Եղիա Արշակունի
Եղիա Արշակունի (1897, Սիսիան, Հայաստան), հայ բժիշկ։
 | |
|---|---|
| Ծնած է | 1897 |
| Ծննդավայր | Սիսիան, Հայաստան |
| Մահուան պատճառ | Հայոց ցեղասպանութիւն |
| Կրթութիւն | Պէյրութի Ամերիկեան Համալսարան |
| Մասնագիտութիւն | բժիշկ |
Կենսագրութիւն
ԽմբագրելԵղիա Արշակունի ծնած է 1897-ին, Ատանայի Գոզանի գաւառի՝ Սիս քաղաքին մէջ։ 1912-ին աւարտած է նախակրթարան։ 1912-1915 թուականներուն ուսանած է ամերիկացի միսիոնարներու Տարսոնի Սէն Փօլ Քոլէճին մէջ։ 1915-ին՝ ուսումը կիսատ ձգելով, ծնողներուն հետ աքսորուած է Սուրիա` Հալէպ, ապա Հոմս, ուր հօր հետ զբաղած է զանազան առեւտրական գործերով։ Քաղաքին բրիտանական գրաւումէն ետք ծառայած է բրիտանական բանակին որպէս թարգմանիչ։ Այդ ընթացքին մեծ դեր կատարած է հայ կանանց եւ որբերուն հաւաքելու դժուարին գործին մէջ։ Որոշ ատեն մը եղած է Հոմսի որբանոցի ուսուցիչ, ապա` տնօրէնը։ 1919-ին մեկնած է Կիլիկիա եւ Տարսոնի Քոլէճի մէջ շարունակած իր ուսումնառութիւնը։ 1921-ին, աւարտելով ուսումը, մեկնած է Պէյրութ։ 1921 - 1924 թուականներուն ուսանած է Պէյրութի Ամերիկեան համալսարանի ատամնաբուժական բաժանմունքին մէջ։ Ուսման տարիներուն գործուն մասնակցութիւն ունեցած է Հայ ուսանողական միութեան աշխատանքներուն։ 1924 - 1925 թուականներուն աշխատած է Կիպրոսի Լառնաքա քաղաքին մէջ։ 1926-ին մեկնած է Յունաստան եւ շարունակած է ատամնաբուժութիւնը։ Շուտով բարեխիղճ եւ հմուտ ատամնաբոյժի համբաւ ձեռք բերած է։ Քոքինիոյ մէջ մասնակցած է ազգային եւ հասարակական կեանքին։ Գործուն աջակցութիւն ցուցաբերած է Միսաք Քէլէշեանին՝ «Սիս-Մատեան» գիրքը կազմելու եւ հրատարակելու հարցով։
Գրականութիւն
ԽմբագրելԱղբիւրներ
Խմբագրել- Յարութիւն Մինասեան, Օսմանեան կայսրութիւնում Թուրքիայի Հանրապետութիւնում բռնաճնշումների եւ ցեղասպանութեան ենթարկուած հայ բժիշկներ, Երեւան, «Լուսաբաց», 2014 — 520 էջ։