Ղեւոնդ Դուրեան
Ղեւոնդ Դուրեան (Զըմպայեան, 1879[1][2], Կոստանդնուպոլիս[2] - 24 Դեկտեմբեր 1933[1][2], Նիւ Եորք, Նիւ Եորք, Ամերիկայի Միացեալ Նահանգներ[1][2]), հայ եկեղեցակաեւ գործիչ, արքեպիսկոպոս։
| Ղեւոնդ Դուրեան | |
|---|---|
 | |
| Ծնած է | 1879[1][2] |
| Ծննդավայր | Կոստանդնուպոլիս[2] |
| Մահացած է | 24 Դեկտեմբեր 1933[1][2] |
| Մահուան վայր | Նիւ Եորք, Նիւ Եորք, Ամերիկայի Միացեալ Նահանգներ[1][2] |
| Քաղաքացիութիւն |
.svg){kind=small} Օսմանեան Կայսրութիւն.svg){kind=small} Ամերիկայի Միացեալ Նահանգներ |
| Ազգութիւն | Հայ[1][2] |
| Ուսումնավայր | Արմաշի վանք[1] |
| Մասնագիտութիւն | հոգեւորական, արքեպիսկոպոս |
Կենսագրութիւն Խմբագրել
Ծնած է Սկիւտար: Ուսումը կը ստանայ Պէրպէրեան վարժարանին մէջ, ուրկէ անցնելով Արմաշի Դպրեվանքը, յաջողապէս կ’աւարտէ իր ուսման ընթացքը ու 1901-ին տասը ընկերներով վարդապետ կը ձեռնադրուի: Տարի մը յետոյ կը կոչուի Օրմանեան պատրիարքի անձնական քարտուղարութեան եւ ապա կ’ընտրուի պատրիարքական փոխանորդ, պաշտօն զոր կը վարէ արժամապէս Օրմանեան, Իզմիրլեան, Դուրեան, Արշարունի պատրիարքներու եւ տեղապահ Մանկունի Ս.ի օրով:
Քանիցս եղած է անդամ Կրօնական Ժողովի եւ վարած է նաեւ Գատըգիւղի քարոզչութեան պաշտօնը:
1912-ին ընտրուած է Առաջնորդ Ատրինապոլսոյ, որու վրայ ձեռնադրուած է եպիսկոպոս, 1914-1919 վարած է Պուլկարիոյ առաջնորդութիւնը, իսկ 1920-1922 Իզմիրի առաջնորդութիւնը, ուսկից հազիւ կրցած է կեանքը ազատել, եւ ապա մինչեւ 1930 Մանչէսթրի մէջ հոգեւոր հովուութիւն ըրած է եւ ապա Ամերիկայի Առաջնորդ ընտրուած: Այդ տարին աշնան գրաւած է առաջնորդական աթոռը Նիւ Եորքի մէջ, ուր մինչեւ 1933 պաշտօնավարելէ ետք 24 Դեկտեմբերին զզուելի ոճիրի մը զոհ երթալով դաշունահար կ’իյնայ Նիւ Եորքի Ս. Խաչ եկեղեցւոյ մէջ՝ արարողութեան պահուն: Իբրեւ ոճրագործներ՝ դատարանը մէկէ աւելի անհատներ բանտարկեց ցմահ:
Դուրեան Սրբազանի աճիւնները 1938-ին Ս. Խաչ եկեղեցին կը փոխադրուին:
Դուրեան Սրբազան մասնակցած է Միջազգային Եկեղեցական Համաժողովներու եւ արժանաւորապէս ներկայացուցած է Հայ Եկեղեցին:
Ունի կարեւոր երկասիրութիւններ, որոնց գլխաւորներն են Պարզ Քարոզներ, Զորս Աւետարանները, Ձեռաց Պատարագամատոյց Մկրտութեան Խորհուրդը, հայ-անգլ. Դպրեվանքեան Քարոզներ: Իզմիրի մէջ խմբագրած է «Դափնի թերթ»ը (1921-1922): Խմբագիր վարիչ եղած է, Պոլիս հրատարակուող «Տաճար» շաբաթաթերթին եւ ատեն մը «Լոյս» կրօնաթերթին: «Հանդէս Ամսօրեայ»ի մէջ ունի ուսումնասիրական յօդուածաշարք մը «Ս. Գրոց բնապատմական բառարան» խորագրով:
Ամերիկա անցնելէ ետք եւս աշխատակցած է Ռամկավար թերթերուն:
Աղբիւրներ Խմբագրել
- Հայ Հանրագիտակ, Հ. Մկրտիչ Վարդ. Պոտուրեան, 1939, Պուքրէշ, Հատոր Դ., էջ 633:
- ↑ 1,00 1,01 1,02 1,03 1,04 1,05 1,06 1,07 1,08 1,09 Հայկական սովետական հանրագիտարան / խմբ. Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 Ով ով է. հայեր / խմբ. Հ. Այվազյան — Երևան: Հայկական հանրագիտարան հրատարակչություն, 2005. — հատոր 1.