Հրանդ Ք. Արմէն
Հրանդ Ք. Արմէն (1 Յունուար 1895[1], Կեսարիա, Թուրքիա - 1973, Տիթրոյթ, Միշիկըն, Ամերիկայի Միացեալ Նահանգներ), հայ պատմաբան մըն է:
| Հրանդ Ք. Արմէն | |
|---|---|
 | |
| Ծնած է | 1 Յունուար 1895[1] |
| Ծննդավայր | Կեսարիա, Թուրքիա |
| Մահացած է | 1973 |
| Մահուան վայր | Տիթրոյթ, Միշիկըն, Ամերիկայի Միացեալ Նահանգներ |
| Քաղաքացիութիւն |
.svg){kind=small} Օսմանեան Կայսրութիւն Ամերիկայի Միացեալ Նահանգներ |
| Ուսումնավայր | Ուէյն Սթէյթ Համալսարան |
| Մասնագիտութիւն | պատմաբան, իրաւաբան, հայագէտ |
Կենսագրութիւն Խմբագրել
Հրանդ Ք. Արմէն 1911-ին կ՛անցնի Ամերիկայի Միացեալ Նահանգները, ուր շրջան մը իր երէց եղբօր մօտ՝ ալիւրաղացի մէջ աշխատելէ ետք, կը մտնէ Ամերիկեան բանակ, զինուորական իր ծառայութիւնը կատարելու: 1931-ին որպէս Իրաւագիտութեան ուսանող, մուտք կը գործէ Տիթրոյթի Համալսարանը, զոր կ՛աւարտէ երեք տարիներու մէջ:
Իրաւանաբական ասպարէզին կողքին, Հրանդ Ք. Արմէն կը նուիրուի հայ ժողովուրդի պատմութեան սերտողութեան: Իր ամբողջ ուշադրութիւնը կեդրոնացնելով Արտաշէսեան, Արշակունեան Մարզպանական Հայաստանի վրայ, հետեւողականօրէն ան կը փորձէ լոյսին բերել տուեալ ժամանակաշրջանի միջազգային ու հայկական քաղաքական անցուդարձերը, միշտ ապաւինած հայ եւ օտար սկզբնաղբիւրներու վկայութեանց, որոնց հանդէպ իր դիրքորոշումը կը յայտնաբերէ հմուտ պատմաբանի կողքին նաեւ յանդուգն իրաւագէտը:
Հրանդ Ք. Արմէն, որ հետեւեալ բառերու մէջ խտացուցած էր իր կեանքը՝ «օրապահիկս օրէնսգիտութիւն, հոգեպահիկս՝ հայոց պատմութիւն»:
Հրանդ Ք. Արմէն կը մահանայ 1973-ի սկիզբները:
Աշխատութիւններ Խմբագրել
Յամառ ու բծախնդիր աշխատանքով հայ պատմագրութեան գանձարանին աւանդ կը թողու հետեւեալ աշխատասիրութիւնները՝
- ՄԵԾՆ ՏԻԳՐԱՆ, Տիթրոյթ, 1940 (Անգլերէն)
- ՄԵԾՆ ՏԻԳՐԱՆ, Անթիլիաս,1947,
- ԽՈՐԵՆԱՑԻ, ԵՂՐԱՊԵՏԸ, ԼՈՍ ԱԻՇԷ ԵՒ ՀԱՅՐ ՆԵՐՍԷՍ ԱԿԻՆԵԱՆ, Երուսաղէմ,1951
- ՄԱՐԶՊԱՆԸ եւ ՍՊԱՆՃԵԼԸՍ,1952
- ՊԱՏՄՈՒԹԻՒՆ ԽՈՐԵՆԱՑԻԻ ՔՆՆԱԴԱՏՈՒԹԵԱՆ,Երուսաղէմ,1954
- ՊԱՊ ԱՐՇԱԿՈՒՆԻ, Երուսաղէմ, 1958
- ՓԱՌԱՆՁԵՄ ԹԱԳՈՒՀԻ, Վենետիկ, 1962
- ԱՆԿՈՒՄՆ ԱՐՏԱՇԷՍԵԱՆ ՀԱՐՍՏՈՒԹԵԱՆ,Պէյրութ 1967
- ՊԱՏՄԱԿԱՆ ՔՆՆԱՐԿՈՒՄՆԵՐ, Պէյրութ, 1968
- ՀԱՅԿԱԿԱՆ ԳԵՐԱԳՈՅՆ ԱՏԵԱՆ, ՎԱՍԱԿ ՍԻՒՆԻ, Պէյրութ, 1969[2]:
Անոր գրչին կը պատկանի նաեւ ԱՐՄԷՆԻԶՄ խորագրով աշխատասիրութիւն մը:
Ծանօթագրութիւններ Խմբագրել
- ↑ 1,0 1,1 http://am.hayazg.info/index.php?curid=11484
- ↑ PeoplePill։ «Hrant Armen: Armenian historian (1895 - 1973) | Biography, Facts, Career, Wiki, Life»։ PeoplePill (հայերէն)։ արտագրուած է՝ 2020-08-18
Աղբիւրներ Խմբագրել
- Հայկազեան Հայագիտական Հանդէս, Հատոր Դ., Պէյրութ 1973, էջ 351։