Հրաչ Փափազեան

Հրաչ Փափազեան (աւազանի անունով՝ Կարապետ-Կարպիս[1], 19 Յունիս 1892, Եոզկատ - 16 Օգոստոս 1960, Լիբանան), Կ.Պոլսոյ, հայ իրաւաբան, ՀՅԴ բիւրոյի անդամ։

Հրաչ Փափազեան
Ծնած է 19 Յունիս 1892(1892-06-19)
Վախճանած է 16 Օգոստոս 1960(1960-08-16) (68 տարեկանին)
Ազգութիւն հայ
Մասնագիտութիւն քաղաքական գործիչ
Կուսակցութիւն Հայ Յեղափոխական Դաշնակցութիւն

ԿենսագրութիւնԽմբագրել

Եօթը տարեկանին կը փոխադրուի Սեբաստիա, ուր հինգ տարի մնալէ ետք, 1904-ին կը ղրկուի Պոլիս իր ազգականներուն մօտ. հոն կը ստանայ իր կրթութիւն՝ աւարտելով համալսարանի իրաւաբանական բաժանմունքը եւ 1910-ին կը մտնէ ՀՅ Դաշնակցութեան շարքերը։

1914 թուականին, եղեռնէն փրկուելով, անցած է Հալէպ, 1919 թուականին վերստին վերադարձած Կ.Պոլիս, մեծապէս նպաստած է «Նեմեսիս» գործողութեան կազմակերպման աշխատանքներուն։

Հրաչ 1922-ին կը հեռանայ Պոլիսէն եւ կ՛անցնի Յունաստան, ուր կը զբաղի ազգային, քաղաքական եւ կուսակցական աշխատանքներով։

Ընդմիջումներով կը մնայ Աթէնք եւ Սելանիկ, մինչեւ 1926-ի վերջերը եւ ապա կուսակցական գործով կը հաստատուի Հալէպ։ Հալէպի մէջ վարած է կուսակցական (ՀՅԴ բիւրոյի անդամ), հանրային եւ պետական (Սուրիոյ խորհրդարանի անդամ) երկարամեայ գործունէութիւն։ 1957 թուականին փոխադրուած է Լիբանան։

հիւանդութիւնը Փափազեանին կը տանի մահուան անկողին։ Իր կեանքին վերջին ամիսները ծանր տառապանք մը կ՛ըլլան իրեն համար։ Ան աչքերը կը փակէ 16 Օգոստոս 1960-ին, Շթորայի մէջ եւ ազգային յուղարկաւորութեամբ մը կը թաղուի Ֆըրն Շըպպեքի գերեզմանատան մէջ, Պէյրութ:

ԾանօթագրութիւններԽմբագրել