Ուիքիփետիա

Գրատպութեան Թանգարան (Երեւան)

Գրատպութեան թանգարան, Հայաստանի ազգային գրադարանի շէնքին մէջ[1] գործող թանգարան, որ կը ներկայացնէ հայ գրատպութեան անցած պատմութիւնը[2]:

Գրատպութեան Թանգարան
Տեսակ Թանգարան
Երկիր  Հայաստան
Տեղագրութիւն Երեւան
Վայր Հայաստանի Ազզային Գրադարանը
Հասցէ Տէրեան 720009
Հիմնադրուած է 2017
40°11′23″N 44°31′24″E / 40.189719°N 44.523389°E / 40.189719; 44.523389
Քարտէս
Քարտէս

Պատմութիւն Խմբագրել

Գրատպութեան անցած ճանապարհը ներկայացնելու համար հայերէն տպագիր ամենամեծ պահոցին՝ Հայաստանի ազգային գրադարանին մէջ, հիմնուած է նոր արուեստագիտութիւններով յագեցած թանգարան[3]:

Յուիուար 2018-էն Հայաստանի ազգային գրադարանի Գրատպութեան թանգարանը դարձած է Եւրոպական գրատպութեան թանգարաններու դաշնութեան անդամ[4][5]:

Սրահներ Խմբագրել

Տպագրութեան պատմութիւնը ներկայացուած է Գրատպութեան թանգարանի վեց սրահներուն մէջ`

  1. «Գրի ակունքները սրահին մէջ» ներկայացուած է նախագրային շրջանէն մինչեւ գիրը ինկած ժամանակահատուածին մէջ ստեղծուած գրաւոր մշակոյթի նմուշներ՝ ժայռապատկերներ, սեպագիր արձանագրութիւններ[3]:
  2. «Հայոց այբուբենը սրահին մէջ» ներկայացուած են գրչութեան տեսակները եւ եւրոպացի հրատարակիչներու գիրքերուն մէջ փայտափորագիր հայոց այբուբենը[3]:
  3. «Հայ գրատպութեան առաջնեկները սրահին մէջ» ներկայացուած են հայերէն տպագիր առաջին գիրքը՝ «Ուրբաթագիրքը» (հրատարակուած է Յակոբ Մեղապարտի կողմէ Վենետիկի մէջ, 1512-ին), Աստուածաշունչը (հրատարակուած Ոսկան Երեւանցիի կողմէ Ամսթերտամի մէջ, 1666-1668-ականներուն), առաջին տպագիր քարտէզը՝ «Համատարած աշխարհացոյցը» (Ամսթերտամ, 1695-ին), առաջին տպագիր պարբերականը՝ «Ազդարարը» (Մատրաս, 1794-1796-ականներուն)[3]:
  4. «Հայկական գրատպութեան սփիւռքը սրահին մէջ» ներկայացուած են այն հիմնական օճախները, ուր գործած են հայկական տպարաններ եւ տպագրուած են հայերէն գիրքեր: Այստեղ կարելի է ծանօթանալ տպագրավայրերու յամառօտ պատմութեան[3]:
  5. «Գրահրատարակչութիւն սրահին մէջ» ցուցադրուած են տպագրական մեքենաներ, կլիշէներ, տարբեր երկիրներու մէջ գործած հայկական տպարաններու նկարներ: Հոլոգրաֆիկ ցուցադրութեան միջոցով ներկայացուած են տպագրութեան հիմնական ձեւերը[3]:
  6. «Գրի յաւերժութիւնը սրահին մէջ» ներկայացուած է տպագրութեան սկզբնաւորումը Հայաստանի տարածքին։ Ցուցադրուած են Հայաստանի եւ Արցախի մամուլի եզակի նմուշներ[3]:

Պատկերասրահ Խմբագրել

Ծանօթագրութիւններ Խմբագրել

  1. ↑ Հայաստանի ազգային գրադարանին մէջ կը բացուի Գրատպութեան թանգարան
  2. ↑ Ազգային գրադարանին մէջ բացուեցաւ Հայ գրատպութեան թանգարանը
  3. ↑ 3,0 3,1 3,2 3,3 3,4 3,5 3,6 Գրատպութեան թանգարան
  4. ↑ «Association of European Printing Museums ~ Members»։ www.aepm.eu։ արտագրուած է՝ 2018-08-21 
  5. ↑ Association of European Printing Museums, National Library of Armenia. The Museum of Printing

Արտաքին յղումներ Խմբագրել

Վերցուած է «https://hyw.wikipedia.org/w/index.php?title=Գրատպութեան_Թանգարան_(Երեւան)&oldid=217361» էջէն