Պետրոս Թովմասեան
Պետրոս Թովմասեան կամ Պետրոս Մովսէս Թովմասեան (1954, Պասրա, Իրաք), իրաքահայ պատմաբան, բանասէր, հետազօտող, բանախօս, ճարտարապետ, դասախօս։
| Պետրոս Թովմասեան | |
|---|---|
| Ծնած է | 1954 |
| Ծննդավայր | Պասրա, Իրաք |
Մանկութիւն եւ Ընտանիք Խմբագրել
Ծնած է Իրաքի Պասրա քաղաքին մէջ 1954 թուականին, Մեծ Եղեռնը (1915-ի Հայոց Ցեղասպանութիւնը) վերապրածներու շառաւիղն է։[1] Հայրը՝ Մովսէս Թովմասեանը (Ամիրխանեան) ծնած է Պատմական Հայաստանի Թիմարի շրջանի Փիրղարիպ Գիւղը (Վասպուրական աշխարհ), մահացած է Պաղտատ 1972 թուականին։ Մօրը հայրը ծնած է՝ Կարին (Էրզրում) եւ մեծ եղեռնի օրերուն եղած է կամաւոր զինուորական Քեռիի խումբին՝ Դ․ (4-րդ) գունդին մէջ։ 1999 թուականին ամուսնացած է Հրաչուհի Թովմասեանին հետ (Հրաչուհի Պօղոսեան)։[2]
Ուսում եւ Գործունէութիւն Խմբագրել
Թովմասեան նախակրթական, միջնակարգ եւ երկրորդական ուսումը ստացած է Պաղտատի Հայոց Ազգային Միացեալ վարժարանէն։ Աւարտած է Պաղտատի Համալսարանը 1976 թուականին, Քաղաքային Երկրաչափ մասնագիտութեամբ (Անգլերէն՝ B.Sc. in Civil Engineering)։ Ան եղած է Հայոց պատմութեան ուսումնասիրող ապա դասախօս աշխարհի տարբեր երկիրներու (Անգլիա, Հոլանտա, Յորդանան, Իրաք, Միացեալ Նահանգներ, Հայաստան) ուսումնական զանազան հաստատութիւններու մէջ։[1][2]
- 1980-1997 Պաղտատի Հայ Երկսեռ Երիտասարդաց (Պ․Հ․Ե․Ե)․ Միութեան վարչական կազմի անդամ, ատենադպիր։
- 1990-1997 Պ․հ․Ե․Ե․ միութեան Հայոց պատմութեան մնայուն դասախօս։
- 2000-2004 Քալիֆորնիոյ Հայ Երիտասարդաց Միութեան Ք․Հ․Ե․Մ Հայոց պատմութեան մնայուն դասախօս։
- 2010-2014 ԱՄՆի Վասպուրականի Հայրենակցական Միութեան Ատենադպիր, Ատենապետ:
Գործեր Խմբագրել
Պետրոս Թովմասեան հեղինակն է Հայոց պատմութեան «Անեցեալին Այս Օր» յօդուածաշարքին, որ հրատարակուած է Պաղտատի, Յորդանանի, Ամէրիկայի հայկական շարք մը թերթերու մէջ[1]։ Հեղինակած է ցուցակներով (աղիւսաներով, իր իբր ճարտարապետ մասնագիտութեան շնորհիւ), պատկերներով եւ քարտէսներով հարուստ գիրքեր[3]՝
- Հայկական Լեռնաշխարհը եւ (Միջագետքը Հին Ժամանակներէն Մինչեւ 1 Թ․ Ք․ Ե․) «Զանգակ-97» Հրատարակութիւն, 2006 թուական, Երեւան։
- Արարատ-Ուրարտու Աստուածաշունջի Ընդմէջէն, «Զանգակ-97» Հրատարակութիւն, 2012 թուական, Երեւան։
- Ապպասեան (աւանդական Տառադարձութեամբ՝ Աբբասեան) Խալիֆայութեան Վերջին Պատմաշրջանը եւ Հայութիւնը (991-1258 ԹԹ․), (Հայկական Ծագումով Ապպասեան Խալիֆաները), Հայաստանի Հանրապետութեան Գիտութիւններու Ազգային Կաճառ (Աքատէմիա) Պատմութեան Վարժարան (Ռուսերէն՝ Институт, ինսթիթութ), Մեսրոպ Արք. Աշճեան Մատենաշար # 146, Երեւան 2016։
- Վարագավանքը Պատմութեան Քառուղիներուն, Հայաստանի Հանրապետութեան Գիտութիւններու Ազգային Կաճառ (Աքատէմիա) Պատմութեան Վարժարան (Ռուսերէն՝ Институт, ինսթիթութ), հեղինակային հրատարակութիւն, Երեւան 2018։
- Նարեկայ Վանքը Պատմութեան Քառուղիներուն Հայաստանի Հանրապետութեան Գիտութիւններու Ազգային Կաճառ (Աքատէմիա) Պատմութեան
- Ararat-Urartu throughout the Bible, Bedros M. Tomassian, Translated by: Mary-Hrachoohi Boghosian, National Academy of Science of the Republic of Armenia –Institute of History, Mesrob Ashjian book series # 213, Yerevan 2021.
- Ախթամարի Թագաւորը, Սմբատ Արծրունի Սեֆեդինեան, Հայաստանի Հանրապետութեան Գիտութիւններու Ազգային Կաճառ (Աքատէմիա) Պատմութեան Վարժարան (Ռուսերէն՝ Институт, ինսթիթութ), Մեսրոպ Արք. Աշճեան Մատենաշար # 222, Երեւան 2022։
- Վանայ Լիճի Լիմ Կղզին եւ Վանքը Պատմութեան Քառուղիներուն, Հայաստանի Հանրապետութեան Գիտութիւններու Ազգային Կաճառ (Աքատէմիա) Պատմութեան Վարժարան (Ռուսերէն՝ Институт, ինսթիթութ , Մեսրոպ Արք. Աշճեան Մատենաշար # 232, Երեւան 2022։
Աղբիւրներ Խմբագրել
- Հայկական Լեռնաշխարհը եւ (Միջագետքը Հին Ժամանակներէն Մինչեւ 1 Թ․ Ք․ Ե․) Պետրոս Թովմասեան «Զանգակ-97» Հրատարակութիւն, 2006 թուական, Երեւան։
- Վանայ Լիճի Լիմ Կղզին եւ Վանքը Պատմութեան Քառուղիներուն։ Պետրոս Թովմասեան, Երեւան, 2022, Հեղինակային Հրատարակութիւն, Մեսրոպ Արքեպիսկոպոս Աշճեան Մատենաշար 232։
Ծանօթագրութիւններ Խմբագրել
- ↑ 1,0 1,1 1,2 Bedros Tomassian, About the Author, Amazon.com Ամազօն առցանց գրախանութ
- ↑ 2,0 2,1 Հայկական Լեռնաշխարհը եւ Միջագետքը Հին Ժամանակներէն Մինչեւ 1 Թ․ Ք․ Ե․) Պետրոս Թովմասեան «Զանգակ-97» Հրատարակութիւն, 2006 թուական, Երեւան։ Վերջին Էջը։
- ↑ Վանայ Լիճի Լիմ Կղզին եւ Վանքը Պատմութեան Քառուղիներուն։ Պետրոս Թովմասեան, Երեւան, 2022, Հեղինակային Հրատարակութիւն, Մեսրոպ Արքեպիսկոպոս Աշճեան Մատենաշար 232։ Վերջին էջը։