Երուանդ Խաթանասեան
Երուանդ Խաթանասեան (1893 - 1980, Պոսթըն, Ամերիկայի Միացեալ Նահանգներ), հայ խմբագիր, դասախօս եւ յօդուածագիր։ Դաշնակցական ծանօթ ֆետայի Աբրոյի քրոջ որդին։ «Հայրենիք»-ի խմբագրութիւնը վարած է 1963-1968 թուականներուն։
| Երուանդ Խաթանասեան | |
|---|---|
| Ծնած է | 1893 |
| Մահացած է | 1980 |
| Մահուան վայր | Պոսթըն, Ամերիկայի Միացեալ Նահանգներ |
Կեանք եւ գործունէութիւն
ԽմբագրելԾնած է 1893-ին Թամզարա: Միջնակարգ ուսումը առած է Պոլսոյ Րոպըրթս Քոլէճին մէջ, ապա գացած Պէյրութ՝ բժշկութիւն ուսանելու համար: Կիսատ թողելով դասընթացքները, 1915-ին միացած է Անդրանիկի բանակին[1]: Հայաստանի անկախացումէն ետք վերադձած է Պէյրութ ու բարձր նիշերով աւարտած է բժշկական դասընթացքները, որմէ ետք մեկնած է Սուտան: Երկրորդ Աշխարհամարտին սկզբը ընտանիքով հաստատուած է Գահիրէ:
1914-ին, դեռ 22 տարեկան ուսանող, մասնակցած է Կարինի ՀՅԴ 8-րդ Ընդհանուր Ժողովին, իբրեւ ներկայացուցիչ Զաւարեան Ուսանողական Միութեան:
Հայաստանի խորհրդայնացումէն ետք, Ռուբէն Տէր Մինասեանի կարգադրութեամբ, յարաբերութիւններ հաստատած է քրտական շարժումի ղեկավարութեան հետ:
Եգիպտոսի մէջ նուիրուած է կուսակցական կեանքին, ընտրուած է ՀՅԴ Բիւրոյի անդամ ու ծառայած է այդ մարմնին վրայ մինչեւ 1960ական թուականները:
Խաթանասեանի գործունէութեան վերջին շրջանը անցած է Ամերիկայի Միացեալ Նահանգներուն մէջ:
Զանազան շրջաններու մէջ տուած է դասախօսութիւններ[2] եւ ստորագրած է յօդուածներ:
Ծանօթագրութիւններ
Խմբագրել- ↑ «Հարիւր Ականաւոր Դէմքերու Յուշ-Պատգամներ` Հայաստանի Հանրապետութեան Հիմնադրութեան Հարիւրամեակին»։ Aztag Daily - Ազդակ Օրաթերթ (Armenian Daily Newspaper based in Lebanon) (en-US)։ 2018-06-08։ արտագրուած է՝ 2022-02-18
- ↑ «Ռէյ Թրէվիս եւ հայկական իր ժառանգութիւնը»։ Hetq.am (հայերեն)։ արտագրուած է՝ 2022-02-18
- ↑ «Խմբագիրներ»։ Hairenik Weekly Newspaper (en-US)։ 2009-02-03։ արտագրուած է՝ 2022-02-18