բ. հատոր, Ամերիկայի Միացեալ Նահանգներ 1977, էջ 487-488:

ԾանօթագրութիւններԽմբագրել

  1. Record #15566337k // Ֆրանսիայի ազգային գրադարանի ընդհանուր քարտագրացուցակ

Արտաքին յղումներԽմբագրել