Սարգիս Բարսեղեան

Սարգիս Բարսեղեան, Շամիլ, բուն անուն՝ Լեւոն Օտապաշեան, (1875, Գետաբեկ - 1915), յեղափոխական գործիչ, Հայ Յեղափոխական Դաշնակցութեան անդամ։

Նախնական կրթութիւնը ստացած է Թիֆլիսի Ներսիսեան դպրոցին մէջ, ապա՝ Ժընեւի համալսարան։ Ուսումը կիսատ ձգած է ու Հայ Յեղափոխական Դաշնակցութեան հիմնադիրներէն Քրիստափոր Միքայէլեանին հետ մեկնած է Պաքու, ուր կազմակերպած է տեղեկատուական թերթօններու տարածումը։ 1905-ին Շուշիի մէջ մասնակցած է «Փոթորիկ» շարժում-ռազմագործողութեան, որուն պատճառով ձերբակալուած է։ Բանտ տեղափոխուելու ճանապարհին զինակիցներ յարձակած են բանտարկեալներուն ուղեկցող ժամապահներուն վրայ եւ ազատ արձակած Բարսեղեանին՝ գրաւելով զէնքն ու զինամթերքը։

1909-ին կը վերադառնայ Պոլիս եւ կ՛ամուսնանայ Ռոստոմի աշակերտուհիներէն Պերճուհի Պարտիզեանի հետ։ Հիմնադիրներէն է «Աշխատանք» թերթին։

Մասնակցած է հայ-թրքական կռիւներուն, Վանի մէջ տարած է կուսակցական գործ։ Ընտրուած է Դաշնակցութեան Կարինի Բիւրոյի անդամ։

ԱղբիւրներԽմբագրել