Սարգիս Խարտալեան
Սարգիս Խարտալեան (1939, Պէյրութ, Լիբանան - 2 Մայիս 1982, Սիէթըլ, Ուաշինկթըն, Ամերիկայի Միացեալ Նահանգներ), լիբանանահայ ջութակահար։
| Սարգիս Խարտալեան | |
|---|---|
| Ծնած է | 1939 |
| Ծննդավայր | Պէյրութ, Լիբանան |
| Մահացած է | 2 Մայիս 1982 |
| Մահուան վայր | Սիէթըլ, Ուաշինկթըն, Ամերիկայի Միացեալ Նահանգներ |
Կենսագրական գիծեր
ԽմբագրելԾնած է Պէյրութ, Մարաշցի ծնողքէ: Նախակրթութիւնը ստացած է Պուրճ Համուտի Մեսրոպեան վարժարանին մէջ, 9 տարեկանին սկսած է ջութակի դասերու, ուսուցիչ ունենալով Օննիկ Սիւրմէլեանը, 12 տարեկանին տուած է առաջին ռեսիթալը:
Պէյրութի Գեղարուեստից Ակադեմիան յաջողապէս աւարտելէ ետք, 1957-ին մեկնած է Փարիզ, ուր վեց ամիս տեղւոյն երաժչտանոցին դասընթացքներուն հետեւելէ ետք, անցած է Քոփենհակըն (Դանիա), եւ աշակերտելով հունգարացի հռչակաւոր փրոֆ. Թելմանիի, արժանացած է բարձր գնահատանքներու: Թելմանիէն սորված է նաեւ կոր աղեղով նուագելը, որուն գաղտնիքին տիրացողները շատ քիչ են:
1960-ին Դանիոյ Արքայական Պալատին մէջ փայլուն նուագահանդէս մը տալով արժանացած է մասնաւոր պատիւներու եւ թագաւորը շքանշան մը տուած է եւ տեղւոյն թերթերը գրած են այդ առիթով.
|
Կրակներ կ'ելլէին տաղանդաւոր ջութակահարին մատներէն: Խարտալեան եթէ իր տաղանդին միացնէ իր մեծ եռանդն ու շարունակական կորովը, կրնայ օր մը հռչակաւոր ջութակահար մը ըլլալ: | 
|
Նուագահանդէսներ
Խմբագրել1960-ի Մայիսին, Խարտալեան Պէյրութի մէջ յաջող նուագահանդէս մը տուաւ դաշնակի ընկերակցութեամբ Արփինէ Փեհլիվանեանի, Ճիպէյլի «Թռչնոց Բոյն»ի նպաստ, Ամերիկեան Համալսարանի Չէփըլին մէջ։
1981-ին Քոփենհակընի Թիվոլի Սիմֆոնի նուագախումբին հետ Խարտալեան կը նուագէ Չայքովսքիի ջութակի քոնչերթոն եւ հայացգի նշաՆաւոր դասատու Իւան Կալամեան ունկնդրելով Սարգիսին Նուագը, արուեստագէտին կ՝ապահովէ Նիւ Եորքի Ճիւլիըրտ Երաժշտանոցի կրթաթոշակը:
1961-1966 Խարտալեան կը դառնայ Կալամեանի սիրելի աշակերտներէն մին, անկէ ստանալով նուագելու ոճ եւ թեքնիք եւ ուսուցչին յանձնարարութեամբ 1966-ին կ՝ընդունուի որպէս առաջին ջութակահար Սիաթըլի Սիմֆոնիք Նուագախումբին[1]:
1966-1980 նուագախումբին մաս կազմելով հանդերձ, Ռեսիթալներ կու տայ Պէյրութի, Եւրոպայի եւ Ամերիկայի զանազան քաղաքներու մէջ։
1980-ին, 12 թեկնածուներուն մէջէն կ'ընտրուի Սիաթըլի նուագախումբի «concertmaster»։ Նաեւ կը դասաւանդէ որպէս օգնական փրոֆ. երաժշտութեան Ուոշինկթընի Համալսարանին մէջ, 1974-ի Փետրուար 3-ին, Լոս Անճելոսի Միուէլիք Սենթըրի մէջ, նուագած է Արամ Խաչատուրեանի ջութակի քոնչերթոն, Արշակ Տիգրանեանի գլխաւորած Հայ Համանուագային Երաժշտական Միութեան կազմակերպած նուագահանդէսին:
Մահը
ԽմբագրելԽարտալեան մահացած է սրտի կաթուածի հետեւանքով, 2 Մայիս 1982ին, Սիաթըլի մէջ անձնական ռեսիթալի մը ընթացքին նուագած պահուն։
Ծանօթագրութիւններ
Խմբագրել- ↑ «50 Տարի Առաջ (16 Մայիս 1967) – Aztag Daily – Ազդակ Օրաթերթ (Armenian Daily Newspaper based in Lebanon)»։ www.aztagdaily.com։ արտագրուած է՝ 2024-06-26