Էմմա Ուաթսըն
Էմմա Շարլոթ Տուէրր Ուաթսըն (անգլերէն՝ Emma Charlotte Duerre Watson, 15 Ապրիլ 1990[1][2][3], Le Marais, Փարիզ[4][5][6]), անգլիացի դերասանուհի: Ճանաչցուած է որպէս Հերմոյինի Կրէյնճըր, «Հարրի Փոթըր» ֆիլմերուն մէջ։ Էմման այդ դերը ստանձած է 1999 թուականին, երբ ինը տարեկան էր։ Այս դերը խաղցած է 2001-2011 թուականներուն, Տանիէլ Ռատքլիֆի եւ Ռուպերթ Կրինդի հետ: Ֆիլմին մէջ այս դերը խաղալով Էմման մեծ հռչակի տիրացաւ։ Այդ ընթացքին ան ստացաւ 10 միլիոն եւրօ: Ան նաեւ խաղցած է «The Perks of Being A Wallflower» եւ «The Bling Ring» ֆիլմերուն մէջ։ Հարրի Փոթըր Ֆիլմը ցուցադրուեցաւ BBC-էն 2007 թուականի Դեկտեմբերին։
| Էմմա Ուաթսըն պրիթ. անգլ.՝ Emma Charlotte Duerre Watson | |
|---|---|
 | |
| Ծննդեան անուն | անգլերէն՝ Emma Charlotte Duerre Watson |
| Ծնած է | 15 Ապրիլ 1990[1][2][3] (34 տարեկան) |
| Ծննդավայր | Le Marais, Փարիզ[4][5][6] |
| Քաղաքացիութիւն |
.svg){kind=small} Միացեալ Թագաւորութիւն[7] |
| Մայրենի լեզու | Բրիտանական անգլերէն |
| Ուսումնավայր |
Վուստեր քոլեջ? Պրաուն Համալսարան Headington School? Դրագոն սքուլ? Stagecoach Theatre Arts? International School of France? |
| Երկեր/Գլխաւոր գործ | Հարրի Փոթեր?, Չշփվող լինելու արտոնությունները?, Գեղեցկուհին և Հրեշը?, Փոքրիկ կանայք եւ Նոյ? |
| Մասնագիտութիւն | մարդապատկեր, կինոդերասանուհի, թատրոնի դերասանուհի, ակտիվիստ, մանկական դերասան, Հնչիւնաւորող, դերասանուհի, ֆոտոմոդել |
Ստորագրութիւն | |
Էմմա Ուաթսընը անցածէ Կինես գիրքի շարքերուն որպէս ամենաերիտասարդ դերասանուհի:
Նաեւ 2009 թուականին անցած է Կինես գիրքի շարքերուն որպէս ամենաբարձր վարձատրուող տասնամեայ դերասանուհի։
Մանկութիւն եւ պատանեկութիւն Խմբագրել
Ծնած է Փարիզի մէջ՝ անգլիացի փաստաբանի ընտանիքի մէջ։ Անունը ստացած է իր հօր տատիկէն, որ ունի ֆրանսական ծագում։
Հինգ տարի ապրելէ ետք Ֆրանսայի մէջ իր ծնողներուն հետ, Հինգ տարեկան հասակին Էմման եւ իր ընտանիքը կը տեղափոխուին Անգլիայի Օկսֆորդշիր քաղաքը։ Անոր ծնողները՝ Ժաքլին եւ Գրիս Ուաթսընները բաժանուեցան, եւ Էմման սկսաւ ապրիլ իր մօր եւ միջնեկ եղբօր՝ Ալեքսի հետ։
Նախնական կրթութիւնը ստացած է Օքսֆորտի Դրեգոն դպրոցին մէջ՝ Արդէն 6 տարեկանին Էմման որոշած է դերասանուհի դառնալ։ Դպրոցին մէջ խաղցած է շատ ներկայացումներու մէջ՝ որպէս գլխաւոր դերակատար։ Երբ Ան տասը տարեկան կ'ըլլայ, դպրոցի ներկայացումները կազմակերպող ուսուցչուհին անոր խորհուրդ կու տայ որ մասնակցի «Հարրի Փոթըրը եւ փիլիսոփայական քարը» ֆիլմի փորձերուն՝ Հերմոյինի Կրէյնճըր դերին համար:Անսպասելիօրէն Էմման յաղթեց։ Այդ պահէն ետք անոր ամբողջ կեանքը կապուեցաւ Հարրի Փոթըրի հետ։
Աւարտած է Խիտինկօսքույու աղջիկներու դպրոցը։ 2008 թուականին աւարտած է դերասանական ամառնային դասընթացքները RADA-ի մէջ, որ կը գտնուի Լոնտոն։ 2009 թուականին Էմման սկսած է գրականութիւն սորվիլ Ամերիկայի Բրայնուվսկոմ համալսարանին մէջ։
Գործընթացք Խմբագրել
1999 թուականին Էմմա Ուաթսընը հրաւիրուեցաւ նկարահանուելու Harry Potter and The Philosopher's Stone ֆիլմին համար, որպէս Հերմոյինի Կրէյնճըր, որ գրած է յայտնի Անգլիացի գրող Ժոան Ռոուլինկ-ը։ Գլխաւոր հերոսը Հարրի Փոթըրն է, եւ անոր ընկերները Ռոն Ուուիզլին եւ Հերմոյինի Կրէյնճըրը։ Ֆիլմը արտադրողները զարմացած էին Էմմայի ինքնավստահութենէն։ Ռոուլինկը ինքը ընտրեց դերասանները։
Առաջին անգամ ֆիլմը ցուցադրուեցաւ 2001 թուականին, որ կը ներկայացնէր Հարրի Փոթըրի առաջին մասը։ Ֆիլմը մեծ յաջողութիւն ունեցաւ։ The Daily Telegraph-ը Էմմայի խաղը «հրաշալի» կ'անուանէ: Իսկ IGN-ի կարծիքով Էմման «մութի մէջ կը ձգէ բոլորը»։ Ստացած է Young Artist Award, Լաւագոյն երիտասարդ դերասանուհի մրցանակը։
2002 թուականին ցուցադրուեցաւ «Harry Potter and The Chamber of Secrets» ֆիլմը։ Los Angeles Time-ը կը նշէ, որ ֆիլմերու միջեւ ընդմիջման ընթացքին դերասանները մեծցած էին։ The Times-ը կը քննադատէ Էմմա Ուաթսընի հանրայայտութիւնը «չարաշահելու» համար։ Էմման այս դերի համաը ստացած է Otto Award մրցանակը Die Welt ամսագրին մէջ:
«Harry Potter and The Prisoner of Azkaban» ֆիլմը ցուցադրուած է 2004 թուականին։ Շատերու կարծիքով այստեղ Էմմայի դեակատարութիւնը աւելի մասնագիտականէր։ Էմման այս ֆիլմի մասին ըսած է.«Այս ուղղակի հոյակապ դեր է, մանաւանդ երրորդ մասը»: Այս դերին համար Էմման երկու Otto award մրցանակ ստացած է եւ մէկ մրցանակ «Տարուայ ամենալաւ մանկական խաղ» Total Film-ին կողմէ:
2005 թուականին յաջողութեամբ դուրս եկաւ չորրորդ՝ «Harry Potter and The Goblet of Fire» ֆիլմը։ Ամենածիծաղելին, Էմմայի կարծիքով, Հերրի Փոթըրի եւ Ռոն Ուիզլիի վէճը հիանալի էր։ «Ես սիրեցի այդ բոլոր վիճաբանութիւնները... Եւ կը կարծեմ որ աւելի իսկական է թէ անոնք կը վիճաբանին եւ անոնց մօտ խնդիրներ կրնան ըլլալ» (օրիգինալ տեքստ. «I loved all the arguing... I think it’s much more realistic that they would argue and that there would be problems»): Քննադատները կը նշեն Էմմայի իրական հասակը։ Այս դերի համար Էմման արժանացաւ Otto Award պրոնզէ մրցանակ։ Այդ տարի Էմման դարձաւ ամենաերիտասարդ աղջիկը, որ յայտնուաւծ էր Teen Vogue ամսագրին մէջ։
Հինգերորդ ֆիլմը Հերրի Փոթըրի մասին (Harry Potter and The Order of The Phoenix), որ լոյս կը տեսնէ 2007 թուականին, ունեցաւ մեծ ֆինանսական յաջողութիւններ։ Էմման ստացաւ National Movie Award եւ «Ամենալաւ կանացի դեր» մրցանակները։
Վեցերորդ՝ «Harry Potter and The Half Blood Prince» ֆիլմի նկարահանումները սկսուած են 2007։ The Washington Post-ը կ'անուանէ Էմմայի խաղը «ամէնահիանալին այսօր»։
Վեցերորդ ֆիլմի ցուցադրումէն յետոյ շշուկներ կային որ Էմման կ'ուզէր ձգել ֆիլմը: Չնայած այս մէկին, Էմման պայմանագիր կնքած էր Warner Bros-ի հետ ֆիլմը նկարահանուելու համար։ Էմմայի խօսքերով այդ որոշումը իրեն համար շատ դժուար էր։ «Harry Potter and The Deathly Hallows» ֆիլմի նկարահանումները սկսած են 2009 թուականի, Փետրուարին եւ աւարտած է 2010 թուականի Յունիսին։ Ֆիլմի վերջին մասին համար Էմման ստացած է երեք մրցանակ Teen Choice Award-ին կողմէն։
Էմմա Ուաթսընի առաջին դերը Հարրի Փոթըրէն դուրս եղած է 2007 թուականին Բալետի կօշիկներ ֆիլմին մէջ։ Այս ֆիլմին մէջ Էմման խաղցած է, դերասանուհի Պաուլինայ Ֆոսսիլի՝ երեք քոյրերուն աւագի դերը, որոնց շուրջ կը կատարուէին իրադարձութիւնները։ Այս մէկին մասին Էմման ըսած է.««Հարրի Փոթըրը եւ Փիւնիկեան միաբանութիւնը» ֆիլմի նկարահանումներէն յետոյ ես կը պատրաստուէի վերադառնալ դպրոց, բայց չկարողացայ հրաժարիլ «Բալետի կօշիկներ»-էն։ Ես իսկապէս սիրեցի այդ դերը։» (բնագիր. "I was all set to go back to school after finishing Harry Potter [and the order of the Phoenix] but couldn’t resits Ballet Shoes. I really loved it" )։ Ֆիլմը ցուցադրուած է BBC ալիքէն, բայց մեծ յաջողութիւններու չէ հասած։ Էմմա Ուաթսընը մասնակցեցաւ նաեւ «Դեսեպրոյի արկածները» ֆիլմին։ Այնտեղ Ան կը մարմնաւորէր արքայադուստր Գորոշինկային։ Էմման «7 օր ու գիշեր Մերելինի հետ» ֆիլմին մէջ կատարած էր ոչ մեծ դեր։ Նկարահանումները եղած են քանի մը օր։
2012 թուականին Ուաթսընը հաստատած է, որ ստացած է Նոյի դստեր դերը «Նոյ» ֆիլմին մէջ։ 2012 թուականի Սեպտեմբերին դուրս եկած է «Լաւ է ըլլալ հանդարտ» ֆիլմը, որտեղ Էմման խաղացած է Սեմի դերը։
Մօտելի գործընթացքը Խմբագրել
2008 թուականէն սկսեալ Էմմային սկսած է հետաքրքրել մօտայի աշխարհը։ 2008 թուականի Սեպտեմբերին ան կը գրէ. «Ես կը խորանամ արուեստի մէջ ընդհանրապէս եւ մօտային՝ մասնաւոր»։ Արդէն 2005 թուականէն Ուաթսընը սկսածէ մօտելի ընթացքը՝ նկարուելով Teen Vogue ամսագրին համար։ Նոյն տարուան Յունիսին ան հաստատեց այն լուրը, թէ ան պիտի համագործակցի Burberry նորաձեւութեան տան հետ։ Էմման դարձաւ 2009 թուականին աշուն-ամառ հագուստներու դէմքը[8][9][10]։ 2010 թուականին դերասանուհին եղած է գարուն-ամառ հաւաքածոյի դէմքը եղբօր՝ Ալեքսի, մօտել Մաքս Հարդի, երաժիշտներու Ջորջ Կրեյգի ու Մեթ Գիլմերի հետ[11]։
Գերմանացի ձեւաւորող Գառլ Լագէրֆելդ-ը Էմմային կ'անուանէ «իսկական անգլիական վարդ»։ 2011 թուականի Մարտին ներկայացուց ֆրանսական Lancôme օծանելիքը։
Անձնական կեանքը Խմբագրել
Էմմայի ծնողները ամուսնալուծուած են։ Անոնց իւրաքանչիւրը ունի նոր ընտանիք ու երեխաներ։ Հօր մօտ՝ երկուորեակներ Նինան ու Լիւսին եւ չորսամեայ որդին՝ Տոբին։ Մօր մօտ՝ երկու տղաներ, որոնք կ'ապրին Էմմայի հետ։ Էմմայի եղբայր Ալեքսանտրը քանի մը դրուագ խաղացած է Հարրի Փոթըր ֆիլմերուն մէջ, իսկ քոյրերը (Նինան եւ Լիւսին) խաղացած են Բալետի կօշիկներ ֆիլմին մէջ, որ ցուցադրուեցաւ BBC-ով 2007 թուականին։ «Հերի Փոթըր» ֆիլմը Էմմային բերաւ 10 միլիոն եուրօ, եւ, իր խօսքերով, կրնայ չաշխատիլ ամբողջ կեանքի ընթացքին եւ ապրիլ հանգիստ այդ գումարով։ Սակայն Ան չընդունեց առաջարկը որ հեռանայ դպրոցէն, որպէսզի ամբողջ իր ժամանակը տրամադրեր նկարահանումներու։ «Մարդիկ չեն կրնար հասկնալ, ինչու ես չեմ ուզեր այս մէկը ընել... սորվելով դպրոցին մէջ ես կրնամ կապը պահել իմ ընկերներուս հետ։ Դպրոցին մէջ ես կ'ապրիմ իսկական կեանք»:
Էմման կը խոստովանէ, որ 10-12 տարեկանին սիրահարուած է իր աշխատակիցին Թոմ Ֆելթօնին, որ Հարրի Փոթըր-ին մէջ մարմնաւորուած է որպէս Տրաքոյ Մալֆոյ։ Յայտնի է, որ 2011-2013 թուականներուն Էմմա Ուաթսընը հանդիպած է Օկսֆորտի համալսարանի, Ուիլլ Ադամովիչի հետ։ 2014 թուականին դերասանուհին հանդիպած էր Մեթյու Ջեննի հետ, սակայն շուտով դերասանուհին որոշած է բաժանուիլ:
2015 թուականի Փետրուարին լուրեր կը շրջէին, որ Էմման գաղտնի կը հանդիպի արքայազն Հերիի հետ, բայց Էմման ժխտեց այս լուրը:
Էմման կը սիրէ իտալական խոհանոցը եւ տուրմը։ Կը սիրէ կարդալ գիրքեր, բայց չի տարուիր գրականութեամբ: Շատ կը սիրէ արուեստ եւ երաժշտութիւն։ Էմմայի կուռքը եւ ամենասիրելի դերասաններէն մէկն է Ճուլիա Ռոբերտը։
Ֆիլմագրութիւն Խմբագրել
Դերակատարումներ Խմբագրել
Ծանօթագրութիւններ Խմբագրել
- ↑ 1,0 1,1 filmportal.de — 2005.
- ↑ 2,0 2,1 GeneaStar
- ↑ 3,0 3,1 Munzinger Personen
- ↑ 4,0 4,1 4,2 Deutsche Nationalbibliothek Record #131379097 // Gemeinsame Normdatei — 2012—2016.
- ↑ 5,0 5,1 5,2 Emma Watson: ambassador with the magic touch // The Guardian — UK: GMG, 2014. — ed. size: 161152 — ISSN 0261-3077
- ↑ 6,0 6,1 6,2 http://www.tvguide.com/celebrities/emma-watson-149304/credits/
- ↑ http://www.nytimes.com/2010/12/07/fashion/07iht-flace.html
- ↑ Nicholl Kate (12 April 2009)։ «That's magic – Potter star Emma Watson makes her competition vanish»։ Daily Mail (UK)։ արտագրուած է՝ 2009 թ․ ապրիլի 12
- ↑ «Burberry and Hermione photos»։ Emma Watson official website news։ 13 June 2009։ արխիւացուած է բնօրինակէն-էն՝ 2012-09-08-ին։ արտագրուած է՝ 2010 թ․ ապրիլի 17
- ↑ Craik Laura (9 June 2009)։ «Harry Potter star Emma Watson charms Burberry»։ Evening Standard (London)։ արխիւացուած բնօրինակէն 12 June 2009-ին։ արտագրուած է՝ 2009 թ․ հունիսի 28
- ↑ Alexander Hilary (5 January 2010)։ «Emma Watson is Burberry's spring/summer 2010 poster girl»։ The Daily Telegraph (UK)։ արտագրուած է՝ 2010 թ․ ապրիլի 17