Սիֆնոս

Սիֆնոս (յուն․՝ Σίφνος),  Էգէական Ծովուն Քիքլատես կղզեխումբին արեւմտեան կողմը գտնուող կղզի, Սերիֆոս եւ Քիմոլոս կղզիներուն միջեւ, Յունաստան։  Մայրաքաղաքն է Ափոլոնիա, իսկ նաւահանգիստը՝ Քամարես։ Կղզին խոհարարութեան եւ կաւագործութեան աւանդութիւն ունի։ Ծննդավայրն է Նիքոս Ցելեմենթես գլխաւոր յոյն ճաշարանապետին (Ի․ դար)։ Փիրէա նաւահանգիստէն հեռաւորութիւնն է 130 քլմ․ կամ՝ 80 ծովային մղոն։

Կղզի
Սիֆնոս
Երկիր	Յունաստան
Տարածութիւն	73 քմ²
ԲԾՄ	680 մեթր
Կը գտնուի ափին	Էգէական Ծով
Ժամային գօտի	UTC+2 եւ UTC+3։00
Փոստային ցուցանիշ	840 03
Պաշտօնական կայքէջ	sifnos.gr

Սիֆնոս, նկարուած արեւմուտքէն

Ափոլոնիա

Տեղեկութիւններ

Աշխարհագրութիւն

Ափոլոնիա

Տարածութիւնն է 73,942 քռ․քմ․ եւ բնակչութիւնը կը հաշուէ 2 625 հոգի։

Կղզին կը ճեղքեն 4 լեռնաշղթաներ, որոնց գլխաւոր գագաթներն են․ կեդրոնի մաս Փրոֆիթի Իլիա (682 մ․) եւ հիւսիսի՝ Այիու Սիմէոն (463 մ․)։

Ֆարոս

Այիոս Ֆիլիփոս (հիւսիս-արեւմուտք), Նափոս (արեւելք) եւ Քոնտօ (հարաւ) գլխաւոր հրուանդանները կը կազմեն հետեւեալ ծոցերը․ Այիոս Եորղոս (հիւսիս-արեւմուտք), Քամարոն (արեւմուտք), Վաթի (հարաւ-արեւմուտք), Ֆիքիատա (հարաւ), Փլաթիս Եալոս (հարաւ-արեւելք), Ֆարոս եւ Ֆասոլու (արեւելք), Սերալիա (հիւսիս-արեւելք)։

Կղզիին հողը հարուստ է կարծրաքարերով․ որձաքար, հերձաքար, կրաքար, եւայլն։ Հարուստ է մետաղի տեսակներով։ Հնագոյն տարիներուն կային ոսկիի եւ արծաթի հանքեր, ինչպէս նաեւ քարահանքեր։

Կղզիին հարաւը կը գտնուի Քիթրիանի կղզիակը։

Վարչական տեղեկութիւններ, ժողովրդագրութիւն

1836-էն մայրաքաղաքն է Ափոլոնիա, 869 բնակիչներով, անունը առած է Ափոլոնաս աստուածէն։ Բնակիչները ընդհանրապէս կը զբաղին կաւագործութեամբ, անասնապահութեամբ, մեղրաբուծութեամբ, այգեգործութեամբ, հողագործութեամբ, ձկնորսութեամբ եւ զբօսաշրջիկութեան սպասարկումներով։

Ափոլոնիա․ Ժողովրդակագրական թանգարանը

Վարչականօրէն կղզին կը պատկանի Միլոս նահանգին։ Սիֆնոսի գլխաւոր գիւղերն են՝ Ափոլոնիա (մայրաքաղաքը), Անօ Փեթալի, Էքսապելա, Քաթօ Փեթալի, Քաթավաթի, Արթեմոնաս (մեծագոյն գիւղն է եւ անունը առած ՝ Արթեմիս աստուածուհիէն) եւ Քասթրօ։ Ծովափնեայ գիւղակներն են՝ Քամարես (կղզիին նաւահանգիստը), Վաթի, Ֆարոս, Հերսոնիսոս եւ Փլաթի Եալոս։ Ունի բազմաթիւ ծովափներ, գլխաւորները կը գտնուին՝ Ղլիֆօ, Ֆասոլիու, Ֆարօ, Սերալիա (Քասթրոյին ծովափը եւ կղզիին հին նաւակայքը), Փուլաթի, Ափոքոֆթօ, Քամարես եւ Վաթի։

Հնագիտական թանգարանը Քասթրօ կը գտնուի։ Իսկ Ափլոնիա՝ Ժողովրդակագրական թանգարանը։

Փանայիա Հրիսոփիղիս

Կղզիին մէջ զարգացած է կաւագործութիւնը, շնորհիւ հողի բաղադրութեան։ Ունի խոհարարութեան մեծ աւանդութիւն։ Ժամանակի ընթացքին Սիֆնոսցի կաւագործներ կը հաստատուին Հիոս, Կրետէ, Քիքլատես եւ Սարոնիքոս Ծոցին կղզիները եւ կը ծանօթացնեն կաւագործութեան գաղտնիքները։

Կը համարուի մշակոյթի եւ եկեղեցիներով–մատուռներով լեցուն կղզի։ Յունաստանին տուած է նշանաւոր անձնաւորութիւններ․ կաթողիկոսներ, քաղաքագէտներ, հանրածանօթ խոհարար, բժիշկներ, համալսարանի դասախօսներ, եւայլն։

Պատմական

Ըստ հին պատմաբան Փլինիոսի, Սիֆնոսին հին անունն է Մերոփիա եւ Աքիս, իսկ ըստ բիւզանդացի Ստեփանին՝ Մերոփի։ Սիֆնոս անունը առած է առասպելական Սունիօ հերոսին անունէն։

Ափոլոնիոյի հարաւ-արեւելքը, Այիոս Ատրէաս բլուրին գտնուած են հին նախայուանական շրջանէն Աքրոփոլիսի պարսիպներ, որոնց ճարտարապետութիւնը Միկինէական շրջանին կը թուագրուի։

Կղզիին առաջին բնակիչները Քարեսները եւ Կրետացիները կը թուին ըլլալ։ Իրոտոթոս կը նկատէ թէ Իոնեսներն են, Աթէնքի գաղթականներ։

Միջնադարին եւ նորագոյն շրջանին պատմութիւնը նման է Քիքլատեսի պատմութեան։

Տեսարժան վայրեր

Կղզին զբօսաշրջիկութեան կեդրոն է։

Պատկերասրահ

• 
  Սիֆնոսի հիւսիսէն կը դիտենք Սերիֆոս կղզին
• 
  Սերիֆոսին հարաւէն կը դիտենք Սիֆնոս
• 
  Ափոլոնիայէն դէպի Քասթրօ, 1919
• 
  Ափոլոնիա
• 
  Ափոլոնիա․ հնագիտական վայր
• 
  Ափոլոնիա
• 
  Ափոլոնիա
• 
  Քասթրօ
• 
  Խորին՝ Փլաթիս Եալոս
• 
  Արթեմոնասէն կ՛ երեւի Քասթրօն
• 
  Այիոս Ատրէասէն նկարուած․ կ՛ երեւին Ափոլոնիա եւ Արթեմոնաոս
• 
  Արթեմոնաս․ Այիոս Գոստանդինոս
• 
  Արթեմոնաս
• 
  Քամարես
• 
  Քասթրօ
• 
• 
  Քասթրօ, ջաղացքներ
• 
  Քասթրօ, հնագիտական պեղումներէն գտնուած դամբան
• 
  Քասթրօ
• 
  Քասթրօ եւ ձախին՝ Էփթա Մարթիրես մատուռը
• 
  Եալոս ծովափ
• 
  Քասթրոյին արեւելեան մուտքէն
• 
  Սիֆնոս, Գուրոս կիսանդրին
• 
  Հնագիտական թանգարանն, Քասթրօ
• 
  Հռոմէական շրջանէն իրեր
• 
  Ք․Ա․ 8-րդ դարու առարկաներ
• 
  Փլաթիս Եալոս
• 
  Սերալիա
• 
  Վաթի
• 
  Քասթրոյի մօտ մշակուած վայրեր
• 
  Հերոնիսոս
• 
  Արահետներ
• 
  Սիֆնոս, Քամարես նաւահանգիստ
• 
  Իշուկ մը, Քասթրօ
• 
  Արեւամուտ
• 
  Վլիհատա
• 
  Ֆիքիատա
• 
  Վաթի․ ձիթենիներու մշակում
• 
• 
  Անասնաբութծութիւն, այծ
• 
  Փանայիա Թոսօ գագաթէն, հարաւ-արեւմուտէքէն կը նշմարուին Քիմոլոս եւ Միլոս
• 
  NATURA 2000 պահպանուած շրջան, արահետներ

Արտաքին յղումներ

1. Տեսերիզ - Սիֆնոսին տեսարժան վայրերը(յունարէն)
2. tripadvisor - Սիֆնոսի տեսարժան վայրեր(յունարէն)