Կեանք Եւ Գիր

Կեանք Եւ Գիր, եգիպտահայկական գրական-գեղարուեստական ամսագիր։ Լոյս տեսած է 1944-1950-ին, Գահիրէի մէջ։ Խմբագիր՝ Դ. Շահլամեան։ Նպատակ ունեցած է համախմբել սփիւռքահայ (յատկապէս եգիպտահայ) գրողներուն ու գրասէր երիտասարդութիւնը։

Մեծ տեղ յատկացուցած է Խորհրդային Հայաստանի մշակոյթի, գիտութեան եւ արդիւնաբերութեան մասին նիւթերուն։ Տպագրած է Աւետիք Իսահակեանի, Դերենիկ Դեմիրճեանի, Ստեփան Զօրեանի, Նայիրի Զարեանի, Գուրգէն Մահարիի, Դ. Մարեանի, Շիրազի, Սիլվա Կապուտիկեանի եւ ուրիշներու ստեղծագործութիւնները։

Արձագանգած է արաբական եւ համաշխարհային գրականութեան։ Աշխատակցած են Վահան Թէքէեանը, Ա. Տատրեանը, Ե. Պարսամեանը, Հ. Ժամկոչեանը, Օ. Աւետիսեանը եւ այլք։ Յաջորդած է «Զարթօնք» գրական-գեղարուեստական ժողովածուին (1939-1940)։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։