ԳԷորգ Մելիտինեցի
ԳԷորգ Թոփալեան (գրական ծածականունով՝ Մելիտինեցի, (1898, Մալաթիա, Թուրքիա - 21 Հոկտեմբեր 1986, Քլիվլենտ, Օհայիօ, Ամերիկայի Միացեալ Նահանգներ), Մալաթիոյ Հարազատ Կրթական Միութեան կեդրոնական վարչութեան երկար տարիներու գործօն անդամ, «Գէորգ Մելիտինեցի» գրական մրցանակի եւ վերհրապարակութեան ֆոնտի հիմնադիր։
| ԳԷորգ Մելիտինեցի | |
|---|---|
| Ծնած է | 1898 |
| Ծննդավայր | Մալաթիա, Թուրքիա |
| Մահացած է | 21 Հոկտեմբեր 1986 |
| Մահուան վայր | Քլիվլենտ, Օհայիօ, Ամերիկայի Միացեալ Նահանգներ |
Կենսագրական գիծեր
ԽմբագրելԾնած է Մալաթիա, ապա հաստատուած է Քլիվլենտ, ուր մեծ դեր խաղցած է գաղութի կազմակերպման աշխատանքներուն մէջ: Ապա, իբրեւ հրապարակագիր, աշխատակցած է «Հայրենիք»ին եւ «Ասպարէզ»ին, որոնց էջերուն լոյս տեսած իր յօդուածները 1963-ին ամփոփած է ստուարածաւալ «Ապրումներ» հատորին մէջ, որուն Բ. գիրքը լոյս տեսած է 1970-ին, կարգ մը յաւելումներով:
Ազգային եւ հասարակական բեղուն գործունէութիւն ունեցած Թոփալեան, 1965-ին, 50-000 տոլարի հիմնադրամով մը հաստատած է «Գ. Մելիտինեցի» գրական մրցանակը, ապա՝ վերհրատարակութեան ֆոնտը (50-000 տոլար), որոնց տոկոսներով Կիլիկիոյ կաթողիկոսութեան ապարանէն եւ դատակազմի որոշումով հրատարակուած են շարք մը հատորներ, որոնց կարգին․
- Արամ Հայկազի «Չորս տարի Քիւրտիստանի լեռներուն մէջ»ը,
- Նշան Պէշիկթաշլեանի« Թատերական դէմքեր»,
- Յակոբ Օշականի «Երկեր»ը,
- Կոստան Զարեանի «Երկեր» անուն հաստափոր հատորներն ու այլանուն գիրքեր: