Ղեւոնդ Ա. Քհնյ. Ագթաւոգեան

Ա. Քհնյ. Ագթաւոգեան, աւազանի անունով՝ Սարգիս, որդի Աւետիսի եւ Ֆլորայի, ծնեալ Հալէպ 1925-ին, բնիկ պուրսացի, ապրած է նիւթական շատ համեստ պայմաններու մէջ։ Ունեցած է երէց քոյր մը՝ Նազելի անունով։

Ղեւոնդ Ա. Քհնյ. Ագթաւոգեան
Ծնած է 1925
Ծննդավայր Հալէպ, Սուրիա
Ազգութիւն հայ
Ծնողներ Աւետիս եւ Ֆլորայ

Փոքրիկն Սարգիս նախ յաճախած է հիւղաւանի եդեսացւոյց երկսեռ վարժարանի մանկապարտէզը, իսկ նախակրթարանի ուսումը ստացած է Ազգ. Սահակեան վարժարանէն ներս, ուրկէ շրջանաւարտ եղած է 1939-ին։ Հակառակ ան ուսումնատենչ ըլլալու, ան չէ կրցած ուսումը շարունակել նիւթական պատճառներով։ Հանապազօրեայ հացի համար նետուած է կեանքի ասպարէզ եւ հետեւելով արհեստի դարձած է դերձակ։ Սակայն անոր կեանքին կարեւորագոյն մասը կազմած է եկեղեցին։ Ան իր կեանքի ընկերը ընտրած է Միսաքի եւ Իսկուհիի դուստրը՝ օրդ. Պայծառ Յարութիւնեանը, որուն հետ պսակուած է 28 Մայիս 1950-ին, Ս. Գրիգոր Լուսաւորիչ Եկեղեցւոյ մէջ, ձեռամբ՝ Տ. Նշան քահանայ Մարգարեանի։ Ունեցած է երեք զաւակներ՝ Աւետիս, Զեփիւռ եւ Ֆլորա։

Տէր Ղեւոնդ այնքան կապուած էր եւ կը սիրէր Լուսաւորիչի եկեղեցին, որ իր քահայանագործութեան գերագոյն նպատակը դարձուցած էր եկեղեցին զօրացնել դպրաց դասով, երգեցողութեամբ, տիկնանց միութեամբ եւ հաւատացեալներու բազմացումով, այն աստիճան, որ անիկա դառնայ մրցակից։ Հալէպի Հայց. Առաքելական միւս եկեղեցիներուն։ Այս ուղղութեամբ ճիգ չէ խնայած իր նպատակը իրականացնելու համար[1]։

ԾանօթագրութիւններԽմբագրել

  1. Յուսիկ Ա. քնյ. Սեդրակյան, Վարք Քահանայից Բերիոյ թեմի, հ. Ա, Պոստըն, էջ 257։