Բացել գլխավոր ցանկը

Տիգրան Եսայեան (11 Հոկտեմբեր 1874(1874-10-11), Իսթանպուլ10 Օգոստոս 1921(1921-08-10), Փարիզ), հայ նկարիչ։ Զապէլ Եսայեանի ամուսինը[1]։

Տիգրան Եսայեան
Dikran Yesaian.png
Ծնած է 11 Հոկտեմբեր 1874(1874-10-11)
Ծննդավայր Իսթանպուլ, Օսմանեան Կայսրութիւն
Վախճանած է 10 Օգոստոս 1921(1921-08-10) (46 տարեկանում)
Մահուան վայր Փարիզ, Ֆրանսա
Քաղաքացիութիւն Flag of the Ottoman Empire.svg Օսմանեան Կայսրութիւն
Ազգութիւն Հայ
Մասնագիտութիւն նկարիչ
Ամուսին Զապել Եսայան

ԿենսագրութիւնԽմբագրել

Դարասկիզբի հայկական գեղանկարչութեան յայտնի դէմքերէն։ Ծնած է Կ.Պոլիս, ապրած ու գործած է Փարիզի մէջ, սակայն կանխահաս մահը կը հարուածէ զինք։

Եսայեանն մասնագիտական կրթութիւնն ստացած է Պոլսոյ գեղարուեստներու վարժարանէն ներս։ Երիտասարդ հասակէն եղած է գծագրութեան ուսուցիչ Ղալաթիոյ Կեդրոնական վարժարանին մէջ։ 1896-ին անցնելով Փարիզ, կատարելագործած է արուեստը, հետեւած Գեղարուեստի ազգային վարժարանի դասընթացքներուն՝ աշակերտելով Ժան Փոլ Լորանին (ֆր.՝ Jean-Paul Laurens, 1838-1921), սովորել Ժիւլիէն ակադեմիոյ մէջ։

Անոր ուշագրաւ նկարներէն են «Բիւզանդական գերեզմանատունը», «Սկիւտարի սեմին վրայ», «Պոլսի փողոցներէն մէկը», «Արեւելեան պէյզաժ» եւ այլն։

Հեղինակ է նաեւ գիրքի ձեւաւորումներու, թարգմանութիւններու։ Ինչպէս նաեւ զբաղած է նաեւ քանդակագործութեամբ։

Եսայեան տէր էր ուրոյն տպաւորապաշտ ոճի մը։ Իրնէ ունինք քաղաքային բնանկարներ։

Քանի մը տասնեակ գործեր կը պահուին Հայաստանի ազգային պատկերասրահին մէջ[2]։

ԾանօթագրութիւններԽմբագրել

  1. Գառնիկ Ստեփանեան (1973)։ Կենսագրական բառարան, հատոր Ա.։ Երեւան: «Սովետական գրող»։ էջ էջ 305 
  2. Ով ով է. Հայեր. Կենսագրական հանրագիտարան, հատոր առաջին, Երեւան, 2005 

ԱղբիւրԽմբագրել

  • Հայ Կեանք եւ Գրականութիւն, Յարութիւն Քիւրքճեան, երկրորդական բաժին Ա. տարի, էջ 213։
  • Հայ Հանրագիտակ, Հ. Մկրտիչ Վարդ. Պոտուրեան, 1939 Պուքրէշ, Դ. հատոր, էջ 694: