Պետրոս Զարոյեան

Պետրոս Զարոյեան (Պոլիս, 1903 - Փարիզ, 1986), ֆրանսահայ արձակագիր եւ գրադատ։

Պետրոս Զարոյեան
Ծննդեան անուն արեւմտ.՝ Պետրոս Զարոյեան
Ծնած է 6 Դեկտեմբեր 1903(1903-12-06)
Ծննդավայր Կոստանդնուպոլիս, Իսթանպուլ, Օսմանեան Կայսրութիւն
Մահացած է 29 Յունուար 1986(1986-01-29) (82 տարեկանին)
Մահուան վայր Սարսել
Քաղաքացիութիւն Flag of the Ottoman Empire (1844–1922).svg Օսմանեան Կայսրութիւն
Flag of France.svg Ֆրանսա
Ազգութիւն հայ
Ուսումնավայր Ազգային Կեդրոնական Վարժարան (Պոլիս)
Մասնագիտութիւն գրականագէտ, Խմբագիր, գրագէտ
Աշխատավայր Մելգոնեան կրթական հաստատութիւն
Մշակոյթ
Նոր հաւատք
Արեւմուտք
Անահիտ
Լուսաբաց
Հայ Միտք
Հօկ
Վարած պաշտօններ գլխաւոր խմբագիր, գլխաւոր խմբագիր, գլխաւոր խմբագիր եւ գլխաւոր խմբագիր

ԿենսագրութիւնԽմբագրել

Ծնած է Պոլիս։ Նախնական կրթութիւնը ստացած է Պալաթի Ազգ. «Խորէնեան» վարժարանին մէջ։ Այնուհետեւ, յաճախած է Ազգ. Կեդրոնական վարժարան, որուն ընթացքը աւարտած է 1922-ին։ Նոյն տարին անցած է Փարիզ:

Գրել սկսած է կանուխէն, 1919-ին, «Այգ» շաբաթաթերթթին մէջ։ Աշխատակցած է, Վահան Թէքէեանի խմբագրուեան օրով, Պոլսոյ «ժողովուրդի Ձայն»ը օրաթերթին, ու այդ թուականէն ասդին, զոյգ «Հայրենիք»ներուն (Պոսթըն), «Պայքար» օրաթերթին եւ համանուն պարբերաթերթին, «Անահիտ»ի, «Զուարթնոց»ի, «Մենք»ի, սփիւռքեան հանդէսներու եւ օրաթերթերու: Բանաստեղծ Ա. Սեմայի հետ 1935-ին հիմնած է «Մշակոյթ» ամսագիրը, իսկ Զարեհ Որբունիի հետ «Լուսաբաց» հանդէսը՝ 1938-1939-ին։ 1954-ին հրատարակած է «Հայ Միտք» կիսամեան։

1962-1964 դասախօսած է Կիպրոսի Մելգոնեան վարժարանին մէջ իբրեւ ուսուցիչ հայ եւ օտար գրականութեան։ Այնուհետեւ ապրած է Մարսէյլի մէջ մինչեւ իր մահը։

Գրական ստեղծագործութիւններուն (առաւելապէս պատմուածքներ) թէ գրական տեսութիւններուն մէջ, Պետրոս Զարոյեան հանդարտ դատումի, վիճակներն ու դէպքերը կեանքի իրականութեանց լոյսին տակ վերլուծող գրագէտն է։ Սեփական տեսակէտ, անհատական կարծիք ու համոզում ունենալով հանդերձ գրական իր տեսութեանց մէջ, առհասարակ անձնականութեան եւ զգացական տրամադրութիւններու չի յանձնուիր գնահատութիւններու եւ քննադատութեանց մէջ։

ԳործերըԽմբագրել

Հրատարակուած իր գործերն են «Մեռնողները», «Ակսել Բակունց», «Սեւ Ու Ճերմակ»[1]:

ԾանօթագրութիւններԽմբագրել

  1. Սփիւռքահայ արդի գրականութիւն (խմբ. խմբագրող և համադրող՝ Սեդա Ծաղիկեան-Տէմիրճեան), Միշիկըն էջ էջ 266-269։