Ազարիա Սասնեցի
Ազարիա Սասնեցի (Անյայտ - 1628), Հայ տաղասաց, աստղագէտ, տոմարագէտ։
| Ազարիա Սասնեցի | |
|---|---|
| Ծնած է | անհայտ[1] |
| Ծննդավայր | Սանասունք, Աղձնիք |
| Մահացած է | 1628[1] |
| Մահուան վայր | Միջերկրական Ծով |
| Ազգութիւն | Հայ[1] |
| Մասնագիտութիւն | բանաստեղծ, աստղագէտ, տոմարագէտ |
Ճալալիներու արշաւանքներու ժամանակ գերի առնուած է, ազատելէ ետք շրջած է Փոքր Ասիա, Իտալիա եւ Կ. Պոլիս։
Աշխատութիւններ
ԽմբագրելԱզարիա Սասնեցին առաւել յայտնի է աստղագիտական եւ տոմարագիտական աշխատութիւններով («Ցաղագս գիտութեան Երկնից բարձրութեան եւ եւթն պարունակացն», «Ցաղագս գիտութեան Արեգական թաւալմանց»)։ Ունի պատմագիտական աշխատութիւններ եւ թարգմանութիւններ իտալերէնէն։
«Ողբ ի վերայ հարուածոց արեւելեան գաւառացն եւ աշխարհին Հայոց ի ձեռաց ճելալեանց» երկին մէջ մանրամասն նկարագրած է ճալալիներու զօրագլուխ Կարա–Եազիճիի արշաւանքները, Արեւմտեան Հայաստանի գաւառներու, Սեբաստիոյ ասպատակութիւնն ու աւերումը։ Երկը չունի միջնադարեան դասական ողբերու պերճութիւնն ու քնարականութիւնը, բայց գրական յուշարձան է ու պատմական արժէքաւոր աղբիւր, ուր դէպքերը նկարագրուած են բանաւոր վիպերգներու յատուկ հնարանքներու, ժողովրդական բառ ու բանի օգտագործմամբ։
Այս յօդուածի նախնական տարբերակը կամ անկէ մաս մը վերցուած է Հայկական Սովետական Հանրագիտարանէն, որուն նիւթերը հրատարակուած են` Քրիէյթիվ Քամմընզ Նշում–Համանման տարածում 3.0 (Creative Commons BY-SA 3.0) թոյլատրագրի ներքոյ։ 
|
- ↑ 1,0 1,1 1,2 Հայկական սովետական հանրագիտարան — Երևան: 1974. — հատոր 1. — է. 100–101.