Զարեհ Մելքոնեան
Զարեհ Մելքոնեան (15 Օգոստոս 1922, Հալէպ, Սուրիա[1] - 30 Մարտ 2012, Fremont, Ալամետա, Քալիֆորնիա, Ամերիկայի Միացեալ Նահանգներ), բանաստեղծ, թատերագիր, հրապարակագիր։
| Զարեհ Մելքոնեան | |
|---|---|
 | |
| Ծնած է | 15 Օգոստոս 1922 |
| Ծննդավայր | Հալէպ, Սուրիա[1] |
| Մահացած է | 30 Մարտ 2012 (89 տարեկանին) |
| Մահուան վայր | Fremont, Ալամետա, Քալիֆորնիա, Ամերիկայի Միացեալ Նահանգներ |
| Քաղաքացիութիւն |
 Սուրիա Ամերիկայի Միացեալ Նահանգներ |
| Ուսումնավայր |
Հայկազեան Ազգային Վարժարան[1] Մելգոնեան Կրթական Հաստատութիւն[1] Պէյրութի Ամերիկեան Համալսարան |
| Մասնագիտութիւն | գրագէտ, թատերագիր |
| Աշխատավայր | Շիրակ |
Կենսագրութիւն
ԽմբագրելԶարեհ Մելքոնեան ծնած է Հալէպ, Սուրիա, 1923-ին։ Ուսանած է Ազգ. Հայկազեան նախակրթարանի, Մխիթարեան վարժարանի եւ Լիսէ Ֆրանսէի մէջ։ 1945-ին շրջանաւարտ եղած է Կիպրոսի Մելգոնեան Կրթական Հաստատութենէն:
Պէյրութի մէջ աւարտած է Ամերիկեան համալսարանը Պսակաւոր Արուեստից տիտղոսով՝ անգլիական գրականութեան մէջ եւ Մագիստոս Արուեստից տիտղոսով՝ մանկավարժութեան ճիւղէն։
Ուսուցչութեան ասպարէզին նուիրուած է եւ հայոց լեզու ու գրականութիւն աւանդած՝ ՀԲԸՄ-ի Պէյրութի «Յովակիմեան-Մանուկեան» եւ «Դարուհի Յակոբեան» երկրորդական վարժարաններուն մէջ։ Իսկ 1964- 1968 տնօրէնութեան պաշտօն վարած է «Դարուհի Յակոբեան» վարժարանին մէջ մինչեւ Տիթրոյիթ հաստատուիլը։ Միջոց մը վարած է «Ալեք Մանուկեան» Մշակութային Հիմնադրամի քարտուղարութեան պաշտօնը։
|
Սորված եւ ուսուցանած եմ իր պատրաստած ԳՈՐԾՆԱԿԱՆ ՔԵՐԱԿԱՆՈԻԹԻՒՆ ԱՐԴԻ ՀԱՅԵՐԷՆ ԼԵԶՈՒԻ ԴԱՍԱԳԻՐՔԵՐԸ։ Յիշատակը վառ մնայ միշտ։ | 
|
ՇԻՐԱԿ Ամսագրի Խմբագրութիւն
ԽմբագրելԶարեհ Մելքոնեան ութ տարի վարած է խմբագրութիւնը Պէյրութի «Թէքէեան» մշակութային միութեան «Շիրակ» ամսագրին եւ հրապարակագրական, գրադատական, մանկավարժական եւ յուշագրական յօդուածներով աշխատակցած՝ Պէյրութի «Զարթօնք», Գահիրէի «Արեւ», Պոսթընի «Պայքար» եւ Գալիֆորնիոյ «Նոր Օր» թերթերուն։[2]։
Երկեր
Խմբագրել- Ա. Բանաստեղծութիւն.
«Ես Եւ Մարդիկ» (1943)
«Ջրհեղեղէն յետոյ» (1947)
«Երջանկութիւն» (1950)
«Քերթուածքներ» (1962)
«Մինչեւ ափերը անկարելիին» (1967)
«Լեռներ վիհերու մէջ» (1978)
«Ծնծղաները ոչինչին» (1982)
- Բ. Թատերգութիւններ.
«Սիրոյ ցանցին մէջ» (1962)
«Անգոյ հետքեր» (1962)
«Ահա այսպէս ապրեցանք» (1972)
«Զմռսուած երազներ» (1976)
«Պրն. Ժոզէֆ Քարեան» (1978)
«Բանալիներ» (1979)
«Այդ գիշեր» (1980)
«Արտաւազդին հայրը» (1981)
«Մեծ ժողովը» (1982)
«Ֆրէօյտի զաւակները» (1982)
Հեղինակն է նաեւ հայերէն լեզուի եւ քերականութեան դասագիրքերու։
Զարեհ Մելքոնեան օժտուած է բանաստեղծական բարձր թեքնիքով եւ զգացական ու իմացական կարողութեամբ։ Դասական ստեղծագործութեան աւանդութիւնը պահելով հանդերձ, միեւնոյն ատեն կը ձգտի արդիականութեան եւ իրապաշտութեան։
Զարեհ Մելքոնեան հարուստ է ապրումներով, որոնք անցողիկ ու պարագայական չեն, ներանձնական կեանքէն սկիզբ կ’աոնեն, հոն կը կուտակուին, կը խմորուին, կը զտուին ու բաոի կուգան աոանց ճիգի, պահելով իրենց անխառն ինքնութիւնը, սակայն իր գլխաւոր տկարութիւնը՝ զգացումներու անզուսպ զեղումն ու մտքէն դէպի գրիչ հոսող գաղափարներու անհակակշիո ծաւալումն է թուղթին վրայ։
|
|
Զարեհ Մելքոնեան՝ սիրուած եւ արժէքաւոր բանաստեղծ, բոցավառ եւ սուր միտք: - Արա Ճուհարեան
|
|
Ծանօթագրութիւններ
Խմբագրել- ↑ 1,0 1,1 1,2 1,3 1,4 Հայկական սովետական հանրագիտարան — Երևան: 1981. — հատոր 7. — է. 396.
- ↑ Սփիւռքահայ Արդի Գրականութիւն (խմբ. խմբագրող եւ համադրող՝ Սեդա Ծաղիկեան-Տէմիրճեան), Միշիկըն, «Ռօյըլ Օք», 1994։