Հայաստանի Պետական Ակադեմական Երգչախումբ
Հայաստանի պետական ակադեմական երգչախումբ, հիմնադրուած է 1937 թուականին։ 1961 թուականէն սկսեալ երգչախումբի գեղարուեստական ղեկավարն է Յովհաննէս Չեքիճեան։
Պատմութիւն
ԽմբագրելՀայաստանի պետական ակադեմական երգչախումբը կը գործէ Հայաստանի բոլոր շրջաններուն մէջ, Հայաստանէն դուրս ելոյթ ունեցած է 18 քաղաքներու մէջ 820 համերգով։ Նիւ Եորքի, Լոնտոնի, Փարիզի, Փրահայի, Պէյրութի մէջ եւ այլուր երգչախումբը 27 լեզուներով ներկայացուցած է հայ եւ միջազգային դասական երաժիշտներու ստեղծագործութիւններ[1]։
1969 թուականէն երգչագումբը ստացած է ակադեմական կոչում, 1975 թուականին յայտարարուած է, որպէս հանրապետութեան վաստակաւոր երգչախումբ, 2012 թուականին ստացած է «ազգային» կարգավիճակ[2]։
Երգչախումբը ձայնագրած է Եկմալեանի եւ Կոմիտասի պատարագներու սկաւառակները։
Մրցանակներ
Խմբագրել* Հայաստանի պետական երգչախումբի եւ Ռուսիոյ սիմֆոնիկ նուագախումբերու համատեղ գործունէութեան ձայնագրութիւններէն մէկը Փարիզի մէջ արժանացած է Կրան Բրիի։
- 1980 թուականին Մոսկուայի երաժշտանոցի մեծ դահլիճին մէջ՝ ողիմպիական խաղերու մշակութային ձեռնարկներու ծիրէն ներս, Խորհրդային Միութեան բոլոր անուանի խումբերու մրցոյթներուն արդիւքին համաձայն ՝ Հայաստանի պետական երգչախումբի կատարողութեամբ Պեթհովէնի 9-րդ սիմֆոնին նկատուած է լաւագոյնը, եւ խմբավար Յովհաննէս Չեքիճեանը արժանացած է «Ժողովուրդներու Բարեկամութիւն» շքանշանին:
- ԽՍՀՄ պետական մրցանակ
- ՀԽՍՀ պետական մրցանակ
- «Մեսրոպ Մաշտոց» մետալ
- «Մովսէս Խորենացի» մետալ
- Մխիթարեան միաբանութեան ոսկեմետալ
- ՀՀ մշակոյթի նախարարութեան ոսկեմետալ
- Ֆրիտիոֆ Նանսէն շքանշան
- ՀՀ կրթութեան եւ գիտութեան նախարարութեան ոսկեմետալ
- ՀՀ սփիւչքի նախարարութեան « Կոմիտաս» մետալ