Քադմոս
Քադմոս (յուն․՝ Κάδμος)․ Թիվայի հիմնադիրը եւ առաջին թագուորը։ Փիւնիկէի Աղինոր թագաւորին եւ Թիլեֆասային (Նեղոսին դուստր) զաւակն է եւ Եւրոպային, Ֆինքասին, Գիլիքասին եւ Թասոսին եղբայրը։
| Քադմոս հին յուն․՝ Κάδμος | |
|---|---|
 | |
| Ծննդավայր | Սուր, Փիւնիկէ |
| Մասնագիտութիւն | թագաւոր |
| Վարած պաշտօններ | Թիվայի թագաւոր |
| Ամուսին | Արմոնիա |
| Ծնողներ | Աղինոր եւ Թիլեֆասա |
| Երեխաներ |
Բոլիդորոս Սեմելի Ինօ Աղաւի Իլիրիոս Աւթոնօի |
Հօրը կողմէն սերած էր Եգիպտոսի առասպելական թագաւոր Էփաֆոսէն (Զեւսին զաւակը)։
Դիցաբանութիւն
ԽմբագրելԸստ յունական դիցաբանութեան, երբ Զեւս՝ ցուլի կերպարանափոխուած, կ՛առեւանգէ Եւրոպան, Աղինոր իր տղոց կը հրամայէ զայն փնտռեն եւ առանց անոր ետ չվերադառնան։
Քադմոս իր մօր եւ եղբայրներուն հետ կը թափառին ամբողջ Էգէականը, սակայն չեն յաջողիր Եւրոպան գտնել։ Քադմոս, հետեւելով Տելֆի պատգամագուշակին պատուէրին, կը հետեւի կովի մը եւ Վիոթիա կը հասնի։ Կը սպաննէ վիշապը ու կը ցանէ անոր ակռաները․ արդիւնքն է առաջին բնակիչները ծնին։ Հոն կը հիմնէ Թիվա քաղաքը։ Քադմոսին ի պատիւ, Թիվային աքրոփոլիսը կ՛անուանուի Քադմիա։
Քադմոս կ՛ամուսնանայ Արիս՝ պատերազմի աստուծոյ եւ Աֆրոտիթիին աղջկան՝ Արմոնիային։ Անոնց հարսանիքին ներկայ կ՛ըլլան Ողիմպոսի 12 աստուածները եւ հարսին կ՛ընծայեն արժէքաւոր նուէրներ։ Քադմոս եւ Արմոնիա կ՛ունենան մէկ տղայ՝ Բոլիդորոս եւ չորս դուստրեր՝ Աղաւի, Աւթոնօի, Ինօ եւ Սեմելի։
Ըստ Իրոտոթոսին
ԽմբագրելԸստ Իրոտոթոսին Պատմութիւններուն (գիրք 5, Թերփսիհորի), այբուբենը Քադմոս Յունաստան բերած է եւ գիրերը կ՛անուանէ «քադմիա» կամ «ֆինիքիա»։
Իրոտոթոս, ժամանակագրականօրէն Քադմոսին կը տեղադրէ վեր ի վարոյ Ք․Ա․ 2000-ին, իսկ Էվսեվիոս կ՛ըսէ թէ Քադմոս Աթէնք եկած է Ք․Ա․1479-ին։ Ըստ Փարիօ ժամանակագրութեան, Քադմոս ծնած է Ք․Ա․ 1540-ին, իսկ Եորղոս Միսթրիոթիս դասական բանասէրը, ուսումնասիրելէ ետք Հոմերոսի եւ ուրիշ յոյներուն գրութիւնները, եզրակացուցած է թէ Քադմոս ապրած է Տրոյան պատերազմէն շատ առաջ (≈Ք․Ա․14-րդ դար)։
Աղբիւրներ
ԽմբագրելՀոմերոսեան դիւցազներգութիւններ, Եորղոս Միսթրիոթիս, 1867, էջ 119, 120
Ծանօթագրութիւններ
Խմբագրել- ↑ Իրոտոթոս պատմութիւններ, Թերփսիհորի, Ε, 58-59(յունարէն)
- ↑ Ափոլոտորոս Գրադարան, Β 1,3-4.(յունարէն)
- ↑ Յոյներուն հերոսները,Karl Kerényi, 1959, Լոնտոն, էջ 75(անգլերէն)
- ↑ Քադմոս եւ Արմոնիա՝ Իլիրիա Šašel Kos, Marjeta (1993)(անգլերէն)
- ↑ Իրոտոթոս Պատմութիւններ, գիրք 2, 2․145․4(անգլերէն)
- ↑ Իրոտոթոս Պատմութիւններ, գիրք 5,59․1(անգլերէն)
- ↑ Քադմոս,Henry George Liddell, Robert Scott, A Greek-English Lexicon(անգլերէն) եւ (յունարէն)