Համասեբաստահայ Վերաշինաց Միութիւն, Սեբաստիոյ հայերի հայրենակցական միութիւն։ Հիմնուած է 1936-ին, Նիւ Եորքի մջ (ԱՄՆ)՝ Համասեբաստացիական շինարար միութիւն անուամբ, 1950-էն՝ Համասեբաստահայ Վերաշինաց Միութիւն։ Նպատակն էր զարկ տալ սեբաստացիներու խնդրանքով Հայաստանի մէջ հիմնադրուած Նոր Սեբաստիա աւանի շինարարութեան եւ օժանդակել ներգաղթին։ Երկրորդ համաշխարհային պատերազմի ժամանակ միութիւնը մասնակցած է խորհրդային բանակի օգնութեան ֆոնտի հանգանակութեան, պատերազմէն յետոյ զգալի միջոցներ տրամադրած ներգաղթի կազմակերպման։ Սերտ կապերու մէջ է Նոր Սեբաստիոյ հետ։ 1960-70-ական թթ. Հայաստանի տարբեր հիմնարկներու նուիրած է բազմատեսակ սարքաւորումներ, Նոր Սեբաստիոյ մէջ նախաձեռնած է 1915-ին նահատակուած սեբաստացիներու յուշաղբիւրի կառուցումը (բացուած է 1970-ին)։ Համասեբաստահայ Վերաշինաց Միութիւնը մասնաճիւղեր ունի ԱՄՆ-ի, Ֆրանսայի շարք մը քաղաքներու մէջ, Մերձաւոր Արեւելքի երկիրներուն մէջ։ Միութիւնը հրատարակած է «Նոր Սեբաստիա» պաշտօնաթերթը։ 1974-ին լոյս տեսած է «Պատմագիրք յուշամատեան Սեբաստիոյ եւ գաւառի հայութեան» պատմաազգագրական գիրքի 1-ին հատորը (հեղինակ՝ Առաքել Պատրիկ)։
Այս յօդուածի նախնական տարբերակը կամ անկէ մասը վերցուած է Հայկական համառօտ հանրագիտարանէն, որու նիւթերը թողարկուած են` Քրիեյթիւ Քոմմընզ Նշում–Համանման տարածում 3.0 (Creative Commons BY-SA 3.0) թոյլատրագրի մէջ։ 
|
| Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։
|
Ամերիկայի Միացեալ Նահանգներ