Ծիծեռնակ (ամսագիր)

«Ծիծեռնակ», խորհրդային շրջանի հայկական պատկերազարդ մանկական ամսագիր նախադպրոցական եւ դպրոցական կրտսեր տարիքի երեխաներու համար։ Հանդիսացած է ՀԼԿԵՄ Կենտկոմի եւ Համամիութենական պիոներական կազմակերպութեան հանրապետական խորհուրդի հրատարակութիւն։ Առաջին անգամ լոյս տեսած է 1978 թուականին, Երեւանի մէջ (1965-1977 թուականներուն Պիոներ ամսագրի ամէնամսեայ յաւելուածն էր։ Խմբագիրներ՝ Մ. Յարութիւնեան, Ա. Սահինեան, Ժ. Մադոյեան (1978 թուականից), Էտուարտ Միլիտոնեան 1982-1992, Անուշ Վարդանեան 1992։

Հանդէսի նպատակը եղած է երեխաներուն դաստիարակել խորհրդային գաղափարախօսութեան, ընկերասիրութեան ոգիով, սէր արթնցնել ուսման, մայրենի լեզուի, աշխատանքի, արհեստներու, արուեստի ու գրականութեան, մարզանքի նկատմամբ։ Տպագրած է չափածոյ եւ արձակ թարգմանական գործեր։ Մանուկներու համար գրած ստեղծագործութիւններով թղթակցած են հայ խորհրդային գրողները։

«Ծիծեռնակ» ամսագիրը համարուած է խորհրդային Հայաստանի առաջին մանկական պատկերազարդ ամսագիրը, որ հրատարակուած է 1929 թ Երեւանի մէջ սկզբնական «Հոկտեմբերիկ» անուանումով։

Ամսագրին մէջ կը տպագրուէին Թումանեանի, Աղայեանի, Չարենցի, Խնկոյեանի եւ բազմաթիւ այլ անուանի բանաստեղծներու ու գրողներու գործերը։

Երկրորդ համաշխարհային պատերազմի տարիներուն ամսագրի աշխատանքը ընդհատուեցաւ։ Խմբագրութեան ողջ անձնակազմը մեկնեց ռազմաճակատ։ Հինգ տարի ետք այն վերահրատարակուեցաւ, իսկ 1965 թուականին վերանուանուեցաւ «Ծիծեռնակ»։ «Ծիծեռնակի» առաջին խմբագիրը եղած է Ժենիա Մադոյեանը։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։