Նոր Դար
«Նոր Դար», հասարակական-գրական թերթ։ Հրատարակուած է 1883-1916 (ընդհատումով), Թիֆլիսի մէջ։ Խմբագիր՝ Սպանդար Սպանդարեան։ 1893-1897 թթ. բազմաթիւ յօդուածներ հրապարակած է Արեւմտեան Հայաստանի ծանր վիճակի, Հայկական հարցի եւ հայերու կոտորածներու մասին։ Թերթը մտահոգութիւն յայտնած է հայերու պանդխտութեան եւ արտագաղթի վերաբերեալ։
1894-1895 թթ. լայնօրէն լուսաբանած է Սասունի իրադարձութիւնները, հայկական կոտորածները Տրապիզոնի, Կոստանդնուպոլսոյ, Մարաշի, Ակնի, Խարբերդի մէջ եւ այլուր։ Հրապարակուած են հաղորդումներ Արեւմտեան Հայաստանի մէջ բարենորոգումներ իրականացնելու ծրագրի, Հայկական հարցի նկատմամբ եւրոպական հասարակայնութեան ունեցած վերաբերմունքի մասին։ Թերթին մէջ արտատպուած են Է. Դիլոնի, Օ. Նովիկովայի յօդուածները, Սթիւենսոնի, Գլադստոնի եւ այլոց ճառերը։ Խօսելով Հայկական հարցին մէջ անգլիական կառավարութեան դիրքորոշման մասին՝ Սպանդար Սպանդարեանը նշած է, որ թէ Ռոզբերին, թէ Սոլսբերին, խառնուելով արեւելեան գործերուն, բացառապէս մտահոգուած են «զուտ անգլիական եւ միմիայն անգլիական շահերով» (1896, թիւ 86)։
1894 թուականի Դեկտեմբերէն «Նոր Դար»-ի մուտքը Թուրքիա արգելուած է[1][2]։
Ծանօթագրութիւններ
Խմբագրել- ↑ «Վիեննայի մենաստանի մամուլի շտեմարան- ՆՈՐ ԴԱՐ»։ արտագրուած է՝ 2023-01-16
- ↑ «Համահայկական թվանշային գրադարան»
Այս յօդուածի կամ անոր մէջ որոշակի յատուածի սկզբանական տարբերակը վերցուած է «Հայկական Հարց» Հանրագիտարանէն, որու նիւթերը թողարկուած են Քրիեյթիւ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ 
|