Մուրճ (ամսագիր, Երեւան)

«Մուրճ», գրական-գեղարուեստական, քննադատական պարբերական։ Հայաստանի պրոլետարական գրողներու («պրոլետկուլտականներու») հրատարակութիւն։ Լոյս տեսած է 1922-1923 թուականներուն Երեւանի մէջ։ Խմբագիր՝ Ազատ Վշտունի։

Պարբերականը ներկայացուցած է երիտասարդ գրական սերունդին, համախմբած պրոլետարական գրականութեան դիրքերուն վրայ կանգնած գրողներուն։ Մերժած է դասական գրական ժառանգութիւնը, «Տեսական ձեւակերպումներ» խորագրով ծանօթացուցած է պրոլետարական գրականութեան նպատակներուն, բացայայտած գիտութեան, մշակոյթի ու գրականութեան դասակարգային բնոյթը։

Տպագրուած են Գուրգէն Մահարիի, Ալազանի, Նայիրի Զարեանի, Արծիւ Որբունիի, Վաղարշակ Նորենցի, ինչպէս նաեւ ռուս պրոլետարական գրողներու ստեղծագործութիւնները։

Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։