Անդրանիկ Փոլատեան
Անդրանիկ Փոլատեան (1929 - 18 Փետրուար 2005, Նիւ Ճըրզի, Ամերիկայի Միացեալ Նահանգներ), հայ գրող, խմբագիր եւ հասարակական գործիչ։
| Անդրանիկ Փոլատեան | |
|---|---|
| Ծնած է | 1929 |
| Մահացած է | 18 Փետրուար 2005 |
| Մահուան վայր | Նիւ Ճըրզի, Ամերիկայի Միացեալ Նահանգներ |
| Մասնագիտութիւն | խմբագիր, գրագէտ, հանրային գործիչ |
Կենսագրական գիծեր
ԽմբագրելԾնած է Գրըքխան, Ալեքսանտրէթի շրջան։ Նախնական կրթութիւնը ստացած է Հալէպի Մեսրոպեան վարժարանին մէջ։
1950-ին աւարտած է ՀԲԸՄ-ի Մելգոնեան Կրթական Հաստատութեան Վարաժապետանոցի բաժինը, իսկ 1954-ին վկայուած է Պէյրութի Ամերիկեան համալսարանէն՝ պատմութեան եւ քաղաքական գիտութեան Պսակաւոր Արուեստից տիտղոսով։ Նոյն տարին փոխադրուելով Միացեալ Նահանգներ՝ նուիրուած է կուսակցական, միութենական, խմբագրական եւ գրական կեանքին[1]։
Գործունէութիւն
Խմբագրել1954-55 խմբագրած է Պոսթընի «Պայքար» օրաթերթը, իսկ «Նոր Օր»-ի խմբագիր նշանակուած է 1957-1958-ին։ Այդ տարիներէն մինչեւ 1993 պաշտօնավարած է Հայկական Բարեգործական Ընդհանուր Միութենէն ներս, շուրջ քառասուն տարի վարելով միութեան «Յուշարար-Միութիւն» պաշտօնաթերթի խմբագրութիւնը։
Մելգոնեանի ուսանողական տարիներէն, ապա Պէյրութի մէջ եւ Միացեալ Նահանգներ, աշխատակցած եւ մաս կազմած է տարբեր թերթերու խմբագրական կազմերու։
1983-1995 եղած է Մարաշի Հայրենակցական Միութեան ատենապետը։
1971-1979 ատենապետած է ԹՄՄ-ի Ամերիկայի եւ Քանատայի Կեդրոնական վարչութեան[1]։
Աշխատութիւններ
ԽմբագրելՓոլատեան խմբագրած է «Պատմութիւն Արաբկիրի հայոց» հազար հարիւր էջանի ստուարածաւալ հատորը, ինչպէս նաեւ հեղինակն է «Խրիմեան Հայրիկ»՝ (հայերէն եւ անգլերէն լեզուով կենսագրական եւ գրական ուսումնասիրութիւն), «Հերկ եւ բերք» (դէմքեր, խոհեր, խմբագրականներ, հանդիպումներ) եւ Շահան Շահնուրին նուիրուած հատորի մը[1]։
Ծանօթագրութիւններ
Խմբագրել- ↑ 1,0 1,1 1,2 «ԱՆԴՐԱՆԻԿ ՓՈԼԱՏԵԱՆ»։ ՆՈՐ ՕՐ (hy-AM)։ 2017-05-25։ արտագրուած է՝ 2023-08-24