Միլա Եովովիչ
Միլիցա Եովովիչ, ծանօթ է իբրեւ Միլա Եովովիչ (անգլերէն՝ Milla Jovovich), (17 Դեկտեմբեր 1975[1][2][3], Քիեւ, Խորհրդային Միութիւն[4]), ամերիկեան դերասանուհի է ռուս-սերպական ծագումով, ինչպէս նաեւ երաժիշտ, մոտել եւ հագուստներ յարդարող։ Հանդիսատեսին ծանօթ է «Հինգերորդ Տարրը», «Ժանն տ'Արք», «Հրացանակիրները» եւ «Չարի Կացարան» ֆիլմերէն։
| Միլա Եովովիչ Lua–ի սխալ՝ expandTemplate: template "lang-sr-cyrl" does not exist։ | |
|---|---|
.jpg) | |
| Ծննդեան անուն | ուքր.՝ Милиця Богданівна Йовович |
| Ծնած է | 17 Դեկտեմբեր 1975[1][2][3] (48 տարեկան) |
| Ծննդավայր | Քիեւ, Խորհրդային Միութիւն[4] |
| Քաղաքացիութիւն |
 Ամերիկայի Միացեալ Նահանգներ Ուքրանիա |
| Ազգութիւն | Չեռնոգորցիներ?[5] եւ Ռուս[5] |
| Մայրենի լեզու | ուքրաներէն, անգլերէն եւ ռուսերէն |
| Տեսակ | փոփ երաժշտութիւն, ֆոլկ ռոք?, ալտերնատիվ ռոք? եւ սոֆթ ռոք? |
| Մասնագիտութիւն | կինոդերասանուհի, մարդապատկեր, երգչուհի, հեռուստատեսային դերասան, ֆոտոմոդել, Հնչիւնաւորող, Գործադիր արտադրող, կիթառահար, Երգահան, գլամուրային մոդել, ժապաւէնի բեմադրիչ |
| Ամուսին | Լյուկ Բեսոն? եւ Փոլ Ուիլյամ Սքոթ Անդերսոն? |
| Ծնողներ | հայր՝ Bogdan Jovovich?, մայր՝ Գալինա Յովովիչ? |
| Երեխաներ | Ever Anderson Jovovich?, Dashiel Edan Anderson? եւ Osian Lark Elliot Jovovich-Anderson? |
| Կայքէջ | millaj.com(անգլերէն) |
Եովովիչ ծնած է Քիեւ, հինգ տարեկանին, իր ծնողներուն հետ բնակութիւն հաստատած է ԱՄՆ-ի մէջ։ 1987-ին՝ 12 տարեկանին, Միլա կը դառնայ մոտել Herb Ritts-ի մէջ, ուր զայն կը լուսանկարէին իտալական ամսագիրի համար։[6][7] Ռիչարտ Աւետըն անոր դեր տուած Revlon-ի «Աշխարհի Ամէնէն Անմոռանալի Կիները» խորագրով ծանուցումին մէջ։[8] 1988-ին Եովովիչ ստացաւ իր առաջին դերը «Գիշերային Գնացք Դէպի Կատմանտու» պատկերասփիւռի ֆիլմին մէջ, իսկ մէկ տարի ետք նկարահանուեցաւ «Երկու Լուսիններու Միաձուլումը» ֆիլմին մէջ։
Եովովիչի ուշադրութեան արժանի դերը 1991-ին «Վերադարձ Դէպի Երկնագոյն Ծովալճակ» ֆիլմի մէջ էր, ուր ան 15 տարեկան էր։[9] Կը կարծուի, որ անոր նշանակալից դերը 1997-ին լոյս տեսած «Հինգերորդ Տարրը» ֆիլմի մէջ էր, որուն թատերական ուրուագիծը գծողն ու բեմադրիչը Լիուք Պեսոնն էր։ Այդ թուականին ալ Միլան ամուսնացաւ Պեսոնի հետ, սակայն անոնց միութիւնը երկար չտեւեց։ 1999-ին Միլան Ժանն տ'Արքի դերով հանդէս եկաւ «Ժանն տ'Արք» ֆիլմին մէջ։
2002-ին Եովովիչ նկարահանուեցաւ «Չարի Կացարան» գիտական առասպելական եւ սարսափի ոճի ֆիլմի մէջ, որը ստեղծուած էր Resident Evil համակարգչային խաղի հիման վրայ։ Ֆիլմը հաւանութեան չարժանացաւ քննադատներու կողմէ[10][11], բայց առեւտրական յաջողութիւն ունեցաւ։[12] 2004-ին եւ 2012-ին ան կրկին Էլիսի դերով հանդէս եկաւ ֆիլմաշարի շարունակութիւններուն մէջ։[13]
1994-ին Միլան թողարկած է The Divine Comedy ալպոմը։ Այնուհետեւ ան նոր երգերու փորձնական տարբերակներ տեղադրած է իր պաշտօնական կայքին վրայ եւ աշխատանք ծաւալած է ֆիլմերու սաունտթրեքներու մարզին մէջ։ 2003-ին Եովովիչ եւ Քարմէն Հաւք բացած են Եովովիչ-Հաւք հագուստներու արտադրութիւններու խանութը։ Եովովիչ ունի իր սեփական շարժանկարչութեան ընկերութիւնը՝ «Creature Entertainment» անունով։[14]
Վաղ Կեանքը Եւ Ընտանիքը
ԽմբագրելՄիլա Եովովիչ ծնած է 1975-ին Քիեւ, Ուքրանիա ԽՍՀ-ի մէջ:[15] Անոր հայրը ազգութեամբ եղած է սերպ, իսկ մայրը` ռուս:[16]
1980-ին, երբ Միլան դեռ 5 տարեկան էր, անոր ընտանիքը քաղաքական պատճառներով կը լքէ Սովետական Միութիւնը[17] եւ բնակութիւն կը հաստատեն Լոնտոնի մէջ։ Անկէ ետք անոնք կը հաստատուին Սաքրամենթոյի մէջ եւ եօթը ամիս ետք կը տեղափոխուին Լոս Անճելըս: Տեղափոխութենէն քիչ ժամանակ ետք Միլայի ծնողները կ'ամուսնալուծուին։
1988-ին Միլայի հայրը յարաբերութիւններու մէջ էր արժանթինցի կնոջ հետ։ Անոնք ունեցան որդի, որ կնքեցին Մարքօ Եովովիչ անունով։[18][19] Ծնողներու ամուսնալուծութեան պատճառով Միլան իր եղբայրը քիչ տեսած է։[20]
Լոս Անճելըսի մէջ անոր մայրը՝ Կալինա Եովովիչ, դերասանի աշխատանք կը փնտռէր, բայց քիչ յաջողութիւններ ունէր, որովհետեւ լեզուին լաւ չէր կրնար տիրապետել։ Ի վերջոյ ան ձգեց դերասանի աշխատանքը եւ գումար վաստակելու համար սկսաւ զբաղիլ տուն մաքրելու աշխատանքով։ Միլայի երկու ծնողներն ալ իբրեւ խոհարար եւ տան մաքրող կ'աշխատէին բեմադրիչ Պրայըն տէ Փալմայի համար։[21] 1994-ին Միլայի հօր վրայ գործ հարուցուեցաւ Բժշկական ապահովագրութեան մէջ անթոյլատրելի գործողութիւն կատարելու համար, որուն պատճառով դատապարտուեցաւ 20 տարուան բանտարկութեան[22], բայց 5 տարի անց՝ 1999 թուականին, զայն ազատ արձակեցին։[23] Ըստ Միլայի «Բանտը օգտակար էր իրեն համար: Ան դարձաւ աւելի լաւ մարդ: Անիկա անոր կարելիութիւն տուաւ պահ մը կանգնիլ ու խորհիլ:»[24]
Միլան յաճախեց Լոս Անճելըսի դպրոցներէն մէկը եւ 3 ամիսէն սկսաւ ազատօրէն անգլերէն խօսիլ։[25] Դպրոցը անոր դասընկերները կը ծաղրէին, քանի որ եկած էր Սովետական Միութենէն։ «Ինծի կ'ըսէին համայնավար եւ ռուսական լրտես: Ես երբեք ու երբեք զանոնք չեմ ընդունած», կը յիշէ Միլան։[26] 12 տարեկանին Միլան վերջացնելով 7-րդ դասարանը դուրս կու գայ դպրոցէն եւ կը կեդրոնանայ բնորդի ասպարէզին վրայ, որ ան սկսած էր ինը տարեկանին։[27] Միլան ըսած է, որ պատանեկան տարիքին ան բուռն բնաւորութիւն ունէր, կ'օգտագործէր թմրանիւթեր, կը զբաղէր վայրագութեամբ եւ դրամատան քարտերով խարդախութիւններ կ'ընէր։[24] 1994 թուականին՝ 19 տարեկան հասակին, Միլան դարձաւ ԱՄՆ-ի քաղաքացի։[28]
Մոտելի Ասպարէզ
Խմբագրել
Միլան աշխատած է Ռիցի, Ռիչարտ Աւետընի եւ Փիթըր Լինտպըրկի հետ՝ նկարահանուելով ծանուցումներու տեսահոլովակներու մէջ։ Ծանուցումներու մէջ ունեցած յաջողութեան պատճառով անոր հետ աշխատանքային պայմանագիր կնքած են Vogue եւ Cosmopolitan ամսագիրները, ուր ան պէտք է հանդէս գար իբրեւ երիտասարդ մոտել։[17] Այդ պահէն սկսեալ անոր նկարները զարդարած են 100-է աւելի ամսագիրներու կողքեր, որոնցմէ են նաեւ նորաձեւութեան վերաբերող ԱՄՆ-ի բոլոր հիմնական ամսագիրները։[29] Ան աշխատած է Banana Republic, Christian Dior, Damiani, Տոնա Քարան, Gap, Վերսաչէ, Քելվին Քլայն, DKNY, Coach, Ճորճիօ Արմանի, H&M եւ Revlon յարդարողներու եւ ընկերութիւններու հետ։ 1998-էն սկսեալ Եովովիչը L’Oréal օծանելիքի «միջազգային խօսնակ» էր։
Եովովիչ 2002-ին եղած է յարդարող Միակիա Փրատայի մուսան:[30] 2003-ի յօդուածը կը պնդէր, որ ան հանդիսացած է Ճանի Վերսաչիի լաւագոյն սուփըրմոտելը։[14] 2004-ին, ըստ «Forbes» ամսագիրի Միլան 10.5 միլիոն տոլար աշխատավարձով կը հանդիսանար աշխարհի ամենահարուստ սուփըրմոտելը։[31]
2006-ին Եովովիչ գրաւեց «Mango» սպանական հագուստի ընկերութեան ուշադրութիւնը եւ դարձաւ անոնց խօսնակ-մոտելը։[32] Զայն նաեւ կարելի էր տեսնել Etro-ի ծանուցումներու մէջ։ Միլան նշած է. «Մոտելի աշխատանքը երբեք առաջնութիւն չէ ունեցած իմ մօտ»[33] եւ «անով վաստկած գումարս ինծի կարելիութիւն տուած էունենալ ընտրողի դեր՝ ստեղծագործական աշխատանքներու մէջ»:[14]
2012-ին Եովովիչ հանդիսացաւ ձեռքի ժամացոյցներու եւ ոսկեայ իրերու համաշխարհային ծանուցումի «Jacob&Co» ընկերութեան նոր դէմքը։[34]
Դերասանական Ասպարէզ
ԽմբագրելՎաղ Աշխատանք (1985–1993)
ԽմբագրելԵովովիչի մայրը իր դուստրը մեծացուցած է իբրեւ դերասան։[24] Կալինան Եովովիչը 10 տարեկանին տարած է դերասանական վարպետութեան դասերու։ Անկէ ետք Միլան գացած է երիտասարդ դերասաններու դասերու։[17][35][36]
1988-ին Եովովիչը Լիլի ՄաքԼէօտի դերով առաջին անգամ հանդէս եկաւ «Գիշերային Գնացք Դէպի Կատմանդու» ֆիլմին մէջ։ Քիչ մը ուշ նոյն տարուան մէջ Միլա ունեցաւ իր սկիզբը Երկու Լուսիններու Միաձուլումը սիրային սարսափի մէջ, ուր ան կը մարմնաւորէր Սամանթա Տելոնգպրէն։ Ան դերեր ունեցած է քանի մը հեռուստաշարերու մէջ, որոնցմէ են «Դրախտ» (1988), «Ամուսնացած է Երեխաներու Հետ» եւ «Փարքըր Լեւիս Զայն Չի Կորսնցներ» (1990) սերիալները։
15 տարեկանին Միլան Լիլի Հարկրեւի դերով հանդէս եկաւ «Վերադարձ Դէպի Երկնագոյն Ծովալճակ» (1991) ժապաւէնին մէջ, ուր անոր խաղընկերն էր Պրայըն Քրուզը: Եովովիչի տարիքն ու գեղեցկութիւնը նկատի առնելով զայն յաճախ համեմատած են Պրուք Շիլտսի հետ, որ եւս եղած էր երեխայ մոտել եւ դարձած էր դերասան, ինչպէս նաեւ հանդէս եկած էր «Երկնագոյն Ծովալճակ» բնօրինակ ֆիլմին մէջ։[37] Դերը վիճելի էր, քանի որ Միլան ֆիլմին մէջ հանդէս եկած էր մերկ վիճակի մէջ, ինչպէս որ հանդէս եկած էր Շիլտսը «Երկնագոյն Ծովալճակ» ֆիլմին մէջ։[26] Այս դերի համար Եովովիչ Երիտասարդ դերասան մրցանակաբաշխութեան ներկայացաւ «լաւագոյն երիտասարդ դերասանուհիի գլխաւոր դեր» անուանակարգին մէջ եւ միեւնոյն ժամանակ «վատագոյն նոր դերասան» անուանակարգին մէջ ներկայացաւ Ոսկիէ ազնուամորիի:
1992-ին Միլան Քրիսթիան Սլեթըրի հետ նկարահանուեցաւ «Քաֆս» կատակերգութեան մէջ։ Նոյն տարին աւելի ուշ ան մարմնաւորեց Միլտրըտ Հարիսը Չարլի Չափլինի մասին պատմող կենսագրական «Չափլին» ֆիլմին մէջ։ 1993-ին ան նկարահանուեցաւ Ռիչարտ Լինկլէյթըրի «Հաճոյքի Եւ Շփոթմունքի Մէջ» ժապաւէնին մէջ։ Ան կը մարմնաւորէր Միշէլ Պուրոութսը, որ կը հանդիսանար Փիկֆորտի ընկերուհին։ Նկարահանումներու ժամանակ Փիկֆորտին մարմնաւորած Շոն Էնդրիւն եւ Միլան եղած են յարաբերութիւններու մէջ։ Միլան տխրած էր, երբ անոր մասնակցութիւնը ֆիլմին մէջ կրճատեցին։[37] Յուսահատ, ան դադար առաւ շարժապատկերի ասպարէզէն[38] եւ տեղափոխուեցաւ Եւրոպա։ Այնտեղ ան սկսաւ աշխատիլ երաժշտութեան մարզին մէջ։
Ճանաչում (1997–2001)
Խմբագրել
Եովովիչ շարժապատկերի աշխարհ վերադարձաւ 1997-ին՝ հանդէս գալով ֆրանսացի բեմադրիչի գիտական եւ առասպելական «Հինգերորդ Տարրը» ֆիլմին մէջ, ուր անոր խաղընկերներն էին Պրիուս Ուիլիսը եւ Կարի Օլտմէնը: Ֆիլմի ուրուագիծն ու բեմադրիչը Լիուք Պեսոնն էր։ Միլան կը մարմնաւորէր այլմոլորակային Լիլուն, որ եկած էր աշխարհը փրկելու։ Եովովիչ ըսած է.« Ես կ'աշխատէի ինչպէս դժոխքի մէջ` ոչ ակումբ, ոչ հանգիստ,[39] որպէսզի կարենայի տպաւորել Պեսոն եւ ձեռք բերել դերը»: 14 Դեկտեմբեր 1997-ին Պեսոնն ու Միլան ամուսնացան, բայց հետագային ամուսնալուծուեցան։[37]
Եովովիչ իր դերի համար Պեսոնի հետ միասին ստեղծեց այլմոլորակային լեզուի աւելի քան 400 բառ։[37] Դերի համար անոր հագած հագուստը ստացաւ «ACE պանտաժ» անունը։ Հագուստը պատրաստուած էր Ժան Փոլ Կալաթերի կողմէ բժշկական վիրակապերով։[37][40] «Հինգերորդ տարրը» ֆիլմը ցուցադրուեցաւ 1997-ի Քաննի Շարժապատկերի Փառատօնի բացման ժամանակ եւ համաշխարհային շուկայի մէջ ձեռք բերաւ 263 միլիոն տոլար, որ երեք անգամ կը գերազանցէր ֆիլմի 80 միլիոն ելեւմտացոյցը։[41] Ֆիլմը կը գովաբանէին տեսանելի էֆեկտներու համար։ Քննադատ Ճէյմս Բերարդինելին գրած էր. «Եովովիչ տպաւորել է, հակառակ որ էֆեկտիվ չէր անոր խաղը և երկխօսութիւնները»:[42] «Blockbuster Entertainment» մրցանակաբաշխութեան Եովովիչը առաջադրուած է «Լաւագոյն կանացի սկզբնաւորութիւն», իսկ «MTV Movie» մրցանակին առաջադրուած է «Լավագոյն մարտ» անուանակարգերու մէջ։ Ֆիլմը ներշնչեց վիտէօխաղ արտադրողները, որոնք ստեղծեցին «The Fifth Element» խաղը։[43] 2003-ի հարցազրոյցի ընթացքին Եովովիչ ըսած է, որ Լիլուն իր նախասիրած դերն է։[44]
1998-ին Միլան նկարահանուեցաւ Սփայք Լիի «Ան Լաւ Կը Խաղայ» ֆիլմին մէջ, ուր ան կը մարմնաւորէր շահագործուող մարմնավաճառ Տակոտ Պըրնսը։ Ֆիլմին մէջ անոր խաղընկերներն էին Տենզըլ Ուաշինկթընը եւ Ռէյ Ալէնը: 1999-ին ան հանդէս եկաւ Լենի Քրաւիցի «If You Can't Say No» երգի տեսահոլովակին մէջ։ Նոյն թուականին ան վերադարձաւ մարտական ոճի ֆիլմերուն՝ մարմնաւորելով Ժանն տ'Արքի բեմադրիչ Լիուք Պեսոնի «Ժանն տ'Արք» ֆիլմին մէջ։ Միլան կտրեց մազերը եւ զրահով հանդէս եկաւ քանի մը լայնածաւալ մարտերու տեսարաններու մէջ։ Ընդհանուր առմամբ Եովովիչ իր դերի համար լաւ գնահատականներու արժանացաւ, չնայած որ Ոսկիէ ազնուամորին զայն ներկայացուց «Վատագոյն դերասանուհի» անուանակարգին մէջ։[37] Պատմական թատերգութիւնը բաւականին մեծ յաջողութիւն ունեցաւ համաշխարհային շարժապատկերի վարձոյթին մէջ՝ ձեռք բերելով 66 միլիոն տոլար։[45]
2000-ին Եովովիչ անհանգիստ Էլոիզի դերով հանդէս եկաւ «Միլիոն Տոլարնոց Պանդոկը» ֆիլմին մէջ, որուն ուրուագիծը հիմնուած էր Պոնոյի, U2 խումբի եւ Նիքոլաս Քլէյնի պատմութեան հիման վրայ։ Ֆիլմի բեմադրիչը Վիմ Վենտըրսն էր։ Եովովիչի հետ ֆիլմին մէջ հանդէս կու գային նաեւ Ճերեմի Տէյվիսն ու Մել Կիպսընը: Միլան ձայնագրած է ֆիլմի սաունտթրեքը։ Նոյն թուականին Լուսիայի դերով Միլան հանդէս եկաւ «Հաւանութիւն» (2000) բրիտանական ուեսթեռնին մէջ։ Յաջորդ տարի Կատինկայի դերով հանդէս եկաւ «Օրինակելի Արու» (2001) կատակերգութեան մէջ։
Միջազգային Յաջողութիւն (2002–2006)
Խմբագրել.jpg)
2002-ին Եովովիչ նկարահանուեցաւ Capcom համակարգչային խաղի ուրուագիծի վրայ հիմնուած «Չարի Կացարան» ֆիլմին մէջ, որ ԱՄՆ-ի մէջ լոյս տեսաւ 15 Մարտ 2002-ին։ Համակարգչային խաղը կը հանդիսանար «Չարի կացարան» խաղի շարքերէն մէկը։ Միլան կը մարմնաւորէր Էլիսը` ֆիլմի գլխաւոր հերոսուհին, որ կը մարտնչէր «Umbrella» ընկերութեան կողմէ ստեղծուած զոմպիներու դէմ։ Եովովիչ համաձայնեցաւ նկարահանուիլ ֆիլմին մէջ, քանի որ ինքն իր եղբօր հետ կը հանդիսանար այդ խաղի երկրպագուները։[46] Միլան ինք կատարած է ժապաւէնին իր հերոսուհիի բոլոր հնարքները, բացառութեամբ մէկ հատը, ուր իր հերոսուհին կը թռցնէ կուպրէ հարթակի վրայ։ Միլայի ղեկավարները զայն բաւականին վտանգաւոր հնարք համարած էին։[47] Բացի այդ Միլան ֆիլմի համար զբաղած է կարատէով, քիքպոքսինկով:[48] Ֆիլմը առեւտրական տեսանկիւնէն յաջողութիւն ունեցաւ։ Առաջին իսկ շաբթուան ընթացքին ֆիլմը վաստկեց 17 միլիոն տոլար, իսկ ընդհանուր առմամբ տեղական շուկայի մէջ վաստկեց 40 միլիոն, իսկ համաշխարհային շուկայի մէջ` 102 միլիոն տոլար։[49]
Այնուհետեւ Միլան հանդէս եկաւ կէնկըսթըր Էրինի կնոջ դերով «Տուն Թրքական Փողոցի Վրայ» (2002), Նատինի դերով «Դուն Ինչ Յիմար Ես» (2002) սիրային կատակերգութեան մէջ, պանկ ռոքըր Ֆանգորայի դերով «Տիկնիկ» (2003) ֆիլմերու մէջ։ Բացի այդ Միլան հնչիւնաւորած է «Բլուրի արքան» մուլտսերիալը։ «Տիկնիկ» ֆիլմին մէջ Եովովիչ նկարահանուեցաւ օսկարակիր Էտրիէն Պրոուտիի հետ։ Ան հեշտութեամբ մարմնաւորեց Ֆանգորայի դերը, քանի որ ըստ դերասանուհիի հերոսուհին իր սեփական կեանքի հետ ընդհանուր գիծեր ունէր։[44]
2004-ին Եովովիչ կրկին հանդէս եկաւ Էլիսի դերով` «Չարի կացարան 2՝ Ապոկալիփսիս» ֆիլմի մէջ։ Ֆիլմը դերասանուհիէն պահանջեց օրական երեք ժամ մարտարուեստի դասերու հետեւիլ[44] եւ երեք ամսուան մէջ հրաձգութիւն սորվիլ։[50] «Ապոկալիփսիսը» քննադատներու կողմէ աւելի բացասական կարծիքներու արժանացաւ, քան նախորդ ֆիլմերը, եւ առեւտրական տեսանկիւնէն ալ աւելի եկամտաբեր էր, քան առաջին ֆիլմը։ Ֆիլմի աւարտէն ետք Եովովիչ դժգոհ մնաց քննադատներու գնահատականէն եւ բեմադրիչ Ալեքսանդր Ուիթի ջանքերէն։[51] Այդ տարուան հարցազրոյցի ընթացքին Միլան ըսած է. «Մասնակցութիւնս մարտական ֆիլմերու մէջ կ'օգնէ իմ ասպարէզիս աճին, մինչ փոքրիկ, անկախ շարժապատկերի ստուտիաներու ֆիլմերը հոգ կը տանին իմ դերասանական տաղանդի աճին: Անիկա լաւ բան է:».[44] Յաջորդ տարի ան Յուլիա Տրուզիլլայի դերով հանդէս եկաւ Կոռ Վիտալի «Քալիկուլա» ֆիլմին նուիրուած թրէյլըրի մէջ։
2006-ին Եովովիչ հանդէս եկաւ «Անդրմանուշակագոյն» գիտական եւ առասպելական ֆիլմի մէջ, որ լոյս տեսաւ 3 Մարտին։ Միլան ֆիլմին մէջ կը մարմնաւորէր գլխաւոր հերոսուհու`ոստիկան Վիոլեթի դերը։ Ֆիլմը բաւականին հարուստ էր մարտնչելու տեսարաններով։ Ֆիլմը ցուցադրուեցաւ քննադատներուն, բայց վերջիններուս կողմէ ֆիլմը դրական գնահատականի չարժանացաւ։[52] Միջազգային շուկայի մէջ ֆիլմը ձեռք բերաւ 31 միլիոն տոլար եկամուտ։[53] Այդ նոյն տարուան մեջ Միլան նաեւ նկարահանուեցաւ «45 քալիպր» ֆիլմի մէջ, ուր կը մարմնաւորէր զէնքերու եւ թմրանիւթերու վաճառական սկովտիացի դերասան եւ տիճէյ ՄակՖայտընի վրիժառու կինը։
Նոր Դերերը (2007–այժմ)
Խմբագրել
2007-ին Եովովիչը երրորդ անգամ մարմնաւորեց Էլիսը «Չարի կացարան» ֆիլմաշարի «Չարի Կացարան» ֆիլմին մէջ։ Առաջին շաբթուան ընթացքին ֆիլմը ցուցադրուեցաւ 2,828 շարժապատկերի սրահներու մէջ եւ վաստակեց 24 միլիոն տոլար։[54] Ֆիլմը աւելի եկամտաբեր էր, քան նախորդ «Չարի կացարան 2: Ապոկալիփսիս» ֆիլմը, որ առաջին շաբաթը ցուցադրուած էր 3,284 շարժապատկերի սրահներու մէջ եւ վաստակած ընդամէնը 23 միլիոն տոլար։[55] 2006-ի հարցազրոյցներէն մէկուն ընթացքին Միլան ըսած է, որ ինք երկար ժամանակ պիտի չմասնակցի մարտական ֆիլմերու` ի մտի ունենալով հանդէս գալու զանազան դերերով, սակայն «Չարի կացարանի» շարունակութիւնը մօտիկ ապագային կարելի է։[56][57]
2009-ին Եովովիչ նկարահանուեցաւ Տէյվիտ Տուիի «Կատարեալ փախուստ» ֆիլմին մէջ, ուր անոր խաղընկերներն էին Քիլէ Սանչեսը, Թիմոտի Օլիֆանտը եւ Սթիւ Զանը: Միլան կը մարմնաւորէր Սիտնի Անտերսոնը։ Ֆիլմը թրիլեր էր չամուսնացած զոյգի (Միլա եւ Զան) Հաուայեան կղզիներու վրայ անցուցած մեղրամսի մասին։
Եովովիչ այնուհետեւ մարմնաւորեց Լուսետան` բանտարկեալի դերը, նաեւ կը մարմնաւորէ Էդուարդ Նորթոնի կինը «Սթոուն» հոգեբանական թատերգութեան մէջ։ Ֆիլմի գլխաւոր դերակատարը Ռոպերթ Տէ Նիրօն էր։ Ֆիլմի նկարահանումները սկսան Մայիս 2009-ին` Հարաւային Միչիկանի Ճէքսըն քաղաքի վերջերս փակուած ուղղիչ գաղութին մէջ։[58]
Այնուհետեւ Միլան մարմնաւորեց տոքթոր Ապիկէյլ Թայլըրը «Չորրորդ տեսք» գիտական եւ առասպելական թրիլերի մէջ[59] եւ գլխաւոր դեր ստանձնեց «Դէմքեր ամբոխում» հոգեբանական սարսափներու մէջ,[60] որուն բեմադրիչն ու ուրուագծողը Ճուլիան Մագնատն էր։[61] Վերջին ֆիլմին մէջ անոր հերոսուհին սերիական մարդասպանէն մազապուրծ եղած աղջիկ մըն էր, որ կը տառապէր փրոզապագնոզիայով, որուն պատճառով չէր կրնար դէմքեր զանազանել.[62]
Եովովիչ կրկին հանդէս եկաւ Էլիսի դերով[63] «Չարի կացարան» ֆիլմաշարի «Չարի կացարան 4: Կեանք Մահէն Ետք» ֆիլմին մէջ, որուն բեմադրիչն էր իր ամուսինը` Փոլ Ուիլիամ Սքոթ Անտըրսընը:[64] Անկէ ետք Միլան նկարահանուեցաւ «Անպիտան Աղջիկը» ֆիլմին մէջ, որուն շնորհահանդէսը տեղի ունեցաւ 12 Սեպտեմբեր 2010-ին` Թորոնթոյի շարժապատկերի փառատօնի ժամանակ։ Ֆիլմին մէջ անոր խաղընկերներն էին Ճունօ Թեմփլը, Ուիլիամ Մէյսին, Մերի Ստինպըրկընը եւ Թիմ ՄաքԿրօն:
Եովովիչ նկարահանուեցաւ Տէյվիտ Էլիսի «Վատ բախտ» ֆիլմին մէջ, որ նկարահանուած էր Տէյվիտ Ճ. Շոուի ուրուագիծի հիման վրայ։[65] Ան նկարահանուած է Ֆամքէ Եանսենի «Վատ մայրիկը» բեմադրական սկիզբը, ուր անոր խաղընկերն էր Մարսիա Քրոսը: Անկէ ետք ան նկարահանուեցաւ ռուսական «Ձեւահնարներ» կատակերգութեան մէջ։
2007-ին Եովովիչ պէտք է մարմնաւորէր Ամալիա Պեժետսկայան «Ձմեռնային թագուհին» ֆիլմին մէջ, սակայն նախագիծը յետաձգուեցաւ մինչեւ 2011, երբ դերասանուհին յայտնեց իր յղութեան մասին լուրը։ «Seven Arts» եւ «GFM Films» շարժապատկերի հարթակները յայտարարեցին, որ անոնք ջանք պիտի տանին ֆիլմի ստեղծման ուղղութեամբ, իսկ բեմադրիչը պիտի ըլլայ Ֆէօտոր Պոնդարչուկը:[66]
Միլան կրկին Էլիսի դերով հանդէս եկաւ «Չարի կացարան» ֆիլմաշարի «Չարի կացարան: Վրէժ» ֆիլմին մէջ, որ լոյս տեսաւ 14 Սեպտեմբեր 2012-ին։[67] Դերասանուհին անգամ մը եւս կը պատրաստուի հանդէս գալ ֆիլմաշարին մէջ, որուն հերթական ֆիլմը պիտի կոչուի «Չարի կացարան՝ Եզրափակիչ Գլուխ»:[68]
Երաժշտական Ասպարէզ
ԽմբագրելԵովովիչ երաժշտական ալպոմի վրայ աշխատած է 1988-ին, երբ ան պայմանագիր ստորագրեց SBK Records ընկերութեան հետ եւ տեմօ տարբերակ ձայնագրեց։[69] Օգոստոս 1990-ին տրուած հարցազրոյցի ընթացքին ան պնդեց, որ իրմէ սպասուող ալպոմը պիտի ներկայացնեն Քէյթ Պուշ, Շինէյտ Օ'Քոնոր, This Mortal Coil եւ Cocteau Twins ոճերու համադրութիւն։[70] SBK Միլայէն պահանջեց փոփ ոճի ալպոմ կազմել, սակայն Միլան բողոքեց, քանի որ կ'ուզէր օգտագործել իր պոեզիան եւ սեփական երաժշտական գործիքները։[69] «In a Glade» ալպոմին մէջ Եովովիչ ձայնագրեց այն երգերը, որ գրած էր տասնհինգ տարեկանին: Բացառութիւն կը կազմէր միայն ուքրանական ազգային երգերը։ 1994-ին իր առաջին անուան տակ Միլան թողարկեց «The Divine Comedy» ալպոմը, որուն անունը կը յղուէր Տանթէ Ալիկիերի համանուն Աստուածային Կատակերգութիւն էպոսին։ Եովովիչ վերնագիրը ընտրած էր ռուս նկարիչ Ալեքսիս Ստիլի առաջարկած անանուն ալպոմի էսքիզէն ետք։ Եովովիչ նկատած էր. «էսքիզը կը ներկայացնէ այն ողջ մարտը, որ ես կ'երգեմ: Այդ է Աստուածային Կատակերգութիւնը:»[69] «The Divine Comedy»-ն լաւ ընդունուեցաւ քննադատներու կողմէ, իսկ երաժշտութեան մէջ ուքրանական ֆոլքլորի առկայութիւնը հիմքեր տուաւ, որ Միլան համեմատեն Թորի Ամոս եւ Քէյթ Պուշ երաժիշտներու հետ։[21] Rolling Stone-էն Ճոն ՄաքԱլէյ ալպոմը հիանալի անուանեց`ըսելով, որ «բաւականին հասունցած էր հարուստ պատկերացումներով»:[71]
Եովովիչ թողարկած է «Gentleman Who Fell» թրեքը վերջինիս երաժշտական տեսահոլովակի հետ: Երաժշտական տեսահոլովակի սկզբնական բեմադրիչը Լիզա Պոնեթը, իսկ ապա Հարի Տին Ստենթընը, բայց Եովովիչ բաւարարուած չէր արդիւնքներով եւ որոշեց նոր տարբերակ թողարկել: «Gentleman Who Fell»-ը հիմնուած էր Մայա Տերենի «Կէսօրեայ Ցանցեր» (1943) կարճամեթրաժ ֆիլմի նիւթի հիման վրայ։ Տեսաահոլովակը ցուցադրուեցաւ MTV ալիքով: Եովովիչ 1994-ին գրեթէ ամբողջ ընթացքին ԱՄՆ-ի մէջ շրջագայութեան մէջ էր, որպէսզի յառաջ տանէր Toad the Wet Sprocket եւ Crash Test Dummies խումբերու ալպոմը, ուր նա փոքր աքուսթիք հատուածներ նուագած էր։ Եովովիչ որոշեց երաժշտութեամբ զբաղիլ աւելի փոքր եւ հանգիստ միջավայրի մէջ, այնպէս որ ան մերժեց Շաբաթ երեկոյեան ուղիղ եթերով ծրագրին իր հանդէս գալու հրաւէրը: Եովովիչ նաեւ համագործակցած է իր վաղեմի ընկեր, երաժիշտ Քրիս Պրենըրի հետ: Պրենըր եղած է «The Divine Comedy» ալպոմի համահեղինակը եւ երաժշտական շրջագայութեան կազմակերպողը: Միլան եւ Պրենըրը հանդիպած են 1993-ին եւ այդ ժամանակէն սկսեալ քանի մը տարբեր նախագիծերու մէջ համագործակցած են իրարու հետ:[72] «The Divine Comedy» ալպոմէն ետք Միլան որոշեց թողարկել նոր ալպոմ, որուն համար արդէն 10 պատրաստ երգ ունէր: Անիկա կը նախատեսուէր լոյս ընծայուիլ 1996-ի ամառը:[26][27] Չնայած որ 1998-ին Եովովիչ թողարկեց «The People Tree Sessions» ալպոմը, այդ մէկ ալպոմը տակաւին լոյս չէ տեսած:
1999-ին Եովովիչ Քրիս Պրենըրի հետ միասին «Plastic Has Memory» անունով փորձնական երաժշտական խումբ ձեւաւորեց, ուր Միլան երգեր գրեց, երգեց եւ նուագեց ելեկտրակիթառի վրայ:[73] Խումբի երգերը աւելի ծանր եւ մթին էին, քան ուքրանական ֆոլք երաժշտութեան էլեմենտները:[74] «Plastic Has Memory» խումբը մօտ տասներկու ելոյթ ունեցաւ Լոս Անճելըսի եւ Նիւ Եորքին մէջ Virgin Records-ի ալպոմի թողարկման համար:[75] Ալպոմին մէջ հանդէս եկած էր նաեւ Միք Ճակըրը:[76] Չնայած որ «Plastic Has Memory»-ին կազմեց «Hollywood Goes Wild» ալպոմը, խումբը երբեւէ ալպոմ չթողարկեց եւ խումբի գոյութիւնը երկար չտեւեց:[77]
Եովովիչը զբաղած է քանի մը ֆիլմերու սաունտթրեքներով, ինչպիսիք են օրինակ «Միլիոն Տոլարնոց Պանթոկը» (2000) եւ «Տիկնիկ» (2002) ֆիլմերը: Բացի այդ Միլան սաունտթրեքներ ներկայացուցած է ֆիլմերու համար, ուր ինք չէ նկարահանուած: Այդպիսի ֆիլմերէ է օրինակ «Ուրիշ աշխարհ» ֆիլմը: Սաունտթրեքի վրայ Միլան աշխատած է երաժիշտ Տենի Լոհնըրի հետ, որ քանի մը տարի կը հանդիսանար Nine Inch Nails խումբի պաս երաժիշտը: Եովովիչ յայտնի անձերէն մէկն է, որուն ձայնը կը հնչէ «We are Family» կազմին մէջ, որուն նպատակն է գումար հաւաքագրել Ամերիկեան Կարմիր Խաչի համար: Ան իբրեւ հրաւիրուած երաժիշտ հանդէս եկած է Տիպակ Չոփրայի «Former Lover» եւ The Crystal Method-ի «A Gift of Love II: Oceans of Ecstasy» (2002) «Legion of Boom» (2004) ալպոմներու մէջ:
2003-էն Եովովիչ աշխատած է Tool եւ A Perfect Circle խումբերու երաժիշտ Մայնարտ Ճէյմս Կինանի հետ` վերջինիս Puscifer նախագիծի վրայ[78]: «REV 22:20» թրեքը օգտագործուեցաւ քանի մը ֆիլմերու սաունտթրեքներու մէջ` բնօրինակ եւ ռեմիքս տարբերակներով:[79] 2009-ի Յունուարէն Միլան Մայնարտի եւ Տեննի Լոհնըրի հետ աշխատեցաւ Puscifer-ի «The Mission» թրեքի վրայ։ 13 Փետրուար 2009-ին Միլան Նեւատայի մէջ ելոյթ ունեցաւ Puscifer-ի առաջին կենդանի ելոյթի ժամանակ: Տեննի Լոհնըր եւ Քրիս Պրենըր թերեւս Միլայի հետ կը շարունակեն աշխատիլ նոր ձայնագրութիւններու վրայ:
Եովովիչ կը շարունակէ գրել նոր երգեր եւ անոնք ազատ տարբերակով MP3 ֆորմատով կը զետեղէ իր պաշտօնական կայքին վրայ։ Ան թոյլ կու տայ ազատօրէն ներբեռնելու երգերը, սակայն երգերու վաճառքի իրաւունքը կը պատկանի իրեն:[80]
Մայիս 2012-ին լոյս տեսաւ «Electric Sky» նոր սինկըլը:[81] 2012-ին երգը հաւական էր Life Ball-ի մրցանակին:
Նորաձեւութիւն
ԽմբագրելԵովովիչ եւ մոտել Քարմէն Հավք 2003-ին հագուստներու վաճառանիշ բացին, որ կը կոչուէր «Եովովիչ-Հավք»: 13 Սեպտեմբեր 2005-ին անոնք Նիւ Եորքի Գրինվիչ-Վիլիճի մէջ սրահ բացին: «Եովովիչ-Հավք»-ի հագուստները չորս տարի գոյատեւեցին: Ընկերութեան բոլոր հագուստներու յարդարողները Եովովիչն ու Քարմէն Հավքն էին: Կարի գլխաւոր արհեստանոցը կը գտնուէր Լոս Անճելըսի մէջ, բայց զգեսնտները կը վաճառուէին Լոս Անճելըսի Ֆրետ Սեկալի, Հարվէյ Նիկոլսի եւ աշխարհի շուրջ 50 խանութներու մէջ։ Vogue ամսագիրը գովերգած է հագուստներու վաճառանիշը, ըսելով, որ ուրիշներ նման արդիւնքի հասնելու համար տարիներ կ'ուզեն:[82]
Նոյեմբեր 2006-ին ԱՄՆ-ի երիտասարդ յարդարողներու խորհուրդը եւ «US Vogue»-ը «Եովովիչ-Հավք» ընկերութեան ներկայացուցին CFDA/Vogue նորաձեւութեան հիմնարկի մրցանակի: Սակայն ի վերջոյ «Եովովիչ-Հավք»-ի փոխարէն մրցանակի արժանացաւ Doo-Ri Chung ընկերութիւնը:[83]
2007-ին Եովովիչ եւ Հավք տարազ պատրաստեցին «Չարի Կացարան 3» ֆիլմի Միլայի կերպարի համար: Էլիսի կարճ տաբատի օրինակով հագուստներ հանուեցաւ վաճառքի 2007-ի գարնան: Այդ հագուստը ստացած էր «Էլիսի Աստղ» անուանումը:[84] 2007-ին «Եովովիչ-Հավք»-ը պայմանագիր ստորագրեց «Target Corporation Go» միջազգային ընկերութեան հետ հետեւելով Լուելլայի, Փաուլ եւ Ճոյի, եւ Փրոենզա Սչուլըրի օրինակներուն:[85]
2008-ի վերջերուն Եովովիչն ու Հավքը որոշեցին ձգել գործը, քանի որ անիկա կամաց-կամաց իրենցմէ աւելի շատ ժամանակ կը պահանջէր: Եովովիչ մեկնաբանեց. «Ես դերասան եմ: Ես այն անձերէն չեմ, որ կրնայ գործ ունենալ առեւտուրի եւ հարկային տուրքերու հետ:»[86]
Անձնական Կեանք
ԽմբագրելԵովովիչ ծնած է Ուքրանիոյ մէջ, երբ անիկա մաս կը կազմէր Սովետական Միութեան: Անոր հայրը չեռնոկորիացի բժիշկ էր[87], իսկ մայրը՝ ռուս դերասան:[16][88] Միլան բացի անգլերէնէն ազատօրէն կը խօսի ֆրանսերէն եւ քիչ մը ռուսերէն:[16][72][89][90] 2005-ին Միլան ըսած է. «Ես ունիմ ռուս մայր եւ ան յայտնի դերասան է ՍՍՀՄ-ի մէջ (Կալինա Լոկինովա): Եւ առաջին գիրքը, որ ես ընթերցած եմ, եղած է ռուսերէն: Ես դաստիարակութիւն ստացած եմ ռուսական դասական թատրոնի դպրոցին մէջ։ Ամէնէն իրապաշտ արուեստը Ստանիսլավսկիի ոճով ստեղծուած արուեստն է եւ ժամանակակից արուեստը հիմնուած է այդ սկզբունքի վրայ։ Ռուսերը կ'ուզեն գտնել ճշմարտութիւնը: Անիկա կը հանդիսանայ ռուսական մշակոյթի հիմքը: Ես երբեք այդ մէկը չեմ մոռնար, յատկապէս, որ ես ունիմ ռուսական արմատներ:»[88] 2005-ին Միլան հիմնեց հիմնարկ մը, որպէսզի օգնէ ուքրանացի երեխաներուն:[91] Իսկ իր մասին դերասանուհին ըսած է ինքն իրեն. «Ես ուժեղ ուքրանացի աղջիկ եմ եւ անոր համար շատ կ'աշխատիմ»:[91]
Եովովիչ ներկայիս կ'ապրի Լոս Անճելըսի եւ Նիւ Եորքի տուներու մէջ[92] իր ամուսին, ուրուագծող եւ բեմադրիչ Փոլ Ու. Ս. Անտըրսընի հետ, որուն հետ ան ամուսնացած է 22 Օգոստոս 2009-ին:[93] Անոնք հանդիպած են 2002-ին` «Չարի Կացարան» ֆիլմի նկարահանումներու ժամանակ, ուր Անտըրսըն ֆիլմի ուրուագծողն ու բեմադրիչն էր, իսկ Եովովիչ ֆիլմի գլխաւոր հերոսուհին էր:[94] 3 Նոյեմբեր 2007-ին Եովովիչն ու Անտըրսընը ունեցան առաջին երեխան: Դուստը կնքեցին Էւէր Կապօ անունով:[95] Երեխան ծնաւ Լոս Անճելըսի Սետերս-Սինայի բժշկական կեդրոնին մէջ:[96] 2015-ին ծնաւ անոնց երկրորդ դուստրը:[97]
Մինչ Անտըրսընի հետ յարաբերութիւնները՝ Եովովիչը 1992-ին ամուսնացած էր «Հաճոյքի Եւ Շփոթմունքի Մէջ» ֆիլմի խաղընկեր Շոն Էնտրիուսի հետ: Էնտրիուս այդ ժամանակ 21 տարեկան էր, իսկ Միլան`16: Երկու ամիս ետք ամուսնութիւնը չեղեալ նկատուեցաւ Միլայի մօր միջոցով:[98] Ամուսնալուծումէն կարճ ժամանակ ետք Եովովիչ տեղափոխուեցաւ Եւրոպա իր ընկերոջ, երաժիշտ, Քրիս Պրենըրի հետ: Այնուհետեւ 1994-ի Մայիսէն 1995-ի Հոկտեմբերը Միլան կ'ապրէր նոր ընկերոջ` Jamiroquai խումբի նախկին պասիստ Ստիուարտ Զենտըրի հետ:[22][72][99] 1995-էն 1997 ան կը հանդիպէր լուսանկարիչ Մարիօ Սորեթիի: 1997-ին Լոնտոնի մէջ Միլան ամուսնացաւ «Հինգերորդ Տարրը» ֆիլմի բեմադրիչ Լիուք Պեսոնի հետ: Ամուսնական արարողութենէն ետք անոնք անկարգելով թռիչք կատարեցին: Եովովիչ եւ Պեսոն ամուսնալուծուեցան 1999-ին:[14] 1998-էն 2001 ան ընկերութիւն կ'ընէր բանաստեղծ եւ երաժիշտ Աննօ Պիրկինի հետ: Եովովիչ եւ Պիրկին սիրային յարաբերութիւններու մէջ էին մինչեւ Պիրկինի մահը, որ տեղի ունեցաւ 8 Նոյեմբեր 2001-ին, ինքնաշարժի արկածէ:[37]
Միլան ըլլալով նախկին[100] ծխող,[101] փորձած է օրինաւոր դարձնել մարիկուանայի օգտագործումը: 1994-ին տպագրուած յօդուածին մէջ Միլան խոստովանած է, որ անոր միակ վատ սովորութիւնը ծխախոտի եւ մարիկուաննայի օգտագործումն է:[72]
Եովովիչ յաճախ կը զբաղի եոկայով եւ միտիտացիայով`փորձելով առողջ ապրելակերպ վարել: Միլան որեւէ կրօնի չի դաւանիր, բայց կ'աղօթէ եւ ինքն իրեն կը համարէ «ոգեղեն մարդ»:[51] Եովովիչ կը տիրապետէ պրազիլական ճիու-ճիցույի, ինչպէս նաեւ քանի մը այլ մարտաձեւերու: Միլան հրաժարած է վնասակար ճաշերէ եւ կը նախընտրէ զբաղիլ խոհարարութեամբ: Ան նաեւ հաճոյք կ'առնէ կիթառով երգեր նուագելէ եւ երգերու համար բանաստեղծութիւններ գրելէ:[102]
Ֆիլմագրութիւն
ԽմբագրելԴերակատարումներ
ԽմբագրելԱրտադրութիւններ
Խմբագրել| Թիւ | Ֆիլմի Անուն | Բնօրինակի Անուանումը |
|---|---|---|
| 1993 | Ճենտլմենը, որ Ինկաւ | Gentleman Who Fell |
| 2011 | Դէմքեր Ամբոխի Մէջ | Faces in the Crowd |
Սկաւառակագրութիւն
ԽմբագրելՍտուդիայի ալպոմներ.
- 1994: The Divine Comedy
- 1998: The People Tree Sessions
Երգեր
Խմբագրել- 1994: Gentleman Who Fell
- 1994: Bang Your Head
- 1994: It's Your Life
- 2012: Electric Sky
Մրցանակաբաշխութիւն
ԽմբագրելԵովովիչ առաջադրուած է բազմաթիւ մրցանակներու: 1992-ին ան Երիտասարդ դերասան մրցանակաբաշխութեան կողմէ առաջադրուած է «լաւագոյն երիտասարդ դերասանուհի» անուանակարգի մէջ «Վերադարձ Դէպի Երկնագոյն Ծովալճակ» ֆիլմի համար:[103] Նոյն դերի համար ան նաեւ առաջադրուած է Ոսկիէ Ազնուամորիի:
1998-ին Միլան «Հինգերորդ տարրը» ֆիլմի համար առաջադրուած է Սաթուրնի «լաւագոյն դերասանուհի»[104], «Blockbuster Entertainmen»t-ի կողմէ լաւագոյն նոր դերասանուհի[105] եւ MTV-ի կողմէ «լաւագոյն մարտի տեսարան» (Միլայի եւ այլմոլորակայիններու միջեւ) անուանակարգերու մէջ:[106] Նոյն դերի համար ան նոյնպէս առաջադրուած է Ոսկիէ Ազնուամորիի:[107]
2000-ին Ոսկիէ Ազնուամորիի կողմէ «Ժանն տ'Արք» ֆիլմի համար առաջադրուած է վատագոյն դերասանուհի անուանակարգի մէջ:
2002-ին Սաթուրնի կողմէ «Չարի կացարան» ֆիլմի համար առաջադրուած է «լաւագոյն դերասանուհի» անուանակարգի մէջ, իսկ 2008-ին «Scream»-ի կողմէ «Չարի կացարան 3» ֆիլմի համար արժանացած է «գիտական եւ երեւակայան մարտական ոճի ֆիլմի լաւագոյն դերասանուհի» անուանակարգի մրցանակի:
2010-ին «Scream»-ի կողմէ «Չորրորդ Տեսք» ֆիլմի մէջ տոքթոր Ապիկէյլ Թայլըրի կերպարի համար առաջադրուած է լաւագոյն սարսափի դերասանուհի անուանակարգի մէջ եւ «Hollywood Spotlight»-ի կողմէ արժանացած է լաւագոյն դերասանուհի անուանակարգի մէջ մրցանակի «Սթոուն» ֆիլմի մէջ Լուչետայի կերպարի համար:
2011-ին «Scream»-ի կողմէ «Չարի կացարան 4՝ Կեանք Մահէ Ետք» ֆիլմի համար արժանացած է մրցանակի գիտական եւ երեւակայական ոճի լաւագոյն դերասանուհի անուանակարգի մէջ։ 2012-ին «Teen Choice»-ի կողմէ առաջադրուած է «ընտրեալ ֆիլմի դերասանուհի» անուանակարգի:
| Տարի | Անուանակարգ | Մրցանակաբաշխութիւն | Ֆիլմ | Արդիւնք |
|---|---|---|---|---|
| 1992 | Լաւագոյն երիտասարդ դերասանուհի ֆիլմի մէջ | Երիտասարդ դերասան | Վերադարձ Դէպի Երկնագոյն Ծովալճակ | Առաջադրուած |
| 1998 | Լաւագոյն դերասանուհի | Սաթուրն | Հինգերորդ տարրը | Առաջադրուած |
| 1998 | Լաւագոյն կին սկսնակ | Blockbuster Entertainment | Հինգերորդ տարրը | Առաջադրուած |
| 1998 | Լաւագոյն կռիւ (ընդդէմ այլմոլորակայիններու) | MTV | Հինգերորդ տարրը | Առաջադրուած |
| 2003 | Լաւագոյն դերասանուհի | Սաթուրն | Չարի Կացարան | Առաջադրուած |
| 2008 | Գիտական եւ երեւակայական ոճի լաւագոյն դերասանուհի | Scream | Չարի կացարան 3 | Յաղթած |
| 2010 | Լաւագոյն դերասանուհի | Հոլիուուտի շարժապատկերի փառատօն | Սթոուն | Յաղթած |
| 2010 | Լաւագոյն սարսափի դերասանուհի | Scream | Չորրորդ տեսք | Առաջադրուած |
| 2011 | Գիտական եւ երեւակայական ոճի լաւագոյն դերասանուհի | Scream | Չարի կացարան 4՝ Կեանք Մահէ Ետք | Յաղթած |
| 2012 | Ընտրեալ ֆիլմի դերասանուհի՝ Մարտ | Teen Choice | Հրացանակիրները | Առաջադրուած |
Ծանօթագրութիւններ
Խմբագրել- ↑ 1,0 1,1 Discogs — 2000.
- ↑ 2,0 2,1 filmportal.de — 2005.
- ↑ 3,0 3,1 Munzinger Personen
- ↑ 4,0 4,1 4,2 Deutsche Nationalbibliothek Record #130895326 // Gemeinsame Normdatei — 2012—2016.
- ↑ 5,0 5,1 X — (untranslated), 2006.
- ↑ «Millaj:Purple Love»։ Purple magazine։ MillaJ.com։ 1990։ արտագրուած է՝ մայիսի 15, 2013
- ↑ Leon Sarah (հոկտեմբերի 19, 2011)։ «Milla Jovovich Magazine Cover, 1987: A Look Back»։ The Huffington Post։ արտագրուած է՝ մայիսի 15, 2013
- ↑ Dolan Maggie (դեկտեմբերի 17, 2013)։ «Milla Jovovich's Paper Covers, a Retrospective»։ Paper (magazine)։ արտագրուած է՝ մայիսի 9, 2015
- ↑ «Milla Jovovich Filmography»։ http://www.millaj.com։ MillaJ.com։ արտագրուած է՝ նոյեմբերի 28, 2013
- ↑ «Resident Evil (2002)»։ արտագրուած է՝ մայիսի 15, 2013
- ↑ Roger Ebert (2005-08-11)։ «Ebert's Most Hated»։ Chicago Sun-Times։ արխիւացուած է բնօրինակէն-էն՝ 2009-06-28-ին։ արտագրուած է՝ մայիսի 15, 2013
- ↑ «Resident Evil»։ Box Office Mojo։ Amazon.com։ արտագրուած է՝ մայիսի 15, 2013
- ↑ «Resident Evil: Afterlife Back to 2010»։ CraveOnline (ShockTilYouDrop.com)։ հունվարի 11, 2010։ արտագրուած է՝ մայիսի 15, 2013
- ↑ 14,0 14,1 14,2 14,3 «Milla's Tale»։ Harpers & Queen։ January 2003։ արտագրուած է՝ մայիսի 15, 2013
- ↑ «Mila Jovović peva zanimljive pesme»։ Glas Javnosti (Serbian)։ 2000-07-07։ արխիւացուած է բնօրինակէն-էն՝ 2011-07-27-ին։ արտագրուած է՝ մայիսի 15, 2013
- ↑ 16,0 16,1 16,2 50 facts about Milla Jovovich
- ↑ 17,0 17,1 17,2 Lopusina Marko (1998)։ «Holivud je srpsko selo»։ Svi Srbi sveta (Serbian)։ Belgrade: Princip։ ISBN 86-82273-07-1։ արխիւացուած է բնօրինակէն-էն՝ 2006-07-09-ին։ արտագրուած է՝ 2006-09-07[յղումը չկայ]
- ↑ Milla Jovovich (July 2002)։ Milla Jovovich։ Interview with J. Rentilly։ Gallery։ արտագրուած է՝ մայիսի 15, 2013
- ↑ «Frequently Asked Questions»։ millaj.com։ արտագրուած է՝ մայիսի 15, 2013
- ↑ «Milla Jovovich»։ E!։ արխիւացուած է բնօրինակէն-էն՝ 2007-12-15-ին։ արտագրուած է՝ 2007-12-28
- ↑ 21,0 21,1 Wang Jen։ «Thoroughly Modern Milla»։ California Style։ արտագրուած է՝ մայիսի 15, 2013
- ↑ 22,0 22,1 Morton Roger (June 1999)։ «The Real Life of Angels»։ Dazed & Confused (magazine)։ արտագրուած է՝ May 15, 2013
- ↑ Paperny Vladimir (May 2000)։ «Honest Milla»։ Vogue (Russia)։ արտագրուած է՝ 2007-11-19
- ↑ 24,0 24,1 24,2 Rumbold Judy (2007-08-04)։ «A Slav to love»։ The Daily Telegraph (London)։ արտագրուած է՝ May 15, 2013
- ↑ Eaton Anne (March 1988)։ «Dressed to Kill»։ Star (magazine)։ արտագրուած է՝ մայիսի 15, 2013
- ↑ 26,0 26,1 26,2 Cushing Colin (1996)։ «Just Milla, please»։ արտագրուած է՝ մայիսի 15, 2013
- ↑ 27,0 27,1 Milla Jovovich (1994)։ Jovovich, Milla – supermodel, actress, singer, songwriter։ Interview with Dominick A. Miserandino։ արխիւացուած է բնօրինակէն-էն՝ 2013-07-20-ին։ արտագրուած է՝ մայիսի 15, 2013
- ↑ Tyer Brad (դեկտեմբերի 15, 1994)։ «Milla in 3-D»։ Houston Press։ արտագրուած է՝ մայիսի 15, 2013
- ↑ «Profile of Milla Jovovich»։ Fashion Model Directory։ արտագրուած է՝ մայիսի 15, 2013
- ↑ Kelly Catherine (1997)։ «Milla's Melody: Multiple-Media-Threat Milla Jovovich Discusses Modeling, Music And Money»։ Oneworld։ արտագրուած է՝ May 15, 2013
- ↑ «Milla: The world's richest model»։ Forbes։ 2004-07-28։ արխիւացուած է բնօրինակէն-էն՝ May 15, 2013-ին։ արտագրուած է՝ May 15, 2013
- ↑ Jones Dolly (2006-05-11)։ «Milla for Mango»։ Vogue (magazine)։ արխիւացուած է բնօրինակէն-էն՝ 2007-10-11-ին։ արտագրուած է՝ May 15, 2013
- ↑ «The Official Milla Jovovich Website :: Allure June 1999»։ MillaJ.com։ արտագրուած է՝ May 15, 2013
- ↑ «Behind The Scenes Style! Milla Jovovich Models For Jacob & Co.»։ RadarOnline.com։ Radar Online
- ↑ «Lookout»։ People (magazine)։ June 1988։ արտագրուած է՝ May 15, 2013
- ↑ Lebowitz Lisa (September 1988)։ «Milla»։ Model։ արտագրուած է՝ May 15, 2013
- ↑ 37,0 37,1 37,2 37,3 37,4 37,5 37,6 «Milla Jovovich Biography»։ Yahoo!։ արխիւացուած է բնօրինակէն-էն՝ June 28, 2011-ին։ արտագրուած է՝ May 15, 2013
- ↑ «Dazed and Confused (1993)»։ millaj.com։ արտագրուած է՝ May 15, 2013
- ↑ Brill Amy (May 1997)։ «Hollywoodland»։ Premiere։ արտագրուած է՝ May 15, 2013
- ↑ «Modeling/Picture Gallery»։ millaj.com։ արտագրուած է՝ May 15, 2013
- ↑ «The Fifth Element»։ Box Office Mojo։ արտագրուած է՝ May 15, 2013
- ↑ Berardinelli James (1997)։ «The Fifth Element»։ reelreviews.com։ արտագրուած է՝ May 15, 2013
- ↑ «The Fifth Element (1993)»։ millaj.com։ արտագրուած է՝ May 15, 2013
- ↑ 44,0 44,1 44,2 44,3 Howell Peter (2003-09-08)։ «Even zombie killers are insecure»։ Toronto Star։ արտագրուած է՝ May 15, 2013
- ↑ «The Messenger: The Story of Joan of Arc»։ Box Office Mojo։ արտագրուած է՝ May 15, 2013
- ↑ «Resident Evil (2002)»։ millaj.com։ արտագրուած է՝ May 15, 2013
- ↑ Resident Evil DVD commentary (2002)
- ↑ Bradberry Grace։ «Modern Milla»։ InStyle։ արտագրուած է՝ May 15, 2013
- ↑ «Resident Evil»։ Box Office Mojo։ արտագրուած է՝ May 15, 2013
- ↑ Grove David (September 2004)։ «Alice Get Your Guns»։ Film Review (UK)։ արտագրուած է՝ May 15, 2013
- ↑ 51,0 51,1 Milla Jovovich (2007-09-26)։ Resident champions։ Interview with CM Punk։ արտագրուած է՝ May 15, 2013
- ↑ «Ultraviolet»։ Rotten Tomatoes։ արտագրուած է՝ May 15, 2013
- ↑ «Ultraviolet»։ Box Office Mojo։ արտագրուած է՝ May 15, 2013
- ↑ «Resident Evil: Extinction (2007)»։ Box Office Mojo։ արտագրուած է՝ May 15, 2013
- ↑ «Resident Evil: Apocalypse»։ Box Office Mojo։ արտագրուած է՝ May 15, 2013
- ↑ Germain David (23 September 2007)։ «'Resident Evil' rules weekend box office»։ USA Today։ Associated Press։ արտագրուած է՝ May 15, 2013
- ↑ Milla Jovovich Goes To Chateau Marmont On Friday Night Եություպի վրայ
- ↑ «De Niro, Norton film at Jackson prison»։ Detroit Free Press։ 20 May 2009։ արխիւացուած է բնօրինակէն-էն՝ 2014-09-06-ին։ արտագրուած է՝ 2009-11-12
- ↑ «Milla Jovovich Gets Shattered in 'Faces in the Crowd' Promo Art!»։ Bloody-disgusting.com։ արտագրուած է՝ May 15, 2013
- ↑ «Milla Jovovich Sees Faces in the Crowd»։ Dreadcentral.com։ 2009-10-28։ արտագրուած է՝ May 15, 2013
- ↑ «Milla Jovovich to Topline the Very Cool 'Faces in the Crowd'»։ Bloody-disgusting.com։ 2009-10-28։ արտագրուած է՝ May 15, 2013
- ↑ «Milla Jovovich FACES new terrors»։ Fangoria.com։ արխիւացուած է բնօրինակէն-էն՝ 2009-11-07-ին։ արտագրուած է՝ 2010-12-10
- ↑ «Milla Jovovich Tweeting from Resident Evil: Afterlife Set»։ Dreadcentral.com։ 2009-11-03։ արտագրուած է՝ May 15, 2013
- ↑ «Milla Jovovich Begins Tweeting from 'Resident Evil: Afterlife' Set»։ Bloody-disgusting.com։ 2009-11-03։ արտագրուած է՝ May 15, 2013
- ↑ «David R. Ellis on War Monkeys, Genesis Code and Bad Luck»։ Moviehole.net։ 2010-06-06։ արխիւացուած է բնօրինակէն-էն՝ 2012-08-14-ին։ արտագրուած է՝ May 15, 2013
- ↑ «Seven Arts Announces New Distribution Venture With GFM Films»։ Bloomberg L.P. (Hollywood)։ Marketwire։ 31 March 2011։ արխիւացուած է բնօրինակէն-էն՝ November 2, 2013-ին։ արտագրուած է՝ May 15, 2013։ «The Venture will formally launch at this year's Cannes Film Festival focusing its efforts on Seven Arts' upcoming titles including "The Winter Queen" to be directed by Fedor Bonderchuk and starring Milla Jovovich and "Neuromancer, " the sci-fi epic based on the best selling novel by William Gibson which will be directed by Vincenzo Natali.»
- ↑ Vlessing Etan (2011-08-16)։ «'Resident Evil 5' To Shoot In Toronto»։ The Hollywood Reporter
- ↑ Final Resident Evil Movie "Much More Gritty and Raw, " Milla Jovovich Says – GameSpot
- ↑ 69,0 69,1 69,2 «Milla's Music»։ millaj.com։ արտագրուած է՝ May 15, 2013
- ↑ «Milla»։ Rolling Stone (Australia)։ August 1990։ արտագրուած է՝ May 15, 2013
- ↑ McAlley John (April 1994)։ «The Divine Comedy»։ Rolling Stone։ արտագրուած է՝ May 15, 2013
- ↑ 72,0 72,1 72,2 72,3 Boardman Mickey (Summer 1994)։ «Generation Oxymoron»։ Paper։ արտագրուած է՝ May 15, 2013
- ↑ Lessing Pieter (June 1999)։ «West Hollywood, California June 17, 1999 review»։ millaj.com։ արտագրուած է՝ May 15, 2013
- ↑ Lewis Richard (June 1999)։ «Review from Richard Lewis' Concert Calendar»։ millaj.com։ արտագրուած է՝ May 15, 2013
- ↑ Ehrman Mark (1999-09-05)։ «Milla goes Luna»։ Los Angeles Times Magazine։ արտագրուած է՝ May 15, 2013
- ↑ Manning Kara (1999-11-11)։ «Milla Jovovich On The Bono-Mick Jagger Connection»։ MTV։ արխիւացուած է բնօրինակէն-էն՝ 2009-03-31-ին։ արտագրուած է՝ May 15, 2013
- ↑ «Plastic Has Memory»։ millaj.com։ արտագրուած է՝ May 15, 2013
- ↑ «James Maynard Keenan Cooks Up New Side Project Puscifer»։ Sony։ արխիւացուած է բնօրինակէն-էն՝ 2008-08-15-ին։ արտագրուած է՝ May 15, 2013
- ↑ «Rocket Collecting»։ millaj.com։ արտագրուած է՝ May 15, 2013
- ↑ «Current Demos»։ millaj.com։ արտագրուած է՝ May 15, 2013
- ↑ «Electric Sky – Single»։ Amazon.com։ արտագրուած է՝ May 15, 2013
- ↑ Vogue (September 11, 2006)։ «JOVOVICH HAWK SPRING/SUMMER 2007»։ Vogue։ արխիւացուած է բնօրինակէն-էն՝ September 27, 2007-ին։ արտագրուած է՝ 2006-10-03
- ↑ Jones Dolly։ «Fashion choices»։ Vogue։ արխիւացուած է բնօրինակէն-էն՝ October 11, 2007-ին։ արտագրուած է՝ May 15, 2013
- ↑ Ward Chris։ «Up close: milla jovovich»։ Wizard Entertainment։ արխիւացուած է բնօրինակէն-էն՝ June 21, 2007-ին։ արտագրուած է՝ May 15, 2013
- ↑ Lee Helen։ «Jovovich-Hawk to design a collection for Target»։ SASSYBELLA.com։ արտագրուած է՝ May 15, 2013
- ↑ «Find It, Keep It»։ Town & Country։ արտագրուած է՝ May 15, 2013
- ↑ «Mila Jovovic is from Vasojevici, Montenegro»։ Kurir։ 2014-04-24։ արտագրուած է՝ April 24, 2014
- ↑ 88,0 88,1 Я мечтаю сыграть Анну Ахматову։ russiannightsfest.com (Russian)։ April 11, 2005։ արտագրուած է՝ May 15, 2013
- ↑ Lopusina Marko (1998)։ «Holivud je srpsko selo»։ Svi Srbi sveta (Serbian)։ Belgrade: Princip։ ISBN 86-82273-07-1։ արխիւացուած է բնօրինակէն-էն՝ 2006-07-09-ին։ արտագրուած է՝ May 15, 2013։ «Srpski nikada nije dobro naucila, ruski joj je ostao maternji jezik»
- ↑ Milla on Die Harald Schmidt Show (March 19, 2002) Եություպի վրայ
- ↑ 91,0 91,1 «Milla Jovovich opens foundation for disabled children in Ukraine»։ English pravda.ru։ 2005-08-23։ արտագրուած է՝ May 15, 2013
- ↑ Callender Cat։ «Milla's crossing»։ The Daily Telegraph։ արտագրուած է՝ May 15, 2013
- ↑ Von Judith Bonesky (2009-07-30)։ «Milla Jovovich: Hochzeit in Los Angeles»։ Bild.de։ արխիւացուած է բնօրինակէն-էն՝ 2010-07-26-ին։ արտագրուած է՝ May 15, 2013
- ↑ «Milla Jovovich Gives Birth to Baby Girl»։ US Magazine։ 2007-11-04։ արխիւացուած է բնօրինակէն-էն՝ November 5, 2007-ին։ արտագրուած է՝ May 15, 2013
- ↑ «From Milla»։ millaj.com։ 2007-11-07։ արտագրուած է՝ May 15, 2013
- ↑ «From Milla»։ millaj.com։ 2007-10-25։ արտագրուած է՝ May 15, 2013
- ↑ «Milla Jovovich Instagram photos and videos»։ millajovovich։ 2015-04-02։ արտագրուած է՝ April 2, 2015
- ↑ «Milla Jovovich»։ newfaces.com։ արխիւացուած է բնօրինակէն-էն՝ July 26, 2019-ին։ արտագրուած է՝ May 15, 2013
- ↑ Musto Michael (1994-04-15)։ «Another Model with Aspirations»։ Entertainment Weekly։ արտագրուած է՝ May 15, 2013
- ↑ Jovovich Milla (February 28, 2012)։ «@ViniciusZini I quit smoking! I hve an e cig now and I'm already downed my nic levels by more than half!»։ Twitter։ արտագրուած է՝ May 15, 2013
- ↑ Zubtsova Jana (October 2003)։ «Milla, You’re No Angel»։ Domvoy (Russia)։ արտագրուած է՝ May 15, 2013
- ↑ «Milla's Sense of...»։ Celebrity (Germany)։ արտագրուած է՝ May 15, 2013
- ↑ «Thirteenth Annual Youth in Film Awards»։ Young Artist Foundation։ արտագրուած է՝ May 15, 2013
- ↑ Justin Sarachik (October 21, 2011)։ «Milla Jovovich Blasts Summit Entertainment for Ignoring 'Three Musketeers'»։ The Christian Post։ արտագրուած է՝ May 15, 2013
- ↑ 1996 Blockbuster Entertainment Awards Nominees Announced։ Billboard (magazine)։ January 17, 1998։ էջ 64։ արտագրուած է՝ May 15, 2013
- ↑ «1998 MTV Movie Awards»։ MTV։ արխիւացուած է բնօրինակէն-էն՝ January 26, 2015-ին։ արտագրուած է՝ May 15, 2013 Note: Click on the 'Winners' tab.
- ↑ «1997 Archive»։ Golden Raspberry Award։ August 23, 2000։ արխիւացուած է բնօրինակէն-էն՝ April 26, 2012-ին։ արտագրուած է՝ May 15, 2013
